| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
27. асам̣ваасиганид̣̇д̣̇зсаван̣н̣анаа
27. Asaṃvāsikaniddesavaṇṇanā
198. угкид̇д̇од̇и аабад̇д̇ияаа ад̣̇ассанз, аббадигаммз, баабигааяа д̣̇идтияаа аббадиниссаг̇г̇з ваа угкид̇д̇агод̇и д̇ивид̇хоби ид̇ха угкид̇д̇о г̇ахид̇о. анубасамбаннод̇и иминаа сигкамаанасааман̣зрасааман̣зрийсигкаабажжагкаад̇агаа г̇ахид̇аад̇и взд̣̇ид̇аб̣б̣аа. чиннамуулаго наама анд̇имавад̇т̇ум̣ аж̇жхаабаннаго. наанаасам̣ваасод̇и лад̣̇д̇хинаанаасам̣ваасаго. ‘‘наанаасиймааяа тид̇ажад̇уд̇т̇о гаммам̣ гарзяяа, ид̣̇д̇хияаа взхаасз тид̇ажад̇уд̇т̇о гаммам̣ гарзяяа, агаммам̣ на жа гаран̣ийяа’’нд̇и хи вуд̇д̇ад̇д̇аа имзби ‘‘асам̣ваасигаа’’д̇и вуд̇д̇аа. зд̇зсу бана угкид̇д̇агзхи сад̣̇д̇хим̣ убосат̇аад̣̇ийни гаронд̇о баажид̇д̇ияам̣ аабаж̇ж̇ад̇и. ниссиймадтавзхаасадтзхи гаронд̇асса гаммам̣ губбад̇и, д̣̇уггадан̃жа ход̇и, ид̇арзхи д̣̇уггадам̣. асам̣ваасигавинижчаяо.
198.Ukkhittoti āpattiyā adassane, appaṭikamme, pāpikāya diṭṭhiyā appaṭinissagge vā ukkhittakoti tividhopi idha ukkhitto gahito. Anupasampannoti iminā sikkhamānasāmaṇerasāmaṇerīsikkhāpaccakkhātakā gahitāti veditabbā. Chinnamūlako nāma antimavatthuṃ ajjhāpannako. Nānāsaṃvāsoti laddhinānāsaṃvāsako. ‘‘Nānāsīmāya ṭhitacatuttho kammaṃ kareyya, iddhiyā vehāse ṭhitacatuttho kammaṃ kareyya, akammaṃ na ca karaṇīya’’nti hi vuttattā imepi ‘‘asaṃvāsikā’’ti vuttā. Etesu pana ukkhittakehi saddhiṃ uposathādīni karonto pācittiyaṃ āpajjati. Nissīmaṭṭhavehāsaṭṭhehi karontassa kammaṃ kuppati, dukkaṭañca hoti, itarehi dukkaṭaṃ. Asaṃvāsikavinicchayo.
асам̣ваасиганид̣̇д̣̇зсаван̣н̣анаа нидтид̇аа.
Asaṃvāsikaniddesavaṇṇanā niṭṭhitā.
