| Library / Tipiṭaka / तिपिटक • Tipiṭaka / अपदानपाळि • Apadānapāḷi |
६. आसनसन्थविकत्थेरअपदानं
6. Āsanasanthavikattheraapadānaṃ
२६.
26.
‘‘चेतियं उत्तमं नाम, सिखिनो लोकबन्धुनो।
‘‘Cetiyaṃ uttamaṃ nāma, sikhino lokabandhuno;
अरञ्ञे इरीणे वने, अन्धाहिण्डामहं तदा॥
Araññe irīṇe vane, andhāhiṇḍāmahaṃ tadā.
२७.
27.
‘‘पवना निक्खमन्तेन, दिट्ठं सीहासनं मया।
‘‘Pavanā nikkhamantena, diṭṭhaṃ sīhāsanaṃ mayā;
२८.
28.
‘‘दिवसभागं थवित्वान, बुद्धं लोकग्गनायकं।
‘‘Divasabhāgaṃ thavitvāna, buddhaṃ lokagganāyakaṃ;
हट्ठो हट्ठेन चित्तेन, इमं वाचं उदीरयिं॥
Haṭṭho haṭṭhena cittena, imaṃ vācaṃ udīrayiṃ.
२९.
29.
‘‘‘नमो ते पुरिसाजञ्ञ, नमो ते पुरिसुत्तम।
‘‘‘Namo te purisājañña, namo te purisuttama;
सब्बञ्ञूसि महावीर, लोकजेट्ठ नरासभ’॥
Sabbaññūsi mahāvīra, lokajeṭṭha narāsabha’.
३०.
30.
‘‘अभित्थवित्वा सिखिनं, निमित्तकरणेनहं।
‘‘Abhitthavitvā sikhinaṃ, nimittakaraṇenahaṃ;
आसनं अभिवादेत्वा, पक्कामिं उत्तरामुखो॥
Āsanaṃ abhivādetvā, pakkāmiṃ uttarāmukho.
३१.
31.
‘‘एकत्तिंसे इतो कप्पे, यं थविं वदतं वरं।
‘‘Ekattiṃse ito kappe, yaṃ thaviṃ vadataṃ varaṃ;
दुग्गतिं नाभिजानामि, थोमनाय इदं फलं॥
Duggatiṃ nābhijānāmi, thomanāya idaṃ phalaṃ.
३२.
32.
‘‘सत्तवीसे इतो कप्पे, अतुला सत्त आसु ते।
‘‘Sattavīse ito kappe, atulā satta āsu te;
सत्तरतनसम्पन्ना, चक्कवत्ती महब्बला॥
Sattaratanasampannā, cakkavattī mahabbalā.
३३.
33.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा आसनसन्थविको 3 थेरो इमा गाथायो अभासित्थाति।
Itthaṃ sudaṃ āyasmā āsanasanthaviko 4 thero imā gāthāyo abhāsitthāti.
आसनसन्थविकत्थेरस्सापदानं छट्ठं।
Āsanasanthavikattherassāpadānaṃ chaṭṭhaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १-१०. आरक्खदायकत्थेरअपदानादिवण्णना • 1-10. Ārakkhadāyakattheraapadānādivaṇṇanā
