| Library / Tipiṭaka / ತಿಪಿಟಕ • Tipiṭaka / ಖುದ್ದಸಿಕ್ಖಾ-ಮೂಲಸಿಕ್ಖಾ • Khuddasikkhā-mūlasikkhā |
೨೭. ಅಸಂವಾಸಿಕನಿದ್ದೇಸವಣ್ಣನಾ
27. Asaṃvāsikaniddesavaṇṇanā
೧೯೮. ಉಕ್ಖಿತ್ತೋತಿ ಆಪತ್ತಿಯಾ ಅದಸ್ಸನೇ, ಅಪ್ಪಟಿಕಮ್ಮೇ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ ವಾ ಉಕ್ಖಿತ್ತಕೋತಿ ತಿವಿಧೋಪಿ ಇಧ ಉಕ್ಖಿತ್ತೋ ಗಹಿತೋ। ಅನುಪಸಮ್ಪನ್ನೋತಿ ಇಮಿನಾ ಸಿಕ್ಖಮಾನಸಾಮಣೇರಸಾಮಣೇರೀಸಿಕ್ಖಾಪಚ್ಚಕ್ಖಾತಕಾ ಗಹಿತಾತಿ ವೇದಿತಬ್ಬಾ। ಛಿನ್ನಮೂಲಕೋ ನಾಮ ಅನ್ತಿಮವತ್ಥುಂ ಅಜ್ಝಾಪನ್ನಕೋ। ನಾನಾಸಂವಾಸೋತಿ ಲದ್ಧಿನಾನಾಸಂವಾಸಕೋ। ‘‘ನಾನಾಸೀಮಾಯ ಠಿತಚತುತ್ಥೋ ಕಮ್ಮಂ ಕರೇಯ್ಯ, ಇದ್ಧಿಯಾ ವೇಹಾಸೇ ಠಿತಚತುತ್ಥೋ ಕಮ್ಮಂ ಕರೇಯ್ಯ, ಅಕಮ್ಮಂ ನ ಚ ಕರಣೀಯ’’ನ್ತಿ ಹಿ ವುತ್ತತ್ತಾ ಇಮೇಪಿ ‘‘ಅಸಂವಾಸಿಕಾ’’ತಿ ವುತ್ತಾ। ಏತೇಸು ಪನ ಉಕ್ಖಿತ್ತಕೇಹಿ ಸದ್ಧಿಂ ಉಪೋಸಥಾದೀನಿ ಕರೋನ್ತೋ ಪಾಚಿತ್ತಿಯಂ ಆಪಜ್ಜತಿ। ನಿಸ್ಸೀಮಟ್ಠವೇಹಾಸಟ್ಠೇಹಿ ಕರೋನ್ತಸ್ಸ ಕಮ್ಮಂ ಕುಪ್ಪತಿ, ದುಕ್ಕಟಞ್ಚ ಹೋತಿ, ಇತರೇಹಿ ದುಕ್ಕಟಂ। ಅಸಂವಾಸಿಕವಿನಿಚ್ಛಯೋ।
198.Ukkhittoti āpattiyā adassane, appaṭikamme, pāpikāya diṭṭhiyā appaṭinissagge vā ukkhittakoti tividhopi idha ukkhitto gahito. Anupasampannoti iminā sikkhamānasāmaṇerasāmaṇerīsikkhāpaccakkhātakā gahitāti veditabbā. Chinnamūlako nāma antimavatthuṃ ajjhāpannako. Nānāsaṃvāsoti laddhinānāsaṃvāsako. ‘‘Nānāsīmāya ṭhitacatuttho kammaṃ kareyya, iddhiyā vehāse ṭhitacatuttho kammaṃ kareyya, akammaṃ na ca karaṇīya’’nti hi vuttattā imepi ‘‘asaṃvāsikā’’ti vuttā. Etesu pana ukkhittakehi saddhiṃ uposathādīni karonto pācittiyaṃ āpajjati. Nissīmaṭṭhavehāsaṭṭhehi karontassa kammaṃ kuppati, dukkaṭañca hoti, itarehi dukkaṭaṃ. Asaṃvāsikavinicchayo.
ಅಸಂವಾಸಿಕನಿದ್ದೇಸವಣ್ಣನಾ ನಿಟ್ಠಿತಾ।
Asaṃvāsikaniddesavaṇṇanā niṭṭhitā.
