| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৩. কম্মপথৰগ্গো
3. Kammapathavaggo
১. অসমাহিতসুত্তং
1. Asamāhitasuttaṃ
১০৭. সাৰত্থিযং ৰিহরতি…পে॰… ‘‘ধাতুসোৰ, ভিক্খৰে, সত্তা সংসন্দন্তি সমেন্তি। অস্সদ্ধা অস্সদ্ধেহি সদ্ধিং সংসন্দন্তি সমেন্তি; অহিরিকা অহিরিকেহি সদ্ধিং সংসন্দন্তি সমেন্তি; অনোত্তপ্পিনো অনোত্তপ্পীহি সদ্ধিং সংসন্দন্তি সমেন্তি; অসমাহিতা অসমাহিতেহি সদ্ধিং সংসন্দন্তি সমেন্তি; দুপ্পঞ্ঞা দুপ্পঞ্ঞেহি সদ্ধিং সংসন্দন্তি সমেন্তি’’।
107. Sāvatthiyaṃ viharati…pe… ‘‘dhātusova, bhikkhave, sattā saṃsandanti samenti. Assaddhā assaddhehi saddhiṃ saṃsandanti samenti; ahirikā ahirikehi saddhiṃ saṃsandanti samenti; anottappino anottappīhi saddhiṃ saṃsandanti samenti; asamāhitā asamāhitehi saddhiṃ saṃsandanti samenti; duppaññā duppaññehi saddhiṃ saṃsandanti samenti’’.
‘‘সদ্ধা সদ্ধেহি সদ্ধিং সংসন্দন্তি সমেন্তি; হিরিমনা হিরিমনেহি সদ্ধিং সংসন্দন্তি সমেন্তি; ওত্তপ্পিনো ওত্তপ্পীহি সদ্ধিং সংসন্দন্তি সমেন্তি; সমাহিতা সমাহিতেহি সদ্ধিং সংসন্দন্তি সমেন্তি; পঞ্ঞৰন্তো পঞ্ঞৰন্তেহি সদ্ধিং সংসন্দন্তি সমেন্তী’’তি। পঠমং।
‘‘Saddhā saddhehi saddhiṃ saṃsandanti samenti; hirimanā hirimanehi saddhiṃ saṃsandanti samenti; ottappino ottappīhi saddhiṃ saṃsandanti samenti; samāhitā samāhitehi saddhiṃ saṃsandanti samenti; paññavanto paññavantehi saddhiṃ saṃsandanti samentī’’ti. Paṭhamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১-২. অসমাহিতসুত্তাদিৰণ্ণনা • 1-2. Asamāhitasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১-২. অসমাহিতসুত্তাদিৰণ্ণনা • 1-2. Asamāhitasuttādivaṇṇanā
