| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
১০. আসৰক্খযসুত্তং
10. Āsavakkhayasuttaṃ
৭০. ‘‘পঞ্চিমে, ভিক্খৰে, ধম্মা ভাৰিতা বহুলীকতা আসৰানং খযায সংৰত্তন্তি। কতমে পঞ্চ? ইধ, ভিক্খৰে, ভিক্খু অসুভানুপস্সী কাযে ৰিহরতি, আহারে পটিকূলসঞ্ঞী , সব্বলোকে অনভিরতসঞ্ঞী, সব্বসঙ্খারেসু অনিচ্চানুপস্সী, মরণসঞ্ঞা খো পনস্স অজ্ঝত্তং সূপট্ঠিতা হোতি। ইমে খো, ভিক্খৰে, পঞ্চ ধম্মা ভাৰিতা বহুলীকতা আসৰানং খযায সংৰত্তন্তী’’তি। দসমং।
70. ‘‘Pañcime, bhikkhave, dhammā bhāvitā bahulīkatā āsavānaṃ khayāya saṃvattanti. Katame pañca? Idha, bhikkhave, bhikkhu asubhānupassī kāye viharati, āhāre paṭikūlasaññī , sabbaloke anabhiratasaññī, sabbasaṅkhāresu aniccānupassī, maraṇasaññā kho panassa ajjhattaṃ sūpaṭṭhitā hoti. Ime kho, bhikkhave, pañca dhammā bhāvitā bahulīkatā āsavānaṃ khayāya saṃvattantī’’ti. Dasamaṃ.
সঞ্ঞাৰগ্গো দুতিযো।
Saññāvaggo dutiyo.
তস্সুদ্দানং –
Tassuddānaṃ –
দ্ৰে চ সঞ্ঞা দ্ৰে ৰড্ঢী চ, সাকচ্ছেন চ সাজীৰং।
Dve ca saññā dve vaḍḍhī ca, sākacchena ca sājīvaṃ;
ইদ্ধিপাদা চ দ্ৰে ৰুত্তা, নিব্বিদা চাসৰক্খযাতি॥
Iddhipādā ca dve vuttā, nibbidā cāsavakkhayāti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৭-১০. পঠমইদ্ধিপাদসুত্তাদিৰণ্ণনা • 7-10. Paṭhamaiddhipādasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৬-১০. সাজীৰসুত্তাদিৰণ্ণনা • 6-10. Sājīvasuttādivaṇṇanā
