| Library / Tipiṭaka / তিপিটক • Tipiṭaka / খুদ্দসিক্খা-মূলসিক্খা • Khuddasikkhā-mūlasikkhā |
২৭. অসংৰাসিকনিদ্দেসৰণ্ণনা
27. Asaṃvāsikaniddesavaṇṇanā
১৯৮. উক্খিত্তোতি আপত্তিযা অদস্সনে, অপ্পটিকম্মে, পাপিকায দিট্ঠিযা অপ্পটিনিস্সগ্গে ৰা উক্খিত্তকোতি তিৰিধোপি ইধ উক্খিত্তো গহিতো। অনুপসম্পন্নোতি ইমিনা সিক্খমানসামণেরসামণেরীসিক্খাপচ্চক্খাতকা গহিতাতি ৰেদিতব্বা। ছিন্নমূলকো নাম অন্তিমৰত্থুং অজ্ঝাপন্নকো। নানাসংৰাসোতি লদ্ধিনানাসংৰাসকো। ‘‘নানাসীমায ঠিতচতুত্থো কম্মং করেয্য, ইদ্ধিযা ৰেহাসে ঠিতচতুত্থো কম্মং করেয্য, অকম্মং ন চ করণীয’’ন্তি হি ৰুত্তত্তা ইমেপি ‘‘অসংৰাসিকা’’তি ৰুত্তা। এতেসু পন উক্খিত্তকেহি সদ্ধিং উপোসথাদীনি করোন্তো পাচিত্তিযং আপজ্জতি। নিস্সীমট্ঠৰেহাসট্ঠেহি করোন্তস্স কম্মং কুপ্পতি, দুক্কটঞ্চ হোতি, ইতরেহি দুক্কটং। অসংৰাসিকৰিনিচ্ছযো।
198.Ukkhittoti āpattiyā adassane, appaṭikamme, pāpikāya diṭṭhiyā appaṭinissagge vā ukkhittakoti tividhopi idha ukkhitto gahito. Anupasampannoti iminā sikkhamānasāmaṇerasāmaṇerīsikkhāpaccakkhātakā gahitāti veditabbā. Chinnamūlako nāma antimavatthuṃ ajjhāpannako. Nānāsaṃvāsoti laddhinānāsaṃvāsako. ‘‘Nānāsīmāya ṭhitacatuttho kammaṃ kareyya, iddhiyā vehāse ṭhitacatuttho kammaṃ kareyya, akammaṃ na ca karaṇīya’’nti hi vuttattā imepi ‘‘asaṃvāsikā’’ti vuttā. Etesu pana ukkhittakehi saddhiṃ uposathādīni karonto pācittiyaṃ āpajjati. Nissīmaṭṭhavehāsaṭṭhehi karontassa kammaṃ kuppati, dukkaṭañca hoti, itarehi dukkaṭaṃ. Asaṃvāsikavinicchayo.
অসংৰাসিকনিদ্দেসৰণ্ণনা নিট্ঠিতা।
Asaṃvāsikaniddesavaṇṇanā niṭṭhitā.
