| Library / Tipiṭaka / ತಿಪಿಟಕ • Tipiṭaka / ಕಙ್ಖಾವಿತರಣೀ-ಅಭಿನವ-ಟೀಕಾ • Kaṅkhāvitaraṇī-abhinava-ṭīkā |
ಅಸಾಧಾರಣಸಮುಟ್ಠಾನವಣ್ಣನಾ
Asādhāraṇasamuṭṭhānavaṇṇanā
ಅಚಿತ್ತಕಾನೀತಿ (ಸಾರತ್ಥ॰ ಟೀ॰ ಪಾಚಿತ್ತಿಯ ೩.೧೨೧೪) ‘‘ನಚ್ಚ’’ನ್ತಿಆದಿನಾ ಅಜಾನಿತ್ವಾ ದಸ್ಸನಾದಿಂ ಕರೋನ್ತಿಯಾ ಆಪತ್ತಿಸಮ್ಭವತೋ ವತ್ಥುಅಜಾನನಚಿತ್ತೇನ ಅಚಿತ್ತಕಾನಿ। ಲೋಕವಜ್ಜಾನೀತಿ ‘‘ನಚ್ಚ’’ನ್ತಿಆದಿನಾ ಜಾನಿತ್ವಾ ದಸ್ಸನಾದಿಂ ಕರೋನ್ತಿಯಾ ಅಕುಸಲೇನೇವ ಆಪಜ್ಜನತೋ ಲೋಕವಜ್ಜಾನಿ। ತೇನಾಹ ‘‘ಅಯಂ ಪನೇತ್ಥ ಅಧಿಪ್ಪಾಯೋ’’ತಿಆದಿ ಸಚಿತ್ತಕಾನೀತಿ ‘‘ಚೋರೀ’’ತಿಆದಿನಾ ವತ್ಥುಂ ಜಾನಿತ್ವಾ ಕರಣೇಯೇವ ಆಪತ್ತಿಸಮ್ಭವತೋ ಸಚಿತ್ತಕಾನಿ। ಉಪಸಮ್ಪದಾದೀನಂ ಏಕನ್ತಾಕುಸಲಚಿತ್ತೇನೇವ ಅಕತ್ತಬ್ಬತ್ತಾ ಪಣ್ಣತ್ತಿವಜ್ಜಾನಿ। ‘‘ಇಧ ಸಚಿತ್ತಕಾಚಿತ್ತಕತಾ ಪಣ್ಣತ್ತಿಜಾನನಾಜಾನನತಾಯ ಅಗ್ಗಹೇಟ್ಠಾ ವತ್ಥುಜಾನನಾಜಾನನತಾಯ ಗಹೇತಬ್ಬ’’ನ್ತಿ ವದನ್ತಿ।
Acittakānīti (sārattha. ṭī. pācittiya 3.1214) ‘‘nacca’’ntiādinā ajānitvā dassanādiṃ karontiyā āpattisambhavato vatthuajānanacittena acittakāni. Lokavajjānīti ‘‘nacca’’ntiādinā jānitvā dassanādiṃ karontiyā akusaleneva āpajjanato lokavajjāni. Tenāha ‘‘ayaṃ panettha adhippāyo’’tiādi sacittakānīti ‘‘corī’’tiādinā vatthuṃ jānitvā karaṇeyeva āpattisambhavato sacittakāni. Upasampadādīnaṃ ekantākusalacitteneva akattabbattā paṇṇattivajjāni. ‘‘Idha sacittakācittakatā paṇṇattijānanājānanatāya aggaheṭṭhā vatthujānanājānanatāya gahetabba’’nti vadanti.
ಅಸಾಧಾರಣಸಮುಟ್ಠಾನವಣ್ಣನಾ ನಿಟ್ಠಿತಾ।
Asādhāraṇasamuṭṭhānavaṇṇanā niṭṭhitā.
