| Library / Tipiṭaka / ತಿಪಿಟಕ • Tipiṭaka / ಧಾತುಕಥಾಪಾಳಿ • Dhātukathāpāḷi |
೫. ಪಞ್ಚಮನಯೋ
5. Pañcamanayo
೫. ಅಸಙ್ಗಹಿತೇನಅಸಙ್ಗಹಿತಪದನಿದ್ದೇಸೋ
5. Asaṅgahitenaasaṅgahitapadaniddeso
೧೯೩. ರೂಪಕ್ಖನ್ಧೇನ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇ ಧಮ್ಮಾ ಕತಿಹಿ ಖನ್ಧೇಹಿ ಕತಿಹಾಯತನೇಹಿ ಕತಿಹಿ ಧಾತೂಹಿ ಅಸಙ್ಗಹಿತಾ? ತೇ ಧಮ್ಮಾ ಏಕೇನ ಖನ್ಧೇನ ಏಕೇನಾಯತನೇನ ಸತ್ತಹಿ ಧಾತೂಹಿ ಅಸಙ್ಗಹಿತಾ।
193. Rūpakkhandhena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, te dhammā katihi khandhehi katihāyatanehi katihi dhātūhi asaṅgahitā? Te dhammā ekena khandhena ekenāyatanena sattahi dhātūhi asaṅgahitā.
೧೯೪. ವೇದನಾಕ್ಖನ್ಧೇನ ಯೇ ಧಮ್ಮಾ… ಸಞ್ಞಾಕ್ಖನ್ಧೇನ ಯೇ ಧಮ್ಮಾ… ಸಙ್ಖಾರಕ್ಖನ್ಧೇನ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ದ್ವೀಹಿ ಖನ್ಧೇಹಿ ಏಕಾದಸಹಾಯತನೇಹಿ ಸತ್ತರಸಹಿ ಧಾತೂಹಿ ಅಸಙ್ಗಹಿತಾ।
194. Vedanākkhandhena ye dhammā… saññākkhandhena ye dhammā… saṅkhārakkhandhena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
೧೯೫. ವಿಞ್ಞಾಣಕ್ಖನ್ಧೇನ ಯೇ ಧಮ್ಮಾ… ಮನಾಯತನೇನ ಯೇ ಧಮ್ಮಾ… ಚಕ್ಖುವಿಞ್ಞಾಣಧಾತುಯಾ ಯೇ ಧಮ್ಮಾ…ಪೇ॰… ಮನೋಧಾತುಯಾ ಯೇ ಧಮ್ಮಾ… ಮನೋವಿಞ್ಞಾಣಧಾತುಯಾ ಯೇ ಧಮ್ಮಾ… ಮನಿನ್ದ್ರಿಯೇನ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ಚತೂಹಿ ಖನ್ಧೇಹಿ ಏಕಾದಸಹಾಯತನೇಹಿ ಏಕಾದಸಹಿ ಧಾತೂಹಿ ಅಸಙ್ಗಹಿತಾ।
195. Viññāṇakkhandhena ye dhammā… manāyatanena ye dhammā… cakkhuviññāṇadhātuyā ye dhammā…pe… manodhātuyā ye dhammā… manoviññāṇadhātuyā ye dhammā… manindriyena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā catūhi khandhehi ekādasahāyatanehi ekādasahi dhātūhi asaṅgahitā.
೧೯೬. ಚಕ್ಖಾಯತನೇನ ಯೇ ಧಮ್ಮಾ…ಪೇ॰… ಫೋಟ್ಠಬ್ಬಾಯತನೇನ ಯೇ ಧಮ್ಮಾ… ಚಕ್ಖುಧಾತುಯಾ ಯೇ ಧಮ್ಮಾ…ಪೇ॰… ಫೋಟ್ಠಬ್ಬಧಾತುಯಾ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ಚತೂಹಿ ಖನ್ಧೇಹಿ ದ್ವೀಹಾಯತನೇಹಿ ಅಟ್ಠಹಿ ಧಾತೂಹಿ ಅಸಙ್ಗಹಿತಾ।
196. Cakkhāyatanena ye dhammā…pe… phoṭṭhabbāyatanena ye dhammā… cakkhudhātuyā ye dhammā…pe… phoṭṭhabbadhātuyā ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā catūhi khandhehi dvīhāyatanehi aṭṭhahi dhātūhi asaṅgahitā.
೧೯೭. ಧಮ್ಮಾಯತನೇನ ಯೇ ಧಮ್ಮಾ… ಧಮ್ಮಧಾತುಯಾ ಯೇ ಧಮ್ಮಾ… ಇತ್ಥಿನ್ದ್ರಿಯೇನ ಯೇ ಧಮ್ಮಾ… ಪುರಿಸಿನ್ದ್ರಿಯೇನ ಯೇ ಧಮ್ಮಾ… ಜೀವಿತಿನ್ದ್ರಿಯೇನ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ಏಕೇನ ಖನ್ಧೇನ ಏಕೇನಾಯತನೇನ ಸತ್ತಹಿ ಧಾತೂಹಿ ಅಸಙ್ಗಹಿತಾ।
197. Dhammāyatanena ye dhammā… dhammadhātuyā ye dhammā… itthindriyena ye dhammā… purisindriyena ye dhammā… jīvitindriyena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā ekena khandhena ekenāyatanena sattahi dhātūhi asaṅgahitā.
೧೯೮. ಸಮುದಯಸಚ್ಚೇನ ಯೇ ಧಮ್ಮಾ… ಮಗ್ಗಸಚ್ಚೇನ ಯೇ ಧಮ್ಮಾ… ನಿರೋಧಸಚ್ಚೇನ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ದ್ವೀಹಿ ಖನ್ಧೇಹಿ ಏಕಾದಸಹಾಯತನೇಹಿ ಸತ್ತರಸಹಿ ಧಾತೂಹಿ ಅಸಙ್ಗಹಿತಾ।
198. Samudayasaccena ye dhammā… maggasaccena ye dhammā… nirodhasaccena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
೧೯೯. ಚಕ್ಖುನ್ದ್ರಿಯೇನ ಯೇ ಧಮ್ಮಾ…ಪೇ॰… ಕಾಯಿನ್ದ್ರಿಯೇನ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ಚತೂಹಿ ಖನ್ಧೇಹಿ ದ್ವೀಹಾಯತನೇಹಿ ಅಟ್ಠಹಿ ಧಾತೂಹಿ ಅಸಙ್ಗಹಿತಾ।
199. Cakkhundriyena ye dhammā…pe… kāyindriyena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā catūhi khandhehi dvīhāyatanehi aṭṭhahi dhātūhi asaṅgahitā.
೨೦೦. ಸುಖಿನ್ದ್ರಿಯೇನ ಯೇ ಧಮ್ಮಾ… ದುಕ್ಖಿನ್ದ್ರಿಯೇನ ಯೇ ಧಮ್ಮಾ… ಸೋಮನಸ್ಸಿನ್ದ್ರಿಯೇನ ಯೇ ಧಮ್ಮಾ… ದೋಮನಸ್ಸಿನ್ದ್ರಿಯೇನ ಯೇ ಧಮ್ಮಾ… ಉಪೇಕ್ಖಿನ್ದ್ರಿಯೇನ ಯೇ ಧಮ್ಮಾ… ಸದ್ಧಿನ್ದ್ರಿಯೇನ ಯೇ ಧಮ್ಮಾ… ವೀರಿಯಿನ್ದ್ರಿಯೇನ ಯೇ ಧಮ್ಮಾ… ಸತಿನ್ದ್ರಿಯೇನ ಯೇ ಧಮ್ಮಾ… ಸಮಾಧಿನ್ದ್ರಿಯೇನ ಯೇ ಧಮ್ಮಾ… ಪಞ್ಞಿನ್ದ್ರಿಯೇನ ಯೇ ಧಮ್ಮಾ… ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯೇನ ಯೇ ಧಮ್ಮಾ… ಅಞ್ಞಿನ್ದ್ರಿಯೇನ ಯೇ ಧಮ್ಮಾ… ಅಞ್ಞಾತಾವಿನ್ದ್ರಿಯೇನ ಯೇ ಧಮ್ಮಾ… ಅವಿಜ್ಜಾಯ ಯೇ ಧಮ್ಮಾ… ಅವಿಜ್ಜಾಪಚ್ಚಯಾ ಸಙ್ಖಾರೇನ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ದ್ವೀಹಿ ಖನ್ಧೇಹಿ ಏಕಾದಸಹಾಯತನೇಹಿ ಸತ್ತರಸಹಿ ಧಾತೂಹಿ ಅಸಙ್ಗಹಿತಾ।
200. Sukhindriyena ye dhammā… dukkhindriyena ye dhammā… somanassindriyena ye dhammā… domanassindriyena ye dhammā… upekkhindriyena ye dhammā… saddhindriyena ye dhammā… vīriyindriyena ye dhammā… satindriyena ye dhammā… samādhindriyena ye dhammā… paññindriyena ye dhammā… anaññātaññassāmītindriyena ye dhammā… aññindriyena ye dhammā… aññātāvindriyena ye dhammā… avijjāya ye dhammā… avijjāpaccayā saṅkhārena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
೨೦೧. ಸಙ್ಖಾರಪಚ್ಚಯಾ ವಿಞ್ಞಾಣೇನ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ಚತೂಹಿ ಖನ್ಧೇಹಿ ಏಕಾದಸಹಾಯತನೇಹಿ ಏಕಾದಸಹಿ ಧಾತೂಹಿ ಅಸಙ್ಗಹಿತಾ।
201. Saṅkhārapaccayā viññāṇena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā catūhi khandhehi ekādasahāyatanehi ekādasahi dhātūhi asaṅgahitā.
೨೦೨. ವಿಞ್ಞಾಣಪಚ್ಚಯಾ ನಾಮರೂಪೇನ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ಏಕೇನ ಖನ್ಧೇನ ಏಕೇನಾಯತನೇನ ಸತ್ತಹಿ ಧಾತೂಹಿ ಅಸಙ್ಗಹಿತಾ।
202. Viññāṇapaccayā nāmarūpena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā ekena khandhena ekenāyatanena sattahi dhātūhi asaṅgahitā.
೨೦೩. ನಾಮರೂಪಪಚ್ಚಯಾ ಸಳಾಯತನೇನ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ತೀಹಿ ಖನ್ಧೇಹಿ ಏಕೇನಾಯತನೇನ ಏಕಾಯ ಧಾತುಯಾ ಅಸಙ್ಗಹಿತಾ।
203. Nāmarūpapaccayā saḷāyatanena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā tīhi khandhehi ekenāyatanena ekāya dhātuyā asaṅgahitā.
೨೦೪. ಸಳಾಯತನಪಚ್ಚಯಾ ಫಸ್ಸೇನ ಯೇ ಧಮ್ಮಾ… ಫಸ್ಸಪಚ್ಚಯಾ ವೇದನಾಯ ಯೇ ಧಮ್ಮಾ… ವೇದನಾಪಚ್ಚಯಾ ತಣ್ಹಾಯ ಯೇ ಧಮ್ಮಾ… ತಣ್ಹಾಪಚ್ಚಯಾ ಉಪಾದಾನೇನ ಯೇ ಧಮ್ಮಾ… ಕಮ್ಮಭವೇನ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ದ್ವೀಹಿ ಖನ್ಧೇಹಿ ಏಕಾದಸಹಾಯತನೇಹಿ ಸತ್ತರಸಹಿ ಧಾತೂಹಿ ಅಸಙ್ಗಹಿತಾ।
204. Saḷāyatanapaccayā phassena ye dhammā… phassapaccayā vedanāya ye dhammā… vedanāpaccayā taṇhāya ye dhammā… taṇhāpaccayā upādānena ye dhammā… kammabhavena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
೨೦೫. ಅರೂಪಭವೇನ ಯೇ ಧಮ್ಮಾ… ನೇವಸಞ್ಞಾನಾಸಞ್ಞಾಭವೇನ ಯೇ ಧಮ್ಮಾ … ಚತುವೋಕಾರಭವೇನ ಯೇ ಧಮ್ಮಾ… ಇದ್ಧಿಪಾದೇನ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ಏಕೇನ ಖನ್ಧೇನ ದಸಹಾಯತನೇಹಿ ದಸಹಿ ಧಾತೂಹಿ ಅಸಙ್ಗಹಿತಾ।
205. Arūpabhavena ye dhammā… nevasaññānāsaññābhavena ye dhammā … catuvokārabhavena ye dhammā… iddhipādena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā ekena khandhena dasahāyatanehi dasahi dhātūhi asaṅgahitā.
೨೦೬. ಅಸಞ್ಞಾಭವೇನ ಯೇ ಧಮ್ಮಾ… ಏಕವೋಕಾರಭವೇನ ಯೇ ಧಮ್ಮಾ… ಜಾತಿಯಾ ಯೇ ಧಮ್ಮಾ… ಜರಾಯ ಯೇ ಧಮ್ಮಾ… ಮರಣೇನ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ , ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ಏಕೇನ ಖನ್ಧೇನ ಏಕೇನಾಯತನೇನ ಸತ್ತಹಿ ಧಾತೂಹಿ ಅಸಙ್ಗಹಿತಾ।
206. Asaññābhavena ye dhammā… ekavokārabhavena ye dhammā… jātiyā ye dhammā… jarāya ye dhammā… maraṇena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā , tehi dhammehi ye dhammā…pe… te dhammā ekena khandhena ekenāyatanena sattahi dhātūhi asaṅgahitā.
೨೦೭. ಪರಿದೇವೇನ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ಚತೂಹಿ ಖನ್ಧೇಹಿ ದ್ವೀಹಾಯತನೇಹಿ ಅಟ್ಠಹಿ ಧಾತೂಹಿ ಅಸಙ್ಗಹಿತಾ।
207. Paridevena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā catūhi khandhehi dvīhāyatanehi aṭṭhahi dhātūhi asaṅgahitā.
೨೦೮. ಸೋಕೇನ ಯೇ ಧಮ್ಮಾ… ದುಕ್ಖೇನ ಯೇ ಧಮ್ಮಾ… ದೋಮನಸ್ಸೇನ ಯೇ ಧಮ್ಮಾ… ಉಪಾಯಾಸೇನ ಯೇ ಧಮ್ಮಾ… ಸತಿಪಟ್ಠಾನೇನ ಯೇ ಧಮ್ಮಾ… ಸಮ್ಮಪ್ಪಧಾನೇನ ಯೇ ಧಮ್ಮಾ… ಝಾನೇನ ಯೇ ಧಮ್ಮಾ… ಅಪ್ಪಮಞ್ಞಾಯ ಯೇ ಧಮ್ಮಾ… ಪಞ್ಚಹಿ ಇನ್ದ್ರಿಯೇಹಿ ಯೇ ಧಮ್ಮಾ… ಪಞ್ಚಹಿ ಬಲೇಹಿ ಯೇ ಧಮ್ಮಾ… ಸತ್ತಹಿ ಬೋಜ್ಝಙ್ಗೇಹಿ ಯೇ ಧಮ್ಮಾ… ಅರಿಯೇನ ಅಟ್ಠಙ್ಗಿಕೇನ ಮಗ್ಗೇನ ಯೇ ಧಮ್ಮಾ… ಫಸ್ಸೇನ ಯೇ ಧಮ್ಮಾ… ವೇದನಾಯ ಯೇ ಧಮ್ಮಾ… ಸಞ್ಞಾಯ ಯೇ ಧಮ್ಮಾ… ಚೇತನಾಯ ಯೇ ಧಮ್ಮಾ… ಅಧಿಮೋಕ್ಖೇನ ಯೇ ಧಮ್ಮಾ … ಮನಸಿಕಾರೇನ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ದ್ವೀಹಿ ಖನ್ಧೇಹಿ ಏಕಾದಸಹಾಯತನೇಹಿ ಸತ್ತರಸಹಿ ಧಾತೂಹಿ ಅಸಙ್ಗಹಿತಾ।
208. Sokena ye dhammā… dukkhena ye dhammā… domanassena ye dhammā… upāyāsena ye dhammā… satipaṭṭhānena ye dhammā… sammappadhānena ye dhammā… jhānena ye dhammā… appamaññāya ye dhammā… pañcahi indriyehi ye dhammā… pañcahi balehi ye dhammā… sattahi bojjhaṅgehi ye dhammā… ariyena aṭṭhaṅgikena maggena ye dhammā… phassena ye dhammā… vedanāya ye dhammā… saññāya ye dhammā… cetanāya ye dhammā… adhimokkhena ye dhammā … manasikārena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
೨೦೯. ಚಿತ್ತೇನ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ಚತೂಹಿ ಖನ್ಧೇಹಿ ಏಕಾದಸಹಾಯತನೇಹಿ ಏಕಾದಸಹಿ ಧಾತೂಹಿ ಅಸಙ್ಗಹಿತಾ।
209. Cittena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā catūhi khandhehi ekādasahāyatanehi ekādasahi dhātūhi asaṅgahitā.
೧. ತಿಕಂ
1. Tikaṃ
೨೧೦. ಕುಸಲೇಹಿ ಧಮ್ಮೇಹಿ ಯೇ ಧಮ್ಮಾ… ಅಕುಸಲೇಹಿ ಧಮ್ಮೇಹಿ ಯೇ ಧಮ್ಮಾ… ಸುಖಾಯ ವೇದನಾಯ ಸಮ್ಪಯುತ್ತೇಹಿ ಧಮ್ಮೇಹಿ ಯೇ ಧಮ್ಮಾ… ದುಕ್ಖಾಯ ವೇದನಾಯ ಸಮ್ಪಯುತ್ತೇಹಿ ಧಮ್ಮೇಹಿ ಯೇ ಧಮ್ಮಾ… ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೇಹಿ ಧಮ್ಮೇಹಿ ಯೇ ಧಮ್ಮಾ… ವಿಪಾಕೇಹಿ ಧಮ್ಮೇಹಿ ಯೇ ಧಮ್ಮಾ… ವಿಪಾಕಧಮ್ಮಧಮ್ಮೇಹಿ ಯೇ ಧಮ್ಮಾ… ಅನುಪಾದಿನ್ನಅನುಪಾದಾನಿಯೇಹಿ ಧಮ್ಮೇಹಿ ಯೇ ಧಮ್ಮಾ… ಸಂಕಿಲಿಟ್ಠಸಂಕಿಲೇಸಿಕೇಹಿ ಧಮ್ಮೇಹಿ ಯೇ ಧಮ್ಮಾ… ಅಸಂಕಿಲಿಟ್ಠಅಸಂಕಿಲೇಸಿಕೇಹಿ ಧಮ್ಮೇಹಿ ಯೇ ಧಮ್ಮಾ… ಸವಿತಕ್ಕಸವಿಚಾರೇಹಿ ಧಮ್ಮೇಹಿ ಯೇ ಧಮ್ಮಾ… ಅವಿತಕ್ಕವಿಚಾರಮತ್ತೇಹಿ ಧಮ್ಮೇಹಿ ಯೇ ಧಮ್ಮಾ… ಪೀತಿಸಹಗತೇಹಿ ಧಮ್ಮೇಹಿ ಯೇ ಧಮ್ಮಾ… ಸುಖಸಹಗತೇಹಿ ಧಮ್ಮೇಹಿ ಯೇ ಧಮ್ಮಾ… ಉಪೇಕ್ಖಾಸಹಗತೇಹಿ ಧಮ್ಮೇಹಿ ಯೇ ಧಮ್ಮಾ… ದಸ್ಸನೇನ ಪಹಾತಬ್ಬೇಹಿ ಧಮ್ಮೇಹಿ ಯೇ ಧಮ್ಮಾ… ಭಾವನಾಯ ಪಹಾತಬ್ಬೇಹಿ ಧಮ್ಮೇಹಿ ಯೇ ಧಮ್ಮಾ… ದಸ್ಸನೇನ ಪಹಾತಬ್ಬಹೇತುಕೇಹಿ ಧಮ್ಮೇಹಿ ಯೇ ಧಮ್ಮಾ… ಭಾವನಾಯ ಪಹಾತಬ್ಬಹೇತುಕೇಹಿ ಧಮ್ಮೇಹಿ ಯೇ ಧಮ್ಮಾ… ಆಚಯಗಾಮೀಹಿ ಧಮ್ಮೇಹಿ ಯೇ ಧಮ್ಮಾ… ಅಪಚಯಗಾಮೀಹಿ ಧಮ್ಮೇಹಿ ಯೇ ಧಮ್ಮಾ… ಸೇಕ್ಖೇಹಿ ಧಮ್ಮೇಹಿ ಯೇ ಧಮ್ಮಾ… ಅಸೇಕ್ಖೇಹಿ ಧಮ್ಮೇಹಿ ಯೇ ಧಮ್ಮಾ… ಮಹಗ್ಗತೇಹಿ ಧಮ್ಮೇಹಿ ಯೇ ಧಮ್ಮಾ… ಅಪ್ಪಮಾಣೇಹಿ ಧಮ್ಮೇಹಿ ಯೇ ಧಮ್ಮಾ… ಪರಿತ್ತಾರಮ್ಮಣೇಹಿ ಧಮ್ಮೇಹಿ ಯೇ ಧಮ್ಮಾ… ಮಹಗ್ಗತಾರಮ್ಮಣೇಹಿ ಧಮ್ಮೇಹಿ ಯೇ ಧಮ್ಮಾ… ಅಪ್ಪಮಾಣಾರಮ್ಮಣೇಹಿ ಧಮ್ಮೇಹಿ ಯೇ ಧಮ್ಮಾ… ಹೀನೇಹಿ ಧಮ್ಮೇಹಿ ಯೇ ಧಮ್ಮಾ… ಪಣೀತೇಹಿ ಧಮ್ಮೇಹಿ ಯೇ ಧಮ್ಮಾ… ಮಿಚ್ಛತ್ತನಿಯತೇಹಿ ಧಮ್ಮೇಹಿ ಯೇ ಧಮ್ಮಾ… ಸಮ್ಮತ್ತನಿಯತೇಹಿ ಧಮ್ಮೇಹಿ ಯೇ ಧಮ್ಮಾ… ಮಗ್ಗಾರಮ್ಮಣೇಹಿ ಧಮ್ಮೇಹಿ ಯೇ ಧಮ್ಮಾ… ಮಗ್ಗಹೇತುಕೇಹಿ ಧಮ್ಮೇಹಿ ಯೇ ಧಮ್ಮಾ… ಮಗ್ಗಾಧಿಪತೀಹಿ ಧಮ್ಮೇಹಿ ಯೇ ಧಮ್ಮಾ… ಅತೀತಾರಮ್ಮಣೇಹಿ ಧಮ್ಮೇಹಿ ಯೇ ಧಮ್ಮಾ… ಅನಾಗತಾರಮ್ಮಣೇಹಿ ಧಮ್ಮೇಹಿ ಯೇ ಧಮ್ಮಾ… ಪಚ್ಚುಪನ್ನಾರಮ್ಮಣೇಹಿ ಧಮ್ಮೇಹಿ ಯೇ ಧಮ್ಮಾ… ಅಜ್ಝತ್ತಾರಮ್ಮಣೇಹಿ ಧಮ್ಮೇಹಿ ಯೇ ಧಮ್ಮಾ… ಬಹಿದ್ಧಾರಮ್ಮಣೇಹಿ ಧಮ್ಮೇಹಿ ಯೇ ಧಮ್ಮಾ… ಅಜ್ಝತ್ತಬಹಿದ್ಧಾರಮ್ಮಣೇಹಿ ಧಮ್ಮೇಹಿ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ಏಕೇನ ಖನ್ಧೇನ ದಸಹಾಯತನೇಹಿ ದಸಹಿ ಧಾತೂಹಿ ಅಸಙ್ಗಹಿತಾ।
210. Kusalehi dhammehi ye dhammā… akusalehi dhammehi ye dhammā… sukhāya vedanāya sampayuttehi dhammehi ye dhammā… dukkhāya vedanāya sampayuttehi dhammehi ye dhammā… adukkhamasukhāya vedanāya sampayuttehi dhammehi ye dhammā… vipākehi dhammehi ye dhammā… vipākadhammadhammehi ye dhammā… anupādinnaanupādāniyehi dhammehi ye dhammā… saṃkiliṭṭhasaṃkilesikehi dhammehi ye dhammā… asaṃkiliṭṭhaasaṃkilesikehi dhammehi ye dhammā… savitakkasavicārehi dhammehi ye dhammā… avitakkavicāramattehi dhammehi ye dhammā… pītisahagatehi dhammehi ye dhammā… sukhasahagatehi dhammehi ye dhammā… upekkhāsahagatehi dhammehi ye dhammā… dassanena pahātabbehi dhammehi ye dhammā… bhāvanāya pahātabbehi dhammehi ye dhammā… dassanena pahātabbahetukehi dhammehi ye dhammā… bhāvanāya pahātabbahetukehi dhammehi ye dhammā… ācayagāmīhi dhammehi ye dhammā… apacayagāmīhi dhammehi ye dhammā… sekkhehi dhammehi ye dhammā… asekkhehi dhammehi ye dhammā… mahaggatehi dhammehi ye dhammā… appamāṇehi dhammehi ye dhammā… parittārammaṇehi dhammehi ye dhammā… mahaggatārammaṇehi dhammehi ye dhammā… appamāṇārammaṇehi dhammehi ye dhammā… hīnehi dhammehi ye dhammā… paṇītehi dhammehi ye dhammā… micchattaniyatehi dhammehi ye dhammā… sammattaniyatehi dhammehi ye dhammā… maggārammaṇehi dhammehi ye dhammā… maggahetukehi dhammehi ye dhammā… maggādhipatīhi dhammehi ye dhammā… atītārammaṇehi dhammehi ye dhammā… anāgatārammaṇehi dhammehi ye dhammā… paccupannārammaṇehi dhammehi ye dhammā… ajjhattārammaṇehi dhammehi ye dhammā… bahiddhārammaṇehi dhammehi ye dhammā… ajjhattabahiddhārammaṇehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā ekena khandhena dasahāyatanehi dasahi dhātūhi asaṅgahitā.
೨೧೧. ಸನಿದಸ್ಸನಸಪ್ಪಟಿಘೇಹಿ ಧಮ್ಮೇಹಿ ಯೇ ಧಮ್ಮಾ… ಅನಿದಸ್ಸನಸಪ್ಪಟಿಘೇಹಿ ಧಮ್ಮೇಹಿ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ಚತೂಹಿ ಖನ್ಧೇಹಿ ದ್ವೀಹಾಯತನೇಹಿ ಅಟ್ಠಹಿ ಧಾತೂಹಿ ಅಸಙ್ಗಹಿತಾ ।
211. Sanidassanasappaṭighehi dhammehi ye dhammā… anidassanasappaṭighehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā catūhi khandhehi dvīhāyatanehi aṭṭhahi dhātūhi asaṅgahitā .
೨. ದುಕಂ
2. Dukaṃ
೨೧೨. ಹೇತೂಹಿ ಧಮ್ಮೇಹಿ ಯೇ ಧಮ್ಮಾ… ಹೇತೂಹಿ ಚೇವ ಸಹೇತುಕೇಹಿ ಚ ಧಮ್ಮೇಹಿ ಯೇ ಧಮ್ಮಾ… ಹೇತೂಹಿ ಚೇವ ಹೇತುಸಮ್ಪಯುತ್ತೇಹಿ ಚ ಧಮ್ಮೇಹಿ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ದ್ವೀಹಿ ಖನ್ಧೇಹಿ ಏಕಾದಸಹಾಯತನೇಹಿ ಸತ್ತರಸಹಿ ಧಾತೂಹಿ ಅಸಙ್ಗಹಿತಾ।
212. Hetūhi dhammehi ye dhammā… hetūhi ceva sahetukehi ca dhammehi ye dhammā… hetūhi ceva hetusampayuttehi ca dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
೨೧೩. ಸಹೇತುಕೇಹಿ ಧಮ್ಮೇಹಿ ಯೇ ಧಮ್ಮಾ… ಹೇತುಸಮ್ಪಯುತ್ತೇಹಿ ಧಮ್ಮೇಹಿ ಯೇ ಧಮ್ಮಾ… ಸಹೇತುಕೇಹಿ ಚೇವ ನ ಚ ಹೇತೂಹಿ ಧಮ್ಮೇಹಿ ಯೇ ಧಮ್ಮಾ… ಹೇತುಸಮ್ಪಯುತ್ತೇಹಿ ಚೇವ ನ ಚ ಹೇತೂಹಿ ಧಮ್ಮೇಹಿ ಯೇ ಧಮ್ಮಾ… ನ ಹೇತುಸಹೇತುಕೇಹಿ 1 ಧಮ್ಮೇಹಿ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ಏಕೇನ ಖನ್ಧೇನ ದಸಹಾಯತನೇಹಿ ದಸಹಿ ಧಾತೂಹಿ ಅಸಙ್ಗಹಿತಾ।
213. Sahetukehi dhammehi ye dhammā… hetusampayuttehi dhammehi ye dhammā… sahetukehi ceva na ca hetūhi dhammehi ye dhammā… hetusampayuttehi ceva na ca hetūhi dhammehi ye dhammā… na hetusahetukehi 2 dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā ekena khandhena dasahāyatanehi dasahi dhātūhi asaṅgahitā.
೨೧೪. ಅಪ್ಪಚ್ಚಯೇಹಿ ಧಮ್ಮೇಹಿ ಯೇ ಧಮ್ಮಾ… ಅಸಙ್ಖತೇಹಿ ಧಮ್ಮೇಹಿ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ದ್ವೀಹಿ ಖನ್ಧೇಹಿ ಏಕಾದಸಹಾಯತನೇಹಿ ಸತ್ತರಸಹಿ ಧಾತೂಹಿ ಅಸಙ್ಗಹಿತಾ।
214. Appaccayehi dhammehi ye dhammā… asaṅkhatehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
೨೧೫. ಸನಿದಸ್ಸನೇಹಿ ಧಮ್ಮೇಹಿ ಯೇ ಧಮ್ಮಾ… ಸಪ್ಪಟಿಘೇಹಿ ಧಮ್ಮೇಹಿ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ಚತೂಹಿ ಖನ್ಧೇಹಿ ದ್ವೀಹಾಯತನೇಹಿ ಅಟ್ಠಹಿ ಧಾತೂಹಿ ಅಸಙ್ಗಹಿತಾ।
215. Sanidassanehi dhammehi ye dhammā… sappaṭighehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā catūhi khandhehi dvīhāyatanehi aṭṭhahi dhātūhi asaṅgahitā.
೨೧೬. ರೂಪೀಹಿ ಧಮ್ಮೇಹಿ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ಏಕೇನ ಖನ್ಧೇನ ಏಕೇನಾಯತನೇನ ಸತ್ತಹಿ ಧಾತೂಹಿ ಅಸಙ್ಗಹಿತಾ।
216. Rūpīhi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā ekena khandhena ekenāyatanena sattahi dhātūhi asaṅgahitā.
೨೧೭. ಅರೂಪೀಹಿ ಧಮ್ಮೇಹಿ ಯೇ ಧಮ್ಮಾ… ಲೋಕುತ್ತರೇಹಿ ಧಮ್ಮೇಹಿ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ಏಕೇನ ಖನ್ಧೇನ ದಸಹಾಯತನೇಹಿ ದಸಹಿ ಧಾತೂಹಿ ಅಸಙ್ಗಹಿತಾ।
217. Arūpīhi dhammehi ye dhammā… lokuttarehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā ekena khandhena dasahāyatanehi dasahi dhātūhi asaṅgahitā.
೨೧೮. ಆಸವೇಹಿ ಧಮ್ಮೇಹಿ ಯೇ ಧಮ್ಮಾ… ಆಸವೇಹಿ ಚೇವ ಸಾಸವೇಹಿ ಚ ಧಮ್ಮೇಹಿ ಯೇ ಧಮ್ಮಾ… ಆಸವೇಹಿ ಚೇವ ಆಸವಸಮ್ಪಯುತ್ತೇಹಿ ಚ ಧಮ್ಮೇಹಿ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ದ್ವೀಹಿ ಖನ್ಧೇಹಿ ಏಕಾದಸಹಾಯತನೇಹಿ ಸತ್ತರಸಹಿ ಧಾತೂಹಿ ಅಸಙ್ಗಹಿತಾ।
218. Āsavehi dhammehi ye dhammā… āsavehi ceva sāsavehi ca dhammehi ye dhammā… āsavehi ceva āsavasampayuttehi ca dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
೨೧೯. ಅನಾಸವೇಹಿ ಧಮ್ಮೇಹಿ ಯೇ ಧಮ್ಮಾ… ಆಸವಸಮ್ಪಯುತ್ತೇಹಿ ಧಮ್ಮೇಹಿ ಯೇ ಧಮ್ಮಾ… ಆಸವಸಮ್ಪಯುತ್ತೇಹಿ ಚೇವ ನೋ ಚ ಆಸವೇಹಿ ಧಮ್ಮೇಹಿ ಯೇ ಧಮ್ಮಾ… ಆಸವವಿಪ್ಪಯುತ್ತೇಹಿ ಅನಾಸವೇಹಿ ಧಮ್ಮೇಹಿ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ಏಕೇನ ಖನ್ಧೇನ ದಸಹಾಯತನೇಹಿ ದಸಹಿ ಧಾತೂಹಿ ಅಸಙ್ಗಹಿತಾ।
219. Anāsavehi dhammehi ye dhammā… āsavasampayuttehi dhammehi ye dhammā… āsavasampayuttehi ceva no ca āsavehi dhammehi ye dhammā… āsavavippayuttehi anāsavehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā ekena khandhena dasahāyatanehi dasahi dhātūhi asaṅgahitā.
೨೨೦. ಸಂಯೋಜನೇಹಿ ಧಮ್ಮೇಹಿ ಯೇ ಧಮ್ಮಾ… ಗನ್ಥೇಹಿ ಧಮ್ಮೇಹಿ ಯೇ ಧಮ್ಮಾ… ಓಘೇಹಿ ಧಮ್ಮೇಹಿ ಯೇ ಧಮ್ಮಾ… ಯೋಗೇಹಿ ಧಮ್ಮೇಹಿ ಯೇ ಧಮ್ಮಾ… ನೀವರಣೇಹಿ ಧಮ್ಮೇಹಿ ಯೇ ಧಮ್ಮಾ… ಪರಾಮಾಸೇಹಿ ಧಮ್ಮೇಹಿ ಯೇ ಧಮ್ಮಾ… ಪರಾಮಾಸೇಹಿ ಚೇವ ಪರಾಮಟ್ಠೇಹಿ ಚ ಧಮ್ಮೇಹಿ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ದ್ವೀಹಿ ಖನ್ಧೇಹಿ ಏಕಾದಸಹಾಯತನೇಹಿ ಸತ್ತರಸಹಿ ಧಾತೂಹಿ ಅಸಙ್ಗಹಿತಾ।
220. Saṃyojanehi dhammehi ye dhammā… ganthehi dhammehi ye dhammā… oghehi dhammehi ye dhammā… yogehi dhammehi ye dhammā… nīvaraṇehi dhammehi ye dhammā… parāmāsehi dhammehi ye dhammā… parāmāsehi ceva parāmaṭṭhehi ca dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
೨೨೧. ಅಪರಾಮಟ್ಠೇಹಿ ಧಮ್ಮೇಹಿ ಯೇ ಧಮ್ಮಾ… ಪರಾಮಾಸಸಮ್ಪಯುತ್ತೇಹಿ ಧಮ್ಮೇಹಿ ಯೇ ಧಮ್ಮಾ… ಪರಾಮಾಸವಿಪ್ಪಯುತ್ತೇಹಿ ಅಪರಾಮಟ್ಠೇಹಿ ಧಮ್ಮೇಹಿ ಯೇ ಧಮ್ಮಾ… ಸಾರಮ್ಮಣೇಹಿ ಧಮ್ಮೇಹಿ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ , ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ಏಕೇನ ಖನ್ಧೇನ ದಸಹಾಯತನೇಹಿ ದಸಹಿ ಧಾತೂಹಿ ಅಸಙ್ಗಹಿತಾ।
221. Aparāmaṭṭhehi dhammehi ye dhammā… parāmāsasampayuttehi dhammehi ye dhammā… parāmāsavippayuttehi aparāmaṭṭhehi dhammehi ye dhammā… sārammaṇehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā , tehi dhammehi ye dhammā…pe… te dhammā ekena khandhena dasahāyatanehi dasahi dhātūhi asaṅgahitā.
೨೨೨. ಅನಾರಮ್ಮಣೇಹಿ ಧಮ್ಮೇಹಿ ಯೇ ಧಮ್ಮಾ… ನೋ ಚಿತ್ತೇಹಿ ಧಮ್ಮೇಹಿ ಯೇ ಧಮ್ಮಾ… ಚಿತ್ತವಿಪ್ಪಯುತ್ತೇಹಿ ಧಮ್ಮೇಹಿ ಯೇ ಧಮ್ಮಾ… ಚಿತ್ತವಿಸಂಸಟ್ಠೇಹಿ ಧಮ್ಮೇಹಿ ಯೇ ಧಮ್ಮಾ… ಚಿತ್ತಸಮುಟ್ಠಾನೇಹಿ ಧಮ್ಮೇಹಿ ಯೇ ಧಮ್ಮಾ… ಚಿತ್ತಸಹಭೂಹಿ ಧಮ್ಮೇಹಿ ಯೇ ಧಮ್ಮಾ… ಚಿತ್ತಾನುಪರಿವತ್ತೀಹಿ ಧಮ್ಮೇಹಿ ಯೇ ಧಮ್ಮಾ… ಬಾಹಿರೇಹಿ ಧಮ್ಮೇಹಿ ಯೇ ಧಮ್ಮಾ… ಉಪಾದಾಧಮ್ಮೇಹಿ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ಏಕೇನ ಖನ್ಧೇನ ಏಕೇನಾಯತನೇನ ಸತ್ತಹಿ ಧಾತೂಹಿ ಅಸಙ್ಗಹಿತಾ।
222. Anārammaṇehi dhammehi ye dhammā… no cittehi dhammehi ye dhammā… cittavippayuttehi dhammehi ye dhammā… cittavisaṃsaṭṭhehi dhammehi ye dhammā… cittasamuṭṭhānehi dhammehi ye dhammā… cittasahabhūhi dhammehi ye dhammā… cittānuparivattīhi dhammehi ye dhammā… bāhirehi dhammehi ye dhammā… upādādhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā ekena khandhena ekenāyatanena sattahi dhātūhi asaṅgahitā.
೨೨೩. ಚಿತ್ತೇಹಿ ಧಮ್ಮೇಹಿ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ಚತೂಹಿ ಖನ್ಧೇಹಿ ಏಕಾದಸಹಾಯತನೇಹಿ ಏಕಾದಸಹಿ ಧಾತೂಹಿ ಅಸಙ್ಗಹಿತಾ।
223. Cittehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā catūhi khandhehi ekādasahāyatanehi ekādasahi dhātūhi asaṅgahitā.
೨೨೪. ಚೇತಸಿಕೇಹಿ ಧಮ್ಮೇಹಿ ಯೇ ಧಮ್ಮಾ… ಚಿತ್ತಸಮ್ಪಯುತ್ತೇಹಿ ಧಮ್ಮೇಹಿ ಯೇ ಧಮ್ಮಾ… ಚಿತ್ತಸಂಸಟ್ಠೇಹಿ ಧಮ್ಮೇಹಿ ಯೇ ಧಮ್ಮಾ… ಚಿತ್ತಸಂಸಟ್ಠಸಮುಟ್ಠಾನೇಹಿ ಧಮ್ಮೇಹಿ ಯೇ ಧಮ್ಮಾ… ಚಿತ್ತಸಂಸಟ್ಠಸಮುಟ್ಠಾನಸಹಭೂಹಿ ಧಮ್ಮೇಹಿ ಯೇ ಧಮ್ಮಾ… ಚಿತ್ತಸಂಸಟ್ಠಸಮುಟ್ಠಾನಾನುಪರಿವತ್ತೀಹಿ ಧಮ್ಮೇಹಿ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ದ್ವೀಹಿ ಖನ್ಧೇಹಿ ಏಕಾದಸಹಾಯತನೇಹಿ ಸತ್ತರಸಹಿ ಧಾತೂಹಿ ಅಸಙ್ಗಹಿತಾ।
224. Cetasikehi dhammehi ye dhammā… cittasampayuttehi dhammehi ye dhammā… cittasaṃsaṭṭhehi dhammehi ye dhammā… cittasaṃsaṭṭhasamuṭṭhānehi dhammehi ye dhammā… cittasaṃsaṭṭhasamuṭṭhānasahabhūhi dhammehi ye dhammā… cittasaṃsaṭṭhasamuṭṭhānānuparivattīhi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
೨೨೫. ಅಜ್ಝತ್ತಿಕೇಹಿ ಧಮ್ಮೇಹಿ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ತೀಹಿ ಖನ್ಧೇಹಿ ಏಕೇನಾಯತನೇನ ಏಕಾಯ ಧಾತುಯಾ ಅಸಙ್ಗಹಿತಾ।
225. Ajjhattikehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā tehi dhammehi ye dhammā…pe… te dhammā tīhi khandhehi ekenāyatanena ekāya dhātuyā asaṅgahitā.
೨೨೬. ಉಪಾದಾನೇಹಿ ಧಮ್ಮೇಹಿ ಯೇ ಧಮ್ಮಾ… ಕಿಲೇಸೇಹಿ ಧಮ್ಮೇಹಿ ಯೇ ಧಮ್ಮಾ… ಕಿಲೇಸೇಹಿ ಚೇವ ಸಂಕಿಲೇಸಿಕೇಹಿ ಚ ಧಮ್ಮೇಹಿ ಯೇ ಧಮ್ಮಾ… ಕಿಲೇಸೇಹಿ ಚೇವ ಸಂಕಿಲಿಟ್ಠೇಹಿ ಚ ಧಮ್ಮೇಹಿ ಯೇ ಧಮ್ಮಾ… ಕಿಲೇಸೇಹಿ ಚೇವ ಕಿಲೇಸಸಮ್ಪಯುತ್ತೇಹಿ ಚ ಧಮ್ಮೇಹಿ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ…ಪೇ॰… ತೇ ಧಮ್ಮಾ ದ್ವೀಹಿ ಖನ್ಧೇಹಿ ಏಕಾದಸಹಾಯತನೇಹಿ ಸತ್ತರಸಹಿ ಧಾತೂಹಿ ಅಸಙ್ಗಹಿತಾ।
226. Upādānehi dhammehi ye dhammā… kilesehi dhammehi ye dhammā… kilesehi ceva saṃkilesikehi ca dhammehi ye dhammā… kilesehi ceva saṃkiliṭṭhehi ca dhammehi ye dhammā… kilesehi ceva kilesasampayuttehi ca dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
೨೨೭. ಅಸಂಕಿಲೇಸಿಕೇಹಿ ಧಮ್ಮೇಹಿ ಯೇ ಧಮ್ಮಾ… ಸಂಕಿಲಿಟ್ಠೇಹಿ ಧಮ್ಮೇಹಿ ಯೇ ಧಮ್ಮಾ… ಕಿಲೇಸಸಮ್ಪಯುತ್ತೇಹಿ ಧಮ್ಮೇಹಿ ಯೇ ಧಮ್ಮಾ… ಸಂಕಿಲಿಟ್ಠೇಹಿ ಚೇವ ನೋ ಚ ಕಿಲೇಸೇಹಿ ಧಮ್ಮೇಹಿ ಯೇ ಧಮ್ಮಾ… ಕಿಲೇಸಸಮ್ಪಯುತ್ತೇಹಿ ಚೇವ ನೋ ಚ ಕಿಲೇಸೇಹಿ ಧಮ್ಮೇಹಿ ಯೇ ಧಮ್ಮಾ… ಕಿಲೇಸವಿಪ್ಪಯುತ್ತೇಹಿ ಅಸಂಕಿಲೇಸಿಕೇಹಿ ಧಮ್ಮೇಹಿ ಯೇ ಧಮ್ಮಾ… ದಸ್ಸನೇನ ಪಹಾತಬ್ಬೇಹಿ ಧಮ್ಮೇಹಿ ಯೇ ಧಮ್ಮಾ… ಭಾವನಾಯ ಪಹಾತಬ್ಬೇಹಿ ಧಮ್ಮೇಹಿ ಯೇ ಧಮ್ಮಾ… ದಸ್ಸನೇನ ಪಹಾತಬ್ಬಹೇತುಕೇಹಿ ಧಮ್ಮೇಹಿ ಯೇ ಧಮ್ಮಾ… ಭಾವನಾಯ ಪಹಾತಬ್ಬಹೇತುಕೇಹಿ ಧಮ್ಮೇಹಿ ಯೇ ಧಮ್ಮಾ… ಸವಿತಕ್ಕೇಹಿ ಧಮ್ಮೇಹಿ ಯೇ ಧಮ್ಮಾ… ಸವಿಚಾರೇಹಿ ಧಮ್ಮೇಹಿ ಯೇ ಧಮ್ಮಾ… ಸಪ್ಪೀತಿಕೇಹಿ ಧಮ್ಮೇಹಿ ಯೇ ಧಮ್ಮಾ… ಪೀತಿಸಹಗತೇಹಿ ಧಮ್ಮೇಹಿ ಯೇ ಧಮ್ಮಾ… ಸುಖಸಹಗತೇಹಿ ಧಮ್ಮೇಹಿ ಯೇ ಧಮ್ಮಾ… ಉಪೇಕ್ಖಾಸಹಗತೇಹಿ ಧಮ್ಮೇಹಿ ಯೇ ಧಮ್ಮಾ… ನ ಕಾಮಾವಚರೇಹಿ ಧಮ್ಮೇಹಿ ಯೇ ಧಮ್ಮಾ… ರೂಪಾವಚರೇಹಿ ಧಮ್ಮೇಹಿ ಯೇ ಧಮ್ಮಾ… ಅರೂಪಾವಚರೇಹಿ ಧಮ್ಮೇಹಿ ಯೇ ಧಮ್ಮಾ… ಅಪರಿಯಾಪನ್ನೇಹಿ ಧಮ್ಮೇಹಿ ಯೇ ಧಮ್ಮಾ… ನಿಯ್ಯಾನಿಕೇಹಿ ಧಮ್ಮೇಹಿ ಯೇ ಧಮ್ಮಾ… ನಿಯತೇಹಿ ಧಮ್ಮೇಹಿ ಯೇ ಧಮ್ಮಾ… ಅನುತ್ತರೇಹಿ ಧಮ್ಮೇಹಿ ಯೇ ಧಮ್ಮಾ… ಸರಣೇಹಿ ಧಮ್ಮೇಹಿ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ ಖನ್ಧಸಙ್ಗಹೇನ ಅಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇ ಧಮ್ಮಾ ಕತಿಹಿ ಖನ್ಧೇಹಿ ಕತಿಹಾಯತನೇಹಿ ಕತಿಹಿ ಧಾತೂಹಿ ಅಸಙ್ಗಹಿತಾ? ತೇ ಧಮ್ಮಾ ಏಕೇನ ಖನ್ಧೇನ ದಸಹಾಯತನೇಹಿ ದಸಹಿ ಧಾತೂಹಿ ಅಸಙ್ಗಹಿತಾ।
227. Asaṃkilesikehi dhammehi ye dhammā… saṃkiliṭṭhehi dhammehi ye dhammā… kilesasampayuttehi dhammehi ye dhammā… saṃkiliṭṭhehi ceva no ca kilesehi dhammehi ye dhammā… kilesasampayuttehi ceva no ca kilesehi dhammehi ye dhammā… kilesavippayuttehi asaṃkilesikehi dhammehi ye dhammā… dassanena pahātabbehi dhammehi ye dhammā… bhāvanāya pahātabbehi dhammehi ye dhammā… dassanena pahātabbahetukehi dhammehi ye dhammā… bhāvanāya pahātabbahetukehi dhammehi ye dhammā… savitakkehi dhammehi ye dhammā… savicārehi dhammehi ye dhammā… sappītikehi dhammehi ye dhammā… pītisahagatehi dhammehi ye dhammā… sukhasahagatehi dhammehi ye dhammā… upekkhāsahagatehi dhammehi ye dhammā… na kāmāvacarehi dhammehi ye dhammā… rūpāvacarehi dhammehi ye dhammā… arūpāvacarehi dhammehi ye dhammā… apariyāpannehi dhammehi ye dhammā… niyyānikehi dhammehi ye dhammā… niyatehi dhammehi ye dhammā… anuttarehi dhammehi ye dhammā… saraṇehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, te dhammā katihi khandhehi katihāyatanehi katihi dhātūhi asaṅgahitā? Te dhammā ekena khandhena dasahāyatanehi dasahi dhātūhi asaṅgahitā.
ರೂಪಞ್ಚ ಧಮ್ಮಾಯತನಂ ಧಮ್ಮಧಾತು, ಇತ್ಥಿಪುಮಂ ಜೀವಿತಂ ನಾಮರೂಪಂ।
Rūpañca dhammāyatanaṃ dhammadhātu, itthipumaṃ jīvitaṃ nāmarūpaṃ;
ದ್ವೇ ಭವಾ ಜಾತಿ ಜರಾ ಮಚ್ಚುರೂಪಂ, ಅನಾರಮ್ಮಣಂ ನೋ ಚಿತ್ತಂ ಚಿತ್ತೇನ ವಿಪ್ಪಯುತ್ತಂ॥
Dve bhavā jāti jarā maccurūpaṃ, anārammaṇaṃ no cittaṃ cittena vippayuttaṃ.
ವಿಸಂಸಟ್ಠಂ ಸಮುಟ್ಠಾನ-ಸಹಭು ಅನುಪರಿವತ್ತಿ।
Visaṃsaṭṭhaṃ samuṭṭhāna-sahabhu anuparivatti;
ಅಸಙ್ಗಹಿತೇನಅಸಙ್ಗಹಿತಪದನಿದ್ದೇಸೋ ಪಞ್ಚಮೋ।
Asaṅgahitenaasaṅgahitapadaniddeso pañcamo.
Footnotes:
Related texts:
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೫. ಪಞ್ಚಮನಯೋ ಅಸಙ್ಗಹಿತೇನಅಸಙ್ಗಹಿತಪದವಣ್ಣನಾ • 5. Pañcamanayo asaṅgahitenaasaṅgahitapadavaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೫. ಪಞ್ಚಮನಯೋ ಅಸಙ್ಗಹಿತೇನಅಸಙ್ಗಹಿತಪದವಣ್ಣನಾ • 5. Pañcamanayo asaṅgahitenaasaṅgahitapadavaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೫. ಪಞ್ಚಮನಯೋ ಅಸಙ್ಗಹಿತೇನಅಸಙ್ಗಹಿತಪದವಣ್ಣನಾ • 5. Pañcamanayo asaṅgahitenaasaṅgahitapadavaṇṇanā
