| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā |
೧೧. ಅಸಞ್ಞಕಥಾವಣ್ಣನಾ
11. Asaññakathāvaṇṇanā
೩೮೧. ಇದಾನಿ ಅಸಞ್ಞಕಥಾ ನಾಮ ಹೋತಿ। ತತ್ಥ ಯೇಸಂ ‘‘ಸಙ್ಖಾರಪಚ್ಚಯಾ ವಿಞ್ಞಾಣ’’ನ್ತಿ ವಚನತೋ ವಿನಾ ವಿಞ್ಞಾಣೇನ ಪಟಿಸನ್ಧಿ ನಾಮ ನತ್ಥಿ। ‘‘ಸಞ್ಞುಪ್ಪಾದಾ ಚ ಪನ ತೇ ದೇವಾ ತಮ್ಹಾ ಕಾಯಾ ಚವನ್ತೀ’’ತಿ ವಚನತೋ ಅಸಞ್ಞಸತ್ತಾನಮ್ಪಿ ಚುತಿಪಟಿಸನ್ಧಿಕ್ಖಣೇ ಸಞ್ಞಾ ಅತ್ಥೀತಿ ಲದ್ಧಿ, ಸೇಯ್ಯಥಾಪಿ ಏತರಹಿ ಅನ್ಧಕಾನಂ; ತೇ ಸನ್ಧಾಯ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ। ತತೋ ನಂ ಸಕವಾದೀ ‘‘ಕಿಂ ತೇ ತಂ ಠಾನಂ ಸಞ್ಞಾಭವೋ’’ತಿಆದೀಹಿ ಚೋದೇತುಂ ಸಞ್ಞಾಭವೋ ಸಞ್ಞಾಗತೀತಿಆದಿಮಾಹ। ತಂ ಸಬ್ಬಂ ತತೋ ಪರಞ್ಚ ಪಾಳಿನಯೇನೇವ ವೇದಿತಬ್ಬನ್ತಿ।
381. Idāni asaññakathā nāma hoti. Tattha yesaṃ ‘‘saṅkhārapaccayā viññāṇa’’nti vacanato vinā viññāṇena paṭisandhi nāma natthi. ‘‘Saññuppādā ca pana te devā tamhā kāyā cavantī’’ti vacanato asaññasattānampi cutipaṭisandhikkhaṇe saññā atthīti laddhi, seyyathāpi etarahi andhakānaṃ; te sandhāya pucchā sakavādissa, paṭiññā itarassa. Tato naṃ sakavādī ‘‘kiṃ te taṃ ṭhānaṃ saññābhavo’’tiādīhi codetuṃ saññābhavo saññāgatītiādimāha. Taṃ sabbaṃ tato parañca pāḷinayeneva veditabbanti.
ಅಸಞ್ಞಕಥಾವಣ್ಣನಾ।
Asaññakathāvaṇṇanā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೩೧) ೧೧. ಅಸಞ್ಞಕಥಾ • (31) 11. Asaññakathā
