| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১০. আসৰক্খযসুত্তং
10. Āsavakkhayasuttaṃ
৯৯৬. আসৰানং খযায সংৰত্ততি। কথং ভাৰিতো চ, ভিক্খৰে, আনাপানস্সতিসমাধি কথং বহুলীকতো সংযোজনপ্পহানায সংৰত্ততি… অনুসযসমুগ্ঘাতায সংৰত্ততি… অদ্ধানপরিঞ্ঞায সংৰত্ততি… আসৰানং খযায সংৰত্ততি? ইধ, ভিক্খৰে, ভিক্খু অরঞ্ঞগতো ৰা রুক্খমূলগতো ৰা…পে॰ … পটিনিস্সগ্গানুপস্সী অস্সসিস্সামীতি সিক্খতি, পটিনিস্সগ্গানুপস্সী পস্সসিস্সামীতি সিক্খতি। এৰং ভাৰিতো খো, ভিক্খৰে, আনাপানস্সতিসমাধি এৰং বহুলীকতো সংযোজনপ্পহানায সংৰত্ততি…পে॰… অনুসযসমুগ্ঘাতায সংৰত্ততি…পে॰… অদ্ধানপরিঞ্ঞায সংৰত্ততি…পে॰… আসৰানং খযায সংৰত্ততীতি। দসমং।
996. Āsavānaṃ khayāya saṃvattati. Kathaṃ bhāvito ca, bhikkhave, ānāpānassatisamādhi kathaṃ bahulīkato saṃyojanappahānāya saṃvattati… anusayasamugghātāya saṃvattati… addhānapariññāya saṃvattati… āsavānaṃ khayāya saṃvattati? Idha, bhikkhave, bhikkhu araññagato vā rukkhamūlagato vā…pe. … paṭinissaggānupassī assasissāmīti sikkhati, paṭinissaggānupassī passasissāmīti sikkhati. Evaṃ bhāvito kho, bhikkhave, ānāpānassatisamādhi evaṃ bahulīkato saṃyojanappahānāya saṃvattati…pe… anusayasamugghātāya saṃvattati…pe… addhānapariññāya saṃvattati…pe… āsavānaṃ khayāya saṃvattatīti. Dasamaṃ.
দুতিযো ৰগ্গো।
Dutiyo vaggo.
তস্সুদ্দানং –
Tassuddānaṃ –
ইচ্ছানঙ্গলং কঙ্খেয্যং, আনন্দা অপরে দুৰে।
Icchānaṅgalaṃ kaṅkheyyaṃ, ānandā apare duve;
ভিক্খূ সংযোজনানুসযা, অদ্ধানং আসৰক্খযন্তি॥
Bhikkhū saṃyojanānusayā, addhānaṃ āsavakkhayanti.
আনাপানসংযুত্তং দসমং।
Ānāpānasaṃyuttaṃ dasamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৩-১০. পঠমআনন্দসুত্তাদিৰণ্ণনা • 3-10. Paṭhamaānandasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৩-১০. পঠমআনন্দসুত্তাদিৰণ্ণনা • 3-10. Paṭhamaānandasuttādivaṇṇanā
