| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೬. ಆಸನಸನ್ಥವಿಕತ್ಥೇರಅಪದಾನಂ
6. Āsanasanthavikattheraapadānaṃ
೨೬.
26.
‘‘ಚೇತಿಯಂ ಉತ್ತಮಂ ನಾಮ, ಸಿಖಿನೋ ಲೋಕಬನ್ಧುನೋ।
‘‘Cetiyaṃ uttamaṃ nāma, sikhino lokabandhuno;
ಅರಞ್ಞೇ ಇರೀಣೇ ವನೇ, ಅನ್ಧಾಹಿಣ್ಡಾಮಹಂ ತದಾ॥
Araññe irīṇe vane, andhāhiṇḍāmahaṃ tadā.
೨೭.
27.
‘‘ಪವನಾ ನಿಕ್ಖಮನ್ತೇನ, ದಿಟ್ಠಂ ಸೀಹಾಸನಂ ಮಯಾ।
‘‘Pavanā nikkhamantena, diṭṭhaṃ sīhāsanaṃ mayā;
೨೮.
28.
‘‘ದಿವಸಭಾಗಂ ಥವಿತ್ವಾನ, ಬುದ್ಧಂ ಲೋಕಗ್ಗನಾಯಕಂ।
‘‘Divasabhāgaṃ thavitvāna, buddhaṃ lokagganāyakaṃ;
ಹಟ್ಠೋ ಹಟ್ಠೇನ ಚಿತ್ತೇನ, ಇಮಂ ವಾಚಂ ಉದೀರಯಿಂ॥
Haṭṭho haṭṭhena cittena, imaṃ vācaṃ udīrayiṃ.
೨೯.
29.
‘‘‘ನಮೋ ತೇ ಪುರಿಸಾಜಞ್ಞ, ನಮೋ ತೇ ಪುರಿಸುತ್ತಮ।
‘‘‘Namo te purisājañña, namo te purisuttama;
ಸಬ್ಬಞ್ಞೂಸಿ ಮಹಾವೀರ, ಲೋಕಜೇಟ್ಠ ನರಾಸಭ’॥
Sabbaññūsi mahāvīra, lokajeṭṭha narāsabha’.
೩೦.
30.
‘‘ಅಭಿತ್ಥವಿತ್ವಾ ಸಿಖಿನಂ, ನಿಮಿತ್ತಕರಣೇನಹಂ।
‘‘Abhitthavitvā sikhinaṃ, nimittakaraṇenahaṃ;
ಆಸನಂ ಅಭಿವಾದೇತ್ವಾ, ಪಕ್ಕಾಮಿಂ ಉತ್ತರಾಮುಖೋ॥
Āsanaṃ abhivādetvā, pakkāmiṃ uttarāmukho.
೩೧.
31.
‘‘ಏಕತ್ತಿಂಸೇ ಇತೋ ಕಪ್ಪೇ, ಯಂ ಥವಿಂ ವದತಂ ವರಂ।
‘‘Ekattiṃse ito kappe, yaṃ thaviṃ vadataṃ varaṃ;
ದುಗ್ಗತಿಂ ನಾಭಿಜಾನಾಮಿ, ಥೋಮನಾಯ ಇದಂ ಫಲಂ॥
Duggatiṃ nābhijānāmi, thomanāya idaṃ phalaṃ.
೩೨.
32.
‘‘ಸತ್ತವೀಸೇ ಇತೋ ಕಪ್ಪೇ, ಅತುಲಾ ಸತ್ತ ಆಸು ತೇ।
‘‘Sattavīse ito kappe, atulā satta āsu te;
ಸತ್ತರತನಸಮ್ಪನ್ನಾ, ಚಕ್ಕವತ್ತೀ ಮಹಬ್ಬಲಾ॥
Sattaratanasampannā, cakkavattī mahabbalā.
೩೩.
33.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಆಸನಸನ್ಥವಿಕೋ 3 ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā āsanasanthaviko 4 thero imā gāthāyo abhāsitthāti.
ಆಸನಸನ್ಥವಿಕತ್ಥೇರಸ್ಸಾಪದಾನಂ ಛಟ್ಠಂ।
Āsanasanthavikattherassāpadānaṃ chaṭṭhaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೧-೧೦. ಆರಕ್ಖದಾಯಕತ್ಥೇರಅಪದಾನಾದಿವಣ್ಣನಾ • 1-10. Ārakkhadāyakattheraapadānādivaṇṇanā
