| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༣. ཀམྨཔཐཝགྒོ
3. Kammapathavaggo
༡. ཨསམཱཧིཏསུཏྟཾ
1. Asamāhitasuttaṃ
༡༠༧. སཱཝཏྠིཡཾ ཝིཧརཏི…པེ॰… ‘‘དྷཱཏུསོཝ, བྷིཀྑཝེ, སཏྟཱ སཾསནྡནྟི སམེནྟི། ཨསྶདྡྷཱ ཨསྶདྡྷེཧི སདྡྷིཾ སཾསནྡནྟི སམེནྟི; ཨཧིརིཀཱ ཨཧིརིཀེཧི སདྡྷིཾ སཾསནྡནྟི སམེནྟི; ཨནོཏྟཔྤིནོ ཨནོཏྟཔྤཱིཧི སདྡྷིཾ སཾསནྡནྟི སམེནྟི; ཨསམཱཧིཏཱ ཨསམཱཧིཏེཧི སདྡྷིཾ སཾསནྡནྟི སམེནྟི; དུཔྤཉྙཱ དུཔྤཉྙེཧི སདྡྷིཾ སཾསནྡནྟི སམེནྟི’’།
107. Sāvatthiyaṃ viharati…pe… ‘‘dhātusova, bhikkhave, sattā saṃsandanti samenti. Assaddhā assaddhehi saddhiṃ saṃsandanti samenti; ahirikā ahirikehi saddhiṃ saṃsandanti samenti; anottappino anottappīhi saddhiṃ saṃsandanti samenti; asamāhitā asamāhitehi saddhiṃ saṃsandanti samenti; duppaññā duppaññehi saddhiṃ saṃsandanti samenti’’.
‘‘སདྡྷཱ སདྡྷེཧི སདྡྷིཾ སཾསནྡནྟི སམེནྟི; ཧིརིམནཱ ཧིརིམནེཧི སདྡྷིཾ སཾསནྡནྟི སམེནྟི; ཨོཏྟཔྤིནོ ཨོཏྟཔྤཱིཧི སདྡྷིཾ སཾསནྡནྟི སམེནྟི; སམཱཧིཏཱ སམཱཧིཏེཧི སདྡྷིཾ སཾསནྡནྟི སམེནྟི; པཉྙཝནྟོ པཉྙཝནྟེཧི སདྡྷིཾ སཾསནྡནྟི སམེནྟཱི’’ཏི། པཋམཾ།
‘‘Saddhā saddhehi saddhiṃ saṃsandanti samenti; hirimanā hirimanehi saddhiṃ saṃsandanti samenti; ottappino ottappīhi saddhiṃ saṃsandanti samenti; samāhitā samāhitehi saddhiṃ saṃsandanti samenti; paññavanto paññavantehi saddhiṃ saṃsandanti samentī’’ti. Paṭhamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡-༢. ཨསམཱཧིཏསུཏྟཱདིཝཎྞནཱ • 1-2. Asamāhitasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡-༢. ཨསམཱཧིཏསུཏྟཱདིཝཎྞནཱ • 1-2. Asamāhitasuttādivaṇṇanā
