| Library / Tipiṭaka / д̇ибидага • Tipiṭaka / жуул̣аваг̇г̇а-адтагат̇аа • Cūḷavagga-aṭṭhakathā |
аасанаббадиб̣ааханаад̣̇игат̇аа
Āsanappaṭibāhanādikathā
316. виббагад̇абхож̇анод̇и анд̇арагхарз ваа вихаарз ваа аран̃н̃з ваа яад̇т̇а гад̇т̇ажи бхун̃ж̇амаано бхигку анидтид̇з бхож̇анз на вудтаабзд̇аб̣б̣о. анд̇арагхарз бажчаа ааг̇ад̇зна бхигкам̣ г̇ахзд̇ваа г̇анд̇аб̣б̣ам̣. сажз мануссаа ваа бхигкуу ваа ‘‘бависат̇аа’’д̇и вад̣̇анд̇и, ‘‘маяи бависанд̇з бхигкуу удтахиссанд̇ий’’д̇и вад̇д̇аб̣б̣ам̣. ‘‘зт̇а, бханд̇з, аасанам̣ ад̇т̇ий’’д̇и вуд̇д̇зна бана бависид̇аб̣б̣ам̣. сажз гожи гин̃жи на вад̣̇ад̇и, аасанасаалам̣ г̇анд̇ваа ад̇исамийбам̣ аг̇анд̇ваа сабхааг̇адтаанз таад̇аб̣б̣ам̣. огаасз гад̇з ‘‘бависат̇аа’’д̇и вуд̇д̇зна бана бависид̇аб̣б̣ам̣. сажз бана яам̣ аасанам̣ д̇асса баабун̣аад̇и, д̇ад̇т̇а абхун̃ж̇анд̇о бхигку нисинно ход̇и, д̇ам̣ удтаабзд̇ум̣ ваддад̇и. яааг̇укаж̇ж̇агаад̣̇ийсу бана яам̣гин̃жи бивид̇ваа ваа каад̣̇ид̇ваа ваа яаава ан̃н̃о ааг̇ажчад̇и, д̇аава нисиннам̣ рид̇д̇ахад̇т̇амби вудтаабзд̇ум̣ на ваддад̇и. виббагад̇абхож̇аноязва хи со ход̇и.
316.Vippakatabhojanoti antaraghare vā vihāre vā araññe vā yattha katthaci bhuñjamāno bhikkhu aniṭṭhite bhojane na vuṭṭhāpetabbo. Antaraghare pacchā āgatena bhikkhaṃ gahetvā gantabbaṃ. Sace manussā vā bhikkhū vā ‘‘pavisathā’’ti vadanti, ‘‘mayi pavisante bhikkhū uṭṭhahissantī’’ti vattabbaṃ. ‘‘Etha, bhante, āsanaṃ atthī’’ti vuttena pana pavisitabbaṃ. Sace koci kiñci na vadati, āsanasālaṃ gantvā atisamīpaṃ agantvā sabhāgaṭṭhāne ṭhātabbaṃ. Okāse kate ‘‘pavisathā’’ti vuttena pana pavisitabbaṃ. Sace pana yaṃ āsanaṃ tassa pāpuṇāti, tattha abhuñjanto bhikkhu nisinno hoti, taṃ uṭṭhāpetuṃ vaṭṭati. Yāgukhajjakādīsu pana yaṃkiñci pivitvā vā khāditvā vā yāva añño āgacchati, tāva nisinnaṃ rittahatthampi vuṭṭhāpetuṃ na vaṭṭati. Vippakatabhojanoyeva hi so hoti.
сажз вудтаабзд̇ийд̇и сажз аабад̇д̇им̣ ад̇иггамид̇вааби вудтаабзд̇иязва. баваарид̇о жа ход̇ийд̇и яам̣ со вудтаабзд̇и, аяан̃жа бхигку баваарид̇о жа ход̇и, д̇зна вад̇д̇аб̣б̣о – ‘‘г̇ажча уд̣̇агам̣ аахараахий’’д̇и. вуд̣дхад̇аран̃хи бхигкум̣ аан̣аабзд̇ум̣ ид̣̇амзва згам̣ таананд̇и. сажз со уд̣̇агамби на аахарад̇и, д̇ад̇о яан̃жа навагад̇арзна гад̇д̇аб̣б̣ам̣, д̇ам̣ д̣̇ассзнд̇о ‘‘саад̇хугам̣ сид̇т̇ааний’’д̇иаад̣̇имааха.
Sace vuṭṭhāpetīti sace āpattiṃ atikkamitvāpi vuṭṭhāpetiyeva. Pavārito ca hotīti yaṃ so vuṭṭhāpeti, ayañca bhikkhu pavārito ca hoti, tena vattabbo – ‘‘gaccha udakaṃ āharāhī’’ti. Vuḍḍhatarañhi bhikkhuṃ āṇāpetuṃ idameva ekaṃ ṭhānanti. Sace so udakampi na āharati, tato yañca navakatarena kattabbaṃ, taṃ dassento ‘‘sādhukaṃ sitthānī’’tiādimāha.
г̇илаанасса бад̇ируубам̣ сзяяанд̇и зд̇т̇а яо гаасабхаг̇анд̣̇араад̇исаараад̣̇ийхи г̇илаано ход̇и, кзл̣амаллагаважжагабаалаад̣̇ийни табзд̇аб̣б̣аани хонд̇и. гудти ваа ход̇и, сзнаасанам̣ д̣̇уусзд̇и; зваруубасса хздтаабаасаад̣̇абан̣н̣асаалаад̣̇ийсу ан̃н̃ад̇арам̣ згаманд̇ам̣ сзнаасанам̣ д̣̇аад̇аб̣б̣ам̣. яасмим̣ васанд̇з сзнаасанам̣ на д̣̇уссад̇и, д̇асса варасзяяааби д̣̇аад̇аб̣б̣аава. яоби синзхабаанавирзжананад̇т̇угаммаад̣̇ийсу яам̣гин̃жи бхзсаж̇ж̇ам̣ гарод̇и, саб̣б̣о со г̇илааноязва, д̇ассааби саллагкзд̇ваа бад̇ируубам̣ сзнаасанам̣ д̣̇аад̇аб̣б̣ам̣ . лзсагаббзнаад̇и аббагзна сийсааб̣аад̇хаад̣̇имад̇д̇зна. бхигкуу г̇ан̣зд̇ваад̇и ‘‘зд̇д̇агаа наама бхигкуу’’д̇и вихаарз бхигкуунам̣ барижчзд̣̇ам̣ н̃ад̇ваа.
Gilānassa patirūpaṃ seyyanti ettha yo kāsabhagandarātisārādīhi gilāno hoti, kheḷamallakavaccakapālādīni ṭhapetabbāni honti. Kuṭṭhi vā hoti, senāsanaṃ dūseti; evarūpassa heṭṭhāpāsādapaṇṇasālādīsu aññataraṃ ekamantaṃ senāsanaṃ dātabbaṃ. Yasmiṃ vasante senāsanaṃ na dussati, tassa varaseyyāpi dātabbāva. Yopi sinehapānavirecananatthukammādīsu yaṃkiñci bhesajjaṃ karoti, sabbo so gilānoyeva, tassāpi sallakkhetvā patirūpaṃ senāsanaṃ dātabbaṃ . Lesakappenāti appakena sīsābādhādimattena. Bhikkhūgaṇetvāti ‘‘ettakā nāma bhikkhū’’ti vihāre bhikkhūnaṃ paricchedaṃ ñatvā.
аасанаббадиб̣ааханаад̣̇игат̇аа нидтид̇аа.
Āsanappaṭibāhanādikathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / аасанаббадиб̣ааханаад̣̇и • Āsanappaṭibāhanādi
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / аасанаббадиб̣ааханаад̣̇игат̇аа • Āsanappaṭibāhanādikathā
