| Library / Tipiṭaka / တိပိဋက • Tipiṭaka / ကင္ခာဝိတရဏီ-အဘိနဝ-ဋီကာ • Kaṅkhāvitaraṇī-abhinava-ṭīkā |
၁၃. အသံကစ္စိကသိက္ခာပဒဝဏ္ဏနာ
13. Asaṃkaccikasikkhāpadavaṇṇanā
ပရိက္ခိတ္တသ္သ ဂာမသ္သ ပရိက္ခေပံ, အပရိက္ခိတ္တသ္သ ဥပစာရံ အတိက္ကမန္တိယာ ဝာ ဩက္ကမန္တိယာ ဝာတိ ဧတ္ထ ပရိက္ခိတ္တသ္သ ဂာမသ္သ ပရိက္ခေပံ အတိက္ကမန္တိယာ ဝာ အပရိက္ခိတ္တသ္သ ဂာမသ္သ ဥပစာရံ ဩက္ကမန္တိယာ ဝာတိ ယထာက္ကမံ သမ္ဗန္ဓော ဝေဒိတဗ္ဗော။ အာပဒာသူတိ မဟဂ္ဃံ သံကစ္စိကံ ပာရုပိတ္ဝာ ဂစ္ဆန္တိယာ ဥပဒ္ဒဝော ဥပ္ပဇ္ဇတိ, ဧဝရူပာသု အာပဒာသု။
Parikkhittassagāmassa parikkhepaṃ, aparikkhittassa upacāraṃ atikkamantiyā vā okkamantiyā vāti ettha parikkhittassa gāmassa parikkhepaṃ atikkamantiyā vā aparikkhittassa gāmassa upacāraṃ okkamantiyā vāti yathākkamaṃ sambandho veditabbo. Āpadāsūti mahagghaṃ saṃkaccikaṃ pārupitvā gacchantiyā upaddavo uppajjati, evarūpāsu āpadāsu.
အသံကစ္စိကသိက္ခာပဒဝဏ္ဏနာ နိဋ္ဌိတာ။
Asaṃkaccikasikkhāpadavaṇṇanā niṭṭhitā.
ဆတ္တုပာဟနဝဂ္ဂော နဝမော။
Chattupāhanavaggo navamo.
ဣတိ ကင္ခာဝိတရဏိယာ ပာတိမောက္ခဝဏ္ဏနာယ
Iti kaṅkhāvitaraṇiyā pātimokkhavaṇṇanāya
ဝိနယတ္ထမဉ္ဇူသာယံ လီနတ္ထပ္ပကာသနိယံ
Vinayatthamañjūsāyaṃ līnatthappakāsaniyaṃ
ဘိက္ခုနိပာတိမောက္ခေ ပာစိတ္တိယဝဏ္ဏနာ နိဋ္ဌိတာ။
Bhikkhunipātimokkhe pācittiyavaṇṇanā niṭṭhitā.
