| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
27. асам̣ваасанид̣̇д̣̇зсаван̣н̣анаа
27. Asaṃvāsaniddesavaṇṇanā
198. угкид̇д̇од̇и гамманаанаасам̣ваасагасан̇каад̇о аабад̇д̇ияаа ад̣̇ассанз, аббадигаммз, баабигааяа д̣̇идтияаа аббадиниссаг̇г̇з угкид̇д̇аго. анубасамбаннод̇и сигкамаанасааман̣зрасааман̣зрисигкаабажжагкаад̇асан̇каад̇о анубасамбанно. чиннамуулагод̇и анд̇имавад̇т̇уаж̇жхаабанно. угкид̇д̇агзсу ‘‘д̇хаммаваад̣̇ино зд̇з’’д̇и уббаннааяа лад̣̇д̇хияаа наанаабхууд̇о сам̣ваасо зд̇ассаад̇и наанаасам̣ваасо, угкид̇д̇аанувад̇д̇агасан̇каад̇о лад̣̇д̇хинаанаасам̣ваасаго. сиймад̇о ниг̇г̇ад̇аа ниссиймаа, сийманд̇аригаа б̣ахисиймаа жа, д̇ад̇т̇а хад̇т̇абаасз жзби тид̇о, сиймаанаанаасам̣ваасаго ниссиймадтид̇о. взхааяасз аагаасз тид̇о взхааяасан̣тид̇о б̣инд̣̇ааг̇амзна. д̇ад̇т̇а ‘‘наанаасам̣ваасо жаа’’д̇иаад̣̇инаа самаахаарад̣̇ванд̣̇зби гважи набум̣сагалин̇г̇ам̣ б̣яабхижарад̇ийд̇и набум̣сагад̇д̇аабхааво яат̇аа ‘‘маг̇г̇аамаг̇г̇о’’д̇и. згагаммам̣ згуд̣̇д̣̇зсо самасигкад̇аад̇и аяам̣ д̇ивид̇хоби сам̣ваасо наама. со язсам̣ над̇т̇и, д̇з асам̣ваасаа. зд̇з хад̇т̇абаасад̇о б̣ахигаран̣авасзна важ̇ж̇зд̇аб̣б̣аа. зд̇зсу хи д̇ивид̇хз угкид̇д̇агз сад̇и убосат̇аад̣̇игам̣ гаммам̣ гаронд̇асса баажид̇д̇ияам̣, ид̇арзсу д̣̇уггаданд̇и.
198.Ukkhittoti kammanānāsaṃvāsakasaṅkhāto āpattiyā adassane, appaṭikamme, pāpikāya diṭṭhiyā appaṭinissagge ukkhittako. Anupasampannoti sikkhamānasāmaṇerasāmaṇerisikkhāpaccakkhātasaṅkhāto anupasampanno. Chinnamūlakoti antimavatthuajjhāpanno. Ukkhittakesu ‘‘dhammavādino ete’’ti uppannāya laddhiyā nānābhūto saṃvāso etassāti nānāsaṃvāso, ukkhittānuvattakasaṅkhāto laddhinānāsaṃvāsako. Sīmato niggatā nissīmā, sīmantarikā bahisīmā ca, tattha hatthapāse cepi ṭhito, sīmānānāsaṃvāsako nissīmaṭṭhito. Vehāyase ākāse ṭhito vehāyasaṇṭhito bindāgamena. Tattha ‘‘nānāsaṃvāso cā’’tiādinā samāhāradvandepi kvaci napuṃsakaliṅgaṃ byabhicaratīti napuṃsakattābhāvo yathā ‘‘maggāmaggo’’ti. Ekakammaṃ ekuddeso samasikkhatāti ayaṃ tividhopi saṃvāso nāma. So yesaṃ natthi, te asaṃvāsā. Ete hatthapāsato bahikaraṇavasena vajjetabbā. Etesu hi tividhe ukkhittake sati uposathādikaṃ kammaṃ karontassa pācittiyaṃ, itaresu dukkaṭanti.
асам̣ваасанид̣̇д̣̇зсаван̣н̣анаа нидтид̇аа.
Asaṃvāsaniddesavaṇṇanā niṭṭhitā.
