| Library / Tipiṭaka / ཏིཔིཊཀ • Tipiṭaka / ཀངྑཱཝིཏརཎཱི-ཨབྷིནཝ-ཊཱིཀཱ • Kaṅkhāvitaraṇī-abhinava-ṭīkā |
ཨསཱདྷཱརཎསམུཊྛཱནཝཎྞནཱ
Asādhāraṇasamuṭṭhānavaṇṇanā
ཨཙིཏྟཀཱནཱིཏི (སཱརཏྠ॰ ཊཱི॰ པཱཙིཏྟིཡ ༣.༡༢༡༤) ‘‘ནཙྩ’’ནྟིཨཱདིནཱ ཨཛཱནིཏྭཱ དསྶནཱདིཾ ཀརོནྟིཡཱ ཨཱཔཏྟིསམྦྷཝཏོ ཝཏྠུཨཛཱནནཙིཏྟེན ཨཙིཏྟཀཱནི། ལོཀཝཛྫཱནཱིཏི ‘‘ནཙྩ’’ནྟིཨཱདིནཱ ཛཱནིཏྭཱ དསྶནཱདིཾ ཀརོནྟིཡཱ ཨཀུསལེནེཝ ཨཱཔཛྫནཏོ ལོཀཝཛྫཱནི། ཏེནཱཧ ‘‘ཨཡཾ པནེཏྠ ཨདྷིཔྤཱཡོ’’ཏིཨཱདི སཙིཏྟཀཱནཱིཏི ‘‘ཙོརཱི’’ཏིཨཱདིནཱ ཝཏྠུཾ ཛཱནིཏྭཱ ཀརཎེཡེཝ ཨཱཔཏྟིསམྦྷཝཏོ སཙིཏྟཀཱནི། ཨུཔསམྤདཱདཱིནཾ ཨེཀནྟཱཀུསལཙིཏྟེནེཝ ཨཀཏྟབྦཏྟཱ པཎྞཏྟིཝཛྫཱནི། ‘‘ཨིདྷ སཙིཏྟཀཱཙིཏྟཀཏཱ པཎྞཏྟིཛཱནནཱཛཱནནཏཱཡ ཨགྒཧེཊྛཱ ཝཏྠུཛཱནནཱཛཱནནཏཱཡ གཧེཏབྦ’’ནྟི ཝདནྟི།
Acittakānīti (sārattha. ṭī. pācittiya 3.1214) ‘‘nacca’’ntiādinā ajānitvā dassanādiṃ karontiyā āpattisambhavato vatthuajānanacittena acittakāni. Lokavajjānīti ‘‘nacca’’ntiādinā jānitvā dassanādiṃ karontiyā akusaleneva āpajjanato lokavajjāni. Tenāha ‘‘ayaṃ panettha adhippāyo’’tiādi sacittakānīti ‘‘corī’’tiādinā vatthuṃ jānitvā karaṇeyeva āpattisambhavato sacittakāni. Upasampadādīnaṃ ekantākusalacitteneva akattabbattā paṇṇattivajjāni. ‘‘Idha sacittakācittakatā paṇṇattijānanājānanatāya aggaheṭṭhā vatthujānanājānanatāya gahetabba’’nti vadanti.
ཨསཱདྷཱརཎསམུཊྛཱནཝཎྞནཱ ནིཊྛིཏཱ།
Asādhāraṇasamuṭṭhānavaṇṇanā niṭṭhitā.
