| Library / Tipiṭaka / तिपिटक • Tipiṭaka / अङ्गुत्तरनिकाय • Aṅguttaranikāya |
१०. आसवक्खयसुत्तं
10. Āsavakkhayasuttaṃ
१२२. ‘‘दसयिमे, भिक्खवे, धम्मा भाविता बहुलीकता आसवानं खयाय संवत्तन्ति। कतमे दस? सम्मादिट्ठि, सम्मासङ्कप्पो, सम्मावाचा, सम्माकम्मन्तो, सम्माआजीवो, सम्मावायामो, सम्मासति, सम्मासमाधि, सम्माञाणं , सम्माविमुत्ति – इमे खो , भिक्खवे, दस धम्मा भाविता बहुलीकता आसवानं खयाय संवत्तन्ती’’ति। दसमं।
122. ‘‘Dasayime, bhikkhave, dhammā bhāvitā bahulīkatā āsavānaṃ khayāya saṃvattanti. Katame dasa? Sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi, sammāñāṇaṃ , sammāvimutti – ime kho , bhikkhave, dasa dhammā bhāvitā bahulīkatā āsavānaṃ khayāya saṃvattantī’’ti. Dasamaṃ.
पच्चोरोहणिवग्गो दुतियो।
Paccorohaṇivaggo dutiyo.
तस्सुद्दानं –
Tassuddānaṃ –
तयो अधम्मा अजितो, सङ्गारवो च ओरिमं।
Tayo adhammā ajito, saṅgāravo ca orimaṃ;
द्वे चेव पच्चोरोहणी, पुब्बङ्गमं आसवक्खयोति॥
Dve ceva paccorohaṇī, pubbaṅgamaṃ āsavakkhayoti.
Related texts:
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ५-४२. सङ्गारवसुत्तादिवण्णना • 5-42. Saṅgāravasuttādivaṇṇanā
