| Library / Tipiṭaka / තිපිටක • Tipiṭaka / කඞ්ඛාවිතරණී-අභිනව-ටීකා • Kaṅkhāvitaraṇī-abhinava-ṭīkā |
අසාධාරණසමුට්ඨානවණ්ණනා
Asādhāraṇasamuṭṭhānavaṇṇanā
අචිත්තකානීති (සාරත්ථ. ටී. පාචිත්තිය 3.1214) ‘‘නච්ච’’න්තිආදිනා අජානිත්වා දස්සනාදිං කරොන්තියා ආපත්තිසම්භවතො වත්ථුඅජානනචිත්තෙන අචිත්තකානි. ලොකවජ්ජානීති ‘‘නච්ච’’න්තිආදිනා ජානිත්වා දස්සනාදිං කරොන්තියා අකුසලෙනෙව ආපජ්ජනතො ලොකවජ්ජානි. තෙනාහ ‘‘අයං පනෙත්ථ අධිප්පායො’’තිආදි සචිත්තකානීති ‘‘චොරී’’තිආදිනා වත්ථුං ජානිත්වා කරණෙයෙව ආපත්තිසම්භවතො සචිත්තකානි. උපසම්පදාදීනං එකන්තාකුසලචිත්තෙනෙව අකත්තබ්බත්තා පණ්ණත්තිවජ්ජානි. ‘‘ඉධ සචිත්තකාචිත්තකතා පණ්ණත්තිජානනාජානනතාය අග්ගහෙට්ඨා වත්ථුජානනාජානනතාය ගහෙතබ්බ’’න්ති වදන්ති.
Acittakānīti (sārattha. ṭī. pācittiya 3.1214) ‘‘nacca’’ntiādinā ajānitvā dassanādiṃ karontiyā āpattisambhavato vatthuajānanacittena acittakāni. Lokavajjānīti ‘‘nacca’’ntiādinā jānitvā dassanādiṃ karontiyā akusaleneva āpajjanato lokavajjāni. Tenāha ‘‘ayaṃ panettha adhippāyo’’tiādi sacittakānīti ‘‘corī’’tiādinā vatthuṃ jānitvā karaṇeyeva āpattisambhavato sacittakāni. Upasampadādīnaṃ ekantākusalacitteneva akattabbattā paṇṇattivajjāni. ‘‘Idha sacittakācittakatā paṇṇattijānanājānanatāya aggaheṭṭhā vatthujānanājānanatāya gahetabba’’nti vadanti.
අසාධාරණසමුට්ඨානවණ්ණනා නිට්ඨිතා.
Asādhāraṇasamuṭṭhānavaṇṇanā niṭṭhitā.
