੧. ਅਸਙ੍ਖਤਸੁਤ੍ਤਂ

1. Asaṅkhatasuttaṃ

੩੭੭. ‘‘ਅਸਙ੍ਖਤਞ੍ਚ વੋ, ਭਿਕ੍ਖવੇ, ਦੇਸੇਸ੍ਸਾਮਿ ਅਸਙ੍ਖਤਗਾਮਿਞ੍ਚ ਮਗ੍ਗਂ। ਤਂ ਸੁਣਾਥ। ਕਤਮਞ੍ਚ, ਭਿਕ੍ਖવੇ, ਅਸਙ੍ਖਤਂ? ਯੋ, ਭਿਕ੍ਖવੇ, ਰਾਗਕ੍ਖਯੋ ਦੋਸਕ੍ਖਯੋ ਮੋਹਕ੍ਖਯੋ – ਇਦਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਂ। ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਸਮਥੋ। ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ। ਇਤਿ ਖੋ, ਭਿਕ੍ਖવੇ, ਦੇਸਿਤਂ વੋ ਮਯਾ ਅਸਙ੍ਖਤਂ, ਦੇਸਿਤੋ ਅਸਙ੍ਖਤਗਾਮਿਮਗ੍ਗੋ। ਯਂ, ਭਿਕ੍ਖવੇ, ਸਤ੍ਥਾਰਾ ਕਰਣੀਯਂ ਸਾવਕਾਨਂ ਹਿਤੇਸਿਨਾ ਅਨੁਕਮ੍ਪਕੇਨ ਅਨੁਕਮ੍ਪਂ ਉਪਾਦਾਯ, ਕਤਂ વੋ ਤਂ ਮਯਾ। ਏਤਾਨਿ, ਭਿਕ੍ਖવੇ, ਰੁਕ੍ਖਮੂਲਾਨਿ, ਏਤਾਨਿ ਸੁਞ੍ਞਾਗਾਰਾਨਿ। ਝਾਯਥ, ਭਿਕ੍ਖવੇ, ਮਾ ਪਮਾਦਤ੍ਥ; ਮਾ ਪਚ੍ਛਾ વਿਪ੍ਪਟਿਸਾਰਿਨੋ ਅਹੁવਤ੍ਥ। ਅਯਂ વੋ ਅਮ੍ਹਾਕਂ ਅਨੁਸਾਸਨੀਤਿ।

377. ‘‘Asaṅkhatañca vo, bhikkhave, desessāmi asaṅkhatagāmiñca maggaṃ. Taṃ suṇātha. Katamañca, bhikkhave, asaṅkhataṃ? Yo, bhikkhave, rāgakkhayo dosakkhayo mohakkhayo – idaṃ vuccati, bhikkhave, asaṅkhataṃ. Katamo ca, bhikkhave, asaṅkhatagāmimaggo? Samatho. Ayaṃ vuccati, bhikkhave, asaṅkhatagāmimaggo. Iti kho, bhikkhave, desitaṃ vo mayā asaṅkhataṃ, desito asaṅkhatagāmimaggo. Yaṃ, bhikkhave, satthārā karaṇīyaṃ sāvakānaṃ hitesinā anukampakena anukampaṃ upādāya, kataṃ vo taṃ mayā. Etāni, bhikkhave, rukkhamūlāni, etāni suññāgārāni. Jhāyatha, bhikkhave, mā pamādattha; mā pacchā vippaṭisārino ahuvattha. Ayaṃ vo amhākaṃ anusāsanīti.

‘‘ਅਸਙ੍ਖਤਞ੍ਚ વੋ, ਭਿਕ੍ਖવੇ, ਦੇਸੇਸ੍ਸਾਮਿ ਅਸਙ੍ਖਤਗਾਮਿਞ੍ਚ ਮਗ੍ਗਂ। ਤਂ ਸੁਣਾਥ। ਕਤਮਞ੍ਚ, ਭਿਕ੍ਖવੇ, ਅਸਙ੍ਖਤਂ? ਯੋ, ਭਿਕ੍ਖવੇ, ਰਾਗਕ੍ਖਯੋ ਦੋਸਕ੍ਖਯੋ ਮੋਹਕ੍ਖਯੋ – ਇਦਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਂ। ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? વਿਪਸ੍ਸਨਾ। ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ। ਇਤਿ ਖੋ, ਭਿਕ੍ਖવੇ, ਦੇਸਿਤਂ વੋ ਮਯਾ ਅਸਙ੍ਖਤਂ…ਪੇ॰… ਅਯਂ વੋ ਅਮ੍ਹਾਕਂ ਅਨੁਸਾਸਨੀਤਿ।

‘‘Asaṅkhatañca vo, bhikkhave, desessāmi asaṅkhatagāmiñca maggaṃ. Taṃ suṇātha. Katamañca, bhikkhave, asaṅkhataṃ? Yo, bhikkhave, rāgakkhayo dosakkhayo mohakkhayo – idaṃ vuccati, bhikkhave, asaṅkhataṃ. Katamo ca, bhikkhave, asaṅkhatagāmimaggo? Vipassanā. Ayaṃ vuccati, bhikkhave, asaṅkhatagāmimaggo. Iti kho, bhikkhave, desitaṃ vo mayā asaṅkhataṃ…pe… ayaṃ vo amhākaṃ anusāsanīti.

‘‘ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਸવਿਤਕ੍ਕੋ ਸવਿਚਾਰੋ ਸਮਾਧਿ। ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ…ਪੇ॰… ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਅવਿਤਕ੍ਕੋ વਿਚਾਰਮਤ੍ਤੋ ਸਮਾਧਿ। ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ…ਪੇ॰… ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਅવਿਤਕ੍ਕੋ ਅવਿਚਾਰੋ ਸਮਾਧਿ। ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ…ਪੇ॰…।

‘‘Katamo ca, bhikkhave, asaṅkhatagāmimaggo? Savitakko savicāro samādhi. Ayaṃ vuccati, bhikkhave, asaṅkhatagāmimaggo…pe… katamo ca, bhikkhave, asaṅkhatagāmimaggo? Avitakko vicāramatto samādhi. Ayaṃ vuccati, bhikkhave, asaṅkhatagāmimaggo…pe… katamo ca, bhikkhave, asaṅkhatagāmimaggo? Avitakko avicāro samādhi. Ayaṃ vuccati, bhikkhave, asaṅkhatagāmimaggo…pe….

‘‘ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਸੁਞ੍ਞਤੋ ਸਮਾਧਿ। ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ…ਪੇ॰… ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਅਨਿਮਿਤ੍ਤੋ ਸਮਾਧਿ। ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ…ਪੇ॰… ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਅਪ੍ਪਣਿਹਿਤੋ ਸਮਾਧਿ। ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ…ਪੇ॰…।

‘‘Katamo ca, bhikkhave, asaṅkhatagāmimaggo? Suññato samādhi. Ayaṃ vuccati, bhikkhave, asaṅkhatagāmimaggo…pe… katamo ca, bhikkhave, asaṅkhatagāmimaggo? Animitto samādhi. Ayaṃ vuccati, bhikkhave, asaṅkhatagāmimaggo…pe… katamo ca, bhikkhave, asaṅkhatagāmimaggo? Appaṇihito samādhi. Ayaṃ vuccati, bhikkhave, asaṅkhatagāmimaggo…pe….

‘‘ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਇਧ, ਭਿਕ੍ਖવੇ, ਭਿਕ੍ਖੁ ਕਾਯੇ ਕਾਯਾਨੁਪਸ੍ਸੀ વਿਹਰਤਿ ਆਤਾਪੀ ਸਮ੍ਪਜਾਨੋ ਸਤਿਮਾ વਿਨੇਯ੍ਯ ਲੋਕੇ ਅਭਿਜ੍ਝਾਦੋਮਨਸ੍ਸਂ। ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ…ਪੇ॰… ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਇਧ, ਭਿਕ੍ਖવੇ, ਭਿਕ੍ਖੁ વੇਦਨਾਸੁ વੇਦਨਾਨੁਪਸ੍ਸੀ વਿਹਰਤਿ…ਪੇ॰… ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ…ਪੇ॰… ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਇਧ, ਭਿਕ੍ਖવੇ, ਭਿਕ੍ਖੁ ਚਿਤ੍ਤੇ ਚਿਤ੍ਤਾਨੁਪਸ੍ਸੀ…ਪੇ॰… ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ…ਪੇ॰… ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਇਧ, ਭਿਕ੍ਖવੇ, ਭਿਕ੍ਖੁ ਧਮ੍ਮੇਸੁ ਧਮ੍ਮਾਨੁਪਸ੍ਸੀ વਿਹਰਤਿ…ਪੇ॰… ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ…ਪੇ॰…।

‘‘Katamo ca, bhikkhave, asaṅkhatagāmimaggo? Idha, bhikkhave, bhikkhu kāye kāyānupassī viharati ātāpī sampajāno satimā vineyya loke abhijjhādomanassaṃ. Ayaṃ vuccati, bhikkhave, asaṅkhatagāmimaggo…pe… katamo ca, bhikkhave, asaṅkhatagāmimaggo? Idha, bhikkhave, bhikkhu vedanāsu vedanānupassī viharati…pe… ayaṃ vuccati, bhikkhave, asaṅkhatagāmimaggo…pe… katamo ca, bhikkhave, asaṅkhatagāmimaggo? Idha, bhikkhave, bhikkhu citte cittānupassī…pe… ayaṃ vuccati, bhikkhave, asaṅkhatagāmimaggo…pe… katamo ca, bhikkhave, asaṅkhatagāmimaggo? Idha, bhikkhave, bhikkhu dhammesu dhammānupassī viharati…pe… ayaṃ vuccati, bhikkhave, asaṅkhatagāmimaggo…pe….

‘‘ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਇਧ, ਭਿਕ੍ਖવੇ, ਭਿਕ੍ਖੁ ਅਨੁਪ੍ਪਨ੍ਨਾਨਂ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਅਨੁਪ੍ਪਾਦਾ ਛਨ੍ਦਂ ਜਨੇਤਿ વਾਯਮਤਿ વੀਰਿਯਂ ਆਰਭਤਿ ਚਿਤ੍ਤਂ ਪਗ੍ਗਣ੍ਹਾਤਿ ਪਦਹਤਿ। ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ…ਪੇ॰… ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਇਧ, ਭਿਕ੍ਖવੇ, ਭਿਕ੍ਖੁ ਉਪ੍ਪਨ੍ਨਾਨਂ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਪਹਾਨਾ ਛਨ੍ਦਂ ਜਨੇਤਿ વਾਯਮਤਿ વੀਰਿਯਂ ਆਰਭਤਿ ਚਿਤ੍ਤਂ ਪਗ੍ਗਣ੍ਹਾਤਿ ਪਦਹਤਿ। ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ…ਪੇ॰… ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਇਧ, ਭਿਕ੍ਖવੇ, ਭਿਕ੍ਖੁ ਅਨੁਪ੍ਪਨ੍ਨਾਨਂ ਕੁਸਲਾਨਂ ਧਮ੍ਮਾਨਂ ਉਪ੍ਪਾਦਾ ਛਨ੍ਦਂ ਜਨੇਤਿ વਾਯਮਤਿ વੀਰਿਯਂ ਆਰਭਤਿ ਚਿਤ੍ਤਂ ਪਗ੍ਗਣ੍ਹਾਤਿ ਪਦਹਤਿ। ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ…ਪੇ॰… ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਇਧ, ਭਿਕ੍ਖવੇ, ਭਿਕ੍ਖੁ ਉਪ੍ਪਨ੍ਨਾਨਂ ਕੁਸਲਾਨਂ ਧਮ੍ਮਾਨਂ ਠਿਤਿਯਾ ਅਸਮ੍ਮੋਸਾਯ ਭਿਯ੍ਯੋਭਾવਾਯ વੇਪੁਲ੍ਲਾਯ ਭਾવਨਾਯ ਪਾਰਿਪੂਰਿਯਾ ਛਨ੍ਦਂ ਜਨੇਤਿ વਾਯਮਤਿ વੀਰਿਯਂ ਆਰਭਤਿ ਚਿਤ੍ਤਂ ਪਗ੍ਗਣ੍ਹਾਤਿ ਪਦਹਤਿ। ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ…ਪੇ॰…।

‘‘Katamo ca, bhikkhave, asaṅkhatagāmimaggo? Idha, bhikkhave, bhikkhu anuppannānaṃ pāpakānaṃ akusalānaṃ dhammānaṃ anuppādā chandaṃ janeti vāyamati vīriyaṃ ārabhati cittaṃ paggaṇhāti padahati. Ayaṃ vuccati, bhikkhave, asaṅkhatagāmimaggo…pe… katamo ca, bhikkhave, asaṅkhatagāmimaggo? Idha, bhikkhave, bhikkhu uppannānaṃ pāpakānaṃ akusalānaṃ dhammānaṃ pahānā chandaṃ janeti vāyamati vīriyaṃ ārabhati cittaṃ paggaṇhāti padahati. Ayaṃ vuccati, bhikkhave, asaṅkhatagāmimaggo…pe… katamo ca, bhikkhave, asaṅkhatagāmimaggo? Idha, bhikkhave, bhikkhu anuppannānaṃ kusalānaṃ dhammānaṃ uppādā chandaṃ janeti vāyamati vīriyaṃ ārabhati cittaṃ paggaṇhāti padahati. Ayaṃ vuccati, bhikkhave, asaṅkhatagāmimaggo…pe… katamo ca, bhikkhave, asaṅkhatagāmimaggo? Idha, bhikkhave, bhikkhu uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati. Ayaṃ vuccati, bhikkhave, asaṅkhatagāmimaggo…pe….

‘‘ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਇਧ, ਭਿਕ੍ਖવੇ, ਭਿਕ੍ਖੁ ਛਨ੍ਦਸਮਾਧਿਪਧਾਨਸਙ੍ਖਾਰਸਮਨ੍ਨਾਗਤਂ ਇਦ੍ਧਿਪਾਦਂ ਭਾવੇਤਿ। ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ …ਪੇ॰… ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਇਧ, ਭਿਕ੍ਖવੇ, ਭਿਕ੍ਖੁ વੀਰਿਯਸਮਾਧਿਪਧਾਨਸਙ੍ਖਾਰਸਮਨ੍ਨਾਗਤਂ ਇਦ੍ਧਿਪਾਦਂ ਭਾવੇਤਿ। ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ…ਪੇ॰… ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਇਧ, ਭਿਕ੍ਖવੇ, ਭਿਕ੍ਖੁ ਚਿਤ੍ਤਸਮਾਧਿਪਧਾਨਸਙ੍ਖਾਰਸਮਨ੍ਨਾਗਤਂ ਇਦ੍ਧਿਪਾਦਂ ਭਾવੇਤਿ। ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ…ਪੇ॰… ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਇਧ, ਭਿਕ੍ਖવੇ, ਭਿਕ੍ਖੁ વੀਮਂਸਸਮਾਧਿਪਧਾਨਸਙ੍ਖਾਰਸਮਨ੍ਨਾਗਤਂ ਇਦ੍ਧਿਪਾਦਂ ਭਾવੇਤਿ। ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ…ਪੇ॰…।

‘‘Katamo ca, bhikkhave, asaṅkhatagāmimaggo? Idha, bhikkhave, bhikkhu chandasamādhipadhānasaṅkhārasamannāgataṃ iddhipādaṃ bhāveti. Ayaṃ vuccati, bhikkhave, asaṅkhatagāmimaggo …pe… katamo ca, bhikkhave, asaṅkhatagāmimaggo? Idha, bhikkhave, bhikkhu vīriyasamādhipadhānasaṅkhārasamannāgataṃ iddhipādaṃ bhāveti. Ayaṃ vuccati, bhikkhave, asaṅkhatagāmimaggo…pe… katamo ca, bhikkhave, asaṅkhatagāmimaggo? Idha, bhikkhave, bhikkhu cittasamādhipadhānasaṅkhārasamannāgataṃ iddhipādaṃ bhāveti. Ayaṃ vuccati, bhikkhave, asaṅkhatagāmimaggo…pe… katamo ca, bhikkhave, asaṅkhatagāmimaggo? Idha, bhikkhave, bhikkhu vīmaṃsasamādhipadhānasaṅkhārasamannāgataṃ iddhipādaṃ bhāveti. Ayaṃ vuccati, bhikkhave, asaṅkhatagāmimaggo…pe….

‘‘ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਇਧ, ਭਿਕ੍ਖવੇ, ਭਿਕ੍ਖੁ ਸਦ੍ਧਿਨ੍ਦ੍ਰਿਯਂ ਭਾવੇਤਿ વਿવੇਕਨਿਸ੍ਸਿਤਂ વਿਰਾਗਨਿਸ੍ਸਿਤਂ ਨਿਰੋਧਨਿਸ੍ਸਿਤਂ વੋਸ੍ਸਗ੍ਗਪਰਿਣਾਮਿਂ। ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ…ਪੇ॰… ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਇਧ, ਭਿਕ੍ਖવੇ, ਭਿਕ੍ਖੁ વੀਰਿਯਿਨ੍ਦ੍ਰਿਯਂ ਭਾવੇਤਿ વਿવੇਕਨਿਸ੍ਸਿਤਂ…ਪੇ॰… ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ…ਪੇ॰… ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਇਧ, ਭਿਕ੍ਖવੇ, ਭਿਕ੍ਖੁ ਸਤਿਨ੍ਦ੍ਰਿਯਂ ਭਾવੇਤਿ…ਪੇ॰… ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ…ਪੇ॰… ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਇਧ, ਭਿਕ੍ਖવੇ, ਭਿਕ੍ਖੁ ਸਮਾਧਿਨ੍ਦ੍ਰਿਯਂ ਭਾવੇਤਿ…ਪੇ॰… ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ…ਪੇ॰… ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਇਧ, ਭਿਕ੍ਖવੇ, ਭਿਕ੍ਖੁ ਪਞ੍ਞਿਨ੍ਦ੍ਰਿਯਂ ਭਾવੇਤਿ વਿવੇਕਨਿਸ੍ਸਿਤਂ વਿਰਾਗਨਿਸ੍ਸਿਤਂ ਨਿਰੋਧਨਿਸ੍ਸਿਤਂ વੋਸ੍ਸਗ੍ਗਪਰਿਣਾਮਿਂ। ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ…ਪੇ॰…।

‘‘Katamo ca, bhikkhave, asaṅkhatagāmimaggo? Idha, bhikkhave, bhikkhu saddhindriyaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Ayaṃ vuccati, bhikkhave, asaṅkhatagāmimaggo…pe… katamo ca, bhikkhave, asaṅkhatagāmimaggo? Idha, bhikkhave, bhikkhu vīriyindriyaṃ bhāveti vivekanissitaṃ…pe… ayaṃ vuccati, bhikkhave, asaṅkhatagāmimaggo…pe… katamo ca, bhikkhave, asaṅkhatagāmimaggo? Idha, bhikkhave, bhikkhu satindriyaṃ bhāveti…pe… ayaṃ vuccati, bhikkhave, asaṅkhatagāmimaggo…pe… katamo ca, bhikkhave, asaṅkhatagāmimaggo? Idha, bhikkhave, bhikkhu samādhindriyaṃ bhāveti…pe… ayaṃ vuccati, bhikkhave, asaṅkhatagāmimaggo…pe… katamo ca, bhikkhave, asaṅkhatagāmimaggo? Idha, bhikkhave, bhikkhu paññindriyaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Ayaṃ vuccati, bhikkhave, asaṅkhatagāmimaggo…pe….

‘‘ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਇਧ, ਭਿਕ੍ਖવੇ, ਭਿਕ੍ਖੁ ਸਦ੍ਧਾਬਲਂ ਭਾવੇਤਿ વਿવੇਕਨਿਸ੍ਸਿਤਂ…ਪੇ॰… ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ…ਪੇ॰… ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਇਧ, ਭਿਕ੍ਖવੇ, ਭਿਕ੍ਖੁ વੀਰਿਯਬਲਂ ਭਾવੇਤਿ…ਪੇ॰… ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ…ਪੇ॰… ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਇਧ, ਭਿਕ੍ਖવੇ, ਭਿਕ੍ਖੁ ਸਤਿਬਲਂ ਭਾવੇਤਿ…ਪੇ॰… ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ…ਪੇ॰… ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਇਧ, ਭਿਕ੍ਖવੇ, ਭਿਕ੍ਖੁ ਸਮਾਧਿਬਲਂ ਭਾવੇਤਿ…ਪੇ॰… ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ…ਪੇ॰… ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਇਧ, ਭਿਕ੍ਖવੇ, ਭਿਕ੍ਖੁ ਪਞ੍ਞਾਬਲਂ ਭਾવੇਤਿ વਿવੇਕਨਿਸ੍ਸਿਤਂ વਿਰਾਗਨਿਸ੍ਸਿਤਂ ਨਿਰੋਧਨਿਸ੍ਸਿਤਂ વੋਸ੍ਸਗ੍ਗਪਰਿਣਾਮਿਂ। ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ…ਪੇ॰…।

‘‘Katamo ca, bhikkhave, asaṅkhatagāmimaggo? Idha, bhikkhave, bhikkhu saddhābalaṃ bhāveti vivekanissitaṃ…pe… ayaṃ vuccati, bhikkhave, asaṅkhatagāmimaggo…pe… katamo ca, bhikkhave, asaṅkhatagāmimaggo? Idha, bhikkhave, bhikkhu vīriyabalaṃ bhāveti…pe… ayaṃ vuccati, bhikkhave, asaṅkhatagāmimaggo…pe… katamo ca, bhikkhave, asaṅkhatagāmimaggo? Idha, bhikkhave, bhikkhu satibalaṃ bhāveti…pe… ayaṃ vuccati, bhikkhave, asaṅkhatagāmimaggo…pe… katamo ca, bhikkhave, asaṅkhatagāmimaggo? Idha, bhikkhave, bhikkhu samādhibalaṃ bhāveti…pe… ayaṃ vuccati, bhikkhave, asaṅkhatagāmimaggo…pe… katamo ca, bhikkhave, asaṅkhatagāmimaggo? Idha, bhikkhave, bhikkhu paññābalaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Ayaṃ vuccati, bhikkhave, asaṅkhatagāmimaggo…pe….

‘‘ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਇਧ, ਭਿਕ੍ਖવੇ, ਭਿਕ੍ਖੁ ਸਤਿਸਮ੍ਬੋਜ੍ਝਙ੍ਗਂ ਭਾવੇਤਿ…ਪੇ॰… ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ…ਪੇ॰… ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਇਧ, ਭਿਕ੍ਖવੇ, ਭਿਕ੍ਖੁ ਧਮ੍ਮવਿਚਯਸਮ੍ਬੋਜ੍ਝਙ੍ਗਂ ਭਾવੇਤਿ…ਪੇ॰… વੀਰਿਯਸਮ੍ਬੋਜ੍ਝਙ੍ਗਂ ਭਾવੇਤਿ…ਪੇ॰… ਪੀਤਿਸਮ੍ਬੋਜ੍ਝਙ੍ਗਂ ਭਾવੇਤਿ…ਪੇ॰… ਪਸ੍ਸਦ੍ਧਿਸਮ੍ਬੋਜ੍ਝਙ੍ਗਂ ਭਾવੇਤਿ…ਪੇ॰… ਸਮਾਧਿਸਮ੍ਬੋਜ੍ਝਙ੍ਗਂ ਭਾવੇਤਿ…ਪੇ॰… ਉਪੇਕ੍ਖਾਸਮ੍ਬੋਜ੍ਝਙ੍ਗਂ ਭਾવੇਤਿ વਿવੇਕਨਿਸ੍ਸਿਤਂ વਿਰਾਗਨਿਸ੍ਸਿਤਂ ਨਿਰੋਧਨਿਸ੍ਸਿਤਂ વੋਸ੍ਸਗ੍ਗਪਰਿਣਾਮਿਂ। ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ…ਪੇ॰…।

‘‘Katamo ca, bhikkhave, asaṅkhatagāmimaggo? Idha, bhikkhave, bhikkhu satisambojjhaṅgaṃ bhāveti…pe… ayaṃ vuccati, bhikkhave, asaṅkhatagāmimaggo…pe… katamo ca, bhikkhave, asaṅkhatagāmimaggo? Idha, bhikkhave, bhikkhu dhammavicayasambojjhaṅgaṃ bhāveti…pe… vīriyasambojjhaṅgaṃ bhāveti…pe… pītisambojjhaṅgaṃ bhāveti…pe… passaddhisambojjhaṅgaṃ bhāveti…pe… samādhisambojjhaṅgaṃ bhāveti…pe… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Ayaṃ vuccati, bhikkhave, asaṅkhatagāmimaggo…pe….

‘‘ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਇਧ, ਭਿਕ੍ਖવੇ, ਭਿਕ੍ਖੁ ਸਮ੍ਮਾਦਿਟ੍ਠਿਂ ਭਾવੇਤਿ વਿવੇਕਨਿਸ੍ਸਿਤਂ વਿਰਾਗਨਿਸ੍ਸਿਤਂ ਨਿਰੋਧਨਿਸ੍ਸਿਤਂ વੋਸ੍ਸਗ੍ਗਪਰਿਣਾਮਿਂ। ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ…ਪੇ॰… ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਇਧ, ਭਿਕ੍ਖવੇ, ਭਿਕ੍ਖੁ ਸਮ੍ਮਾਸਙ੍ਕਪ੍ਪਂ ਭਾવੇਤਿ …ਪੇ॰… ਸਮ੍ਮਾવਾਚਂ ਭਾવੇਤਿ…ਪੇ॰… ਸਮ੍ਮਾਕਮ੍ਮਨ੍ਤਂ ਭਾવੇਤਿ…ਪੇ॰… ਸਮ੍ਮਾਆਜੀવਂ ਭਾવੇਤਿ…ਪੇ॰… ਸਮ੍ਮਾવਾਯਾਮਂ ਭਾવੇਤਿ…ਪੇ॰… ਸਮ੍ਮਾਸਤਿਂ ਭਾવੇਤਿ…ਪੇ॰… ਅਸਙ੍ਖਤਞ੍ਚ વੋ ਭਿਕ੍ਖવੇ, ਦੇਸੇਸ੍ਸਾਮਿ ਅਸਙ੍ਖਤਗਾਮਿਞ੍ਚ ਮਗ੍ਗਂ। ਤਂ ਸੁਣਾਥ। ਕਤਮਞ੍ਚ, ਭਿਕ੍ਖવੇ, ਅਸਙ੍ਖਤਂ…ਪੇ॰…? ਕਤਮੋ ਚ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ? ਇਧ, ਭਿਕ੍ਖવੇ, ਭਿਕ੍ਖੁ ਸਮ੍ਮਾਸਮਾਧਿਂ ਭਾવੇਤਿ વਿવੇਕਨਿਸ੍ਸਿਤਂ વਿਰਾਗਨਿਸ੍ਸਿਤਂ ਨਿਰੋਧਨਿਸ੍ਸਿਤਂ વੋਸ੍ਸਗ੍ਗਪਰਿਣਾਮਿਂ । ਅਯਂ વੁਚ੍ਚਤਿ, ਭਿਕ੍ਖવੇ, ਅਸਙ੍ਖਤਗਾਮਿਮਗ੍ਗੋ। ਇਤਿ ਖੋ, ਭਿਕ੍ਖવੇ, ਦੇਸਿਤਂ વੋ ਮਯਾ ਅਸਙ੍ਖਤਂ, ਦੇਸਿਤੋ ਅਸਙ੍ਖਤਗਾਮਿਮਗ੍ਗੋ। ਯਂ, ਭਿਕ੍ਖવੇ, ਸਤ੍ਥਾਰਾ ਕਰਣੀਯਂ ਸਾવਕਾਨਂ ਹਿਤੇਸਿਨਾ ਅਨੁਕਮ੍ਪਕੇਨ ਅਨੁਕਮ੍ਪਂ ਉਪਾਦਾਯ, ਕਤਂ વੋ ਤਂ ਮਯਾ। ਏਤਾਨਿ, ਭਿਕ੍ਖવੇ, ਰੁਕ੍ਖਮੂਲਾਨਿ, ਏਤਾਨਿ ਸੁਞ੍ਞਾਗਾਰਾਨਿ। ਝਾਯਥ, ਭਿਕ੍ਖવੇ, ਮਾ ਪਮਾਦਤ੍ਥ; ਮਾ ਪਚ੍ਛਾ વਿਪ੍ਪਟਿਸਾਰਿਨੋ ਅਹੁવਤ੍ਥ। ਅਯਂ વੋ ਅਮ੍ਹਾਕਂ ਅਨੁਸਾਸਨੀ’’ਤਿ। ਪਠਮਂ।

‘‘Katamo ca, bhikkhave, asaṅkhatagāmimaggo? Idha, bhikkhave, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Ayaṃ vuccati, bhikkhave, asaṅkhatagāmimaggo…pe… katamo ca, bhikkhave, asaṅkhatagāmimaggo? Idha, bhikkhave, bhikkhu sammāsaṅkappaṃ bhāveti …pe… sammāvācaṃ bhāveti…pe… sammākammantaṃ bhāveti…pe… sammāājīvaṃ bhāveti…pe… sammāvāyāmaṃ bhāveti…pe… sammāsatiṃ bhāveti…pe… asaṅkhatañca vo bhikkhave, desessāmi asaṅkhatagāmiñca maggaṃ. Taṃ suṇātha. Katamañca, bhikkhave, asaṅkhataṃ…pe…? Katamo ca, bhikkhave, asaṅkhatagāmimaggo? Idha, bhikkhave, bhikkhu sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . Ayaṃ vuccati, bhikkhave, asaṅkhatagāmimaggo. Iti kho, bhikkhave, desitaṃ vo mayā asaṅkhataṃ, desito asaṅkhatagāmimaggo. Yaṃ, bhikkhave, satthārā karaṇīyaṃ sāvakānaṃ hitesinā anukampakena anukampaṃ upādāya, kataṃ vo taṃ mayā. Etāni, bhikkhave, rukkhamūlāni, etāni suññāgārāni. Jhāyatha, bhikkhave, mā pamādattha; mā pacchā vippaṭisārino ahuvattha. Ayaṃ vo amhākaṃ anusāsanī’’ti. Paṭhamaṃ.

Next: ੨. ਅਨਤਸੁਤ੍ਤਂ • 2. Anatasuttaṃ

Related texts:

ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧-੩੩. ਅਸਙ੍ਖਤਸੁਤ੍ਤਾਦਿવਣ੍ਣਨਾ • 1-33. Asaṅkhatasuttādivaṇṇanā

ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨੩-੩੩. ਅਸਙ੍ਖਤਸੁਤ੍ਤਾਦਿવਣ੍ਣਨਾ • 23-33. Asaṅkhatasuttādivaṇṇanā

© 1991-2026 Titi Tudorancea Yoga Bulletin | Titi Tudorancea^® is a Registered Trademark | Terms of use and privacy policy
Contact