| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
১০. আসৰক্খযসুত্তং
10. Āsavakkhayasuttaṃ
১২২. ‘‘দসযিমে, ভিক্খৰে, ধম্মা ভাৰিতা বহুলীকতা আসৰানং খযায সংৰত্তন্তি। কতমে দস? সম্মাদিট্ঠি, সম্মাসঙ্কপ্পো, সম্মাৰাচা, সম্মাকম্মন্তো, সম্মাআজীৰো, সম্মাৰাযামো, সম্মাসতি, সম্মাসমাধি, সম্মাঞাণং , সম্মাৰিমুত্তি – ইমে খো , ভিক্খৰে, দস ধম্মা ভাৰিতা বহুলীকতা আসৰানং খযায সংৰত্তন্তী’’তি। দসমং।
122. ‘‘Dasayime, bhikkhave, dhammā bhāvitā bahulīkatā āsavānaṃ khayāya saṃvattanti. Katame dasa? Sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi, sammāñāṇaṃ , sammāvimutti – ime kho , bhikkhave, dasa dhammā bhāvitā bahulīkatā āsavānaṃ khayāya saṃvattantī’’ti. Dasamaṃ.
পচ্চোরোহণিৰগ্গো দুতিযো।
Paccorohaṇivaggo dutiyo.
তস্সুদ্দানং –
Tassuddānaṃ –
তযো অধম্মা অজিতো, সঙ্গারৰো চ ওরিমং।
Tayo adhammā ajito, saṅgāravo ca orimaṃ;
দ্ৰে চেৰ পচ্চোরোহণী, পুব্বঙ্গমং আসৰক্খযোতি॥
Dve ceva paccorohaṇī, pubbaṅgamaṃ āsavakkhayoti.
Related texts:
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৫-৪২. সঙ্গারৰসুত্তাদিৰণ্ণনা • 5-42. Saṅgāravasuttādivaṇṇanā
