| Library / Tipiṭaka / ติปิฎก • Tipiṭaka / กงฺขาวิตรณี-อภินว-ฎีกา • Kaṅkhāvitaraṇī-abhinava-ṭīkā |
อสาธารณสมุฎฺฐานวณฺณนา
Asādhāraṇasamuṭṭhānavaṇṇanā
อจิตฺตกานีติ (สารตฺถ. ฎี. ปาจิตฺติย ๓.๑๒๑๔) ‘‘นจฺจ’’นฺติอาทินา อชานิตฺวา ทสฺสนาทิํ กโรนฺติยา อาปตฺติสมฺภวโต วตฺถุอชานนจิเตฺตน อจิตฺตกานิฯ โลกวชฺชานีติ ‘‘นจฺจ’’นฺติอาทินา ชานิตฺวา ทสฺสนาทิํ กโรนฺติยา อกุสเลเนว อาปชฺชนโต โลกวชฺชานิฯ เตนาห ‘‘อยํ ปเนตฺถ อธิปฺปาโย’’ติอาทิ สจิตฺตกานีติ ‘‘โจรี’’ติอาทินา วตฺถุํ ชานิตฺวา กรเณเยว อาปตฺติสมฺภวโต สจิตฺตกานิฯ อุปสมฺปทาทีนํ เอกนฺตากุสลจิเตฺตเนว อกตฺตพฺพตฺตา ปณฺณตฺติวชฺชานิฯ ‘‘อิธ สจิตฺตกาจิตฺตกตา ปณฺณตฺติชานนาชานนตาย อคฺคเหฎฺฐา วตฺถุชานนาชานนตาย คเหตพฺพ’’นฺติ วทนฺติฯ
Acittakānīti (sārattha. ṭī. pācittiya 3.1214) ‘‘nacca’’ntiādinā ajānitvā dassanādiṃ karontiyā āpattisambhavato vatthuajānanacittena acittakāni. Lokavajjānīti ‘‘nacca’’ntiādinā jānitvā dassanādiṃ karontiyā akusaleneva āpajjanato lokavajjāni. Tenāha ‘‘ayaṃ panettha adhippāyo’’tiādi sacittakānīti ‘‘corī’’tiādinā vatthuṃ jānitvā karaṇeyeva āpattisambhavato sacittakāni. Upasampadādīnaṃ ekantākusalacitteneva akattabbattā paṇṇattivajjāni. ‘‘Idha sacittakācittakatā paṇṇattijānanājānanatāya aggaheṭṭhā vatthujānanājānanatāya gahetabba’’nti vadanti.
อสาธารณสมุฎฺฐานวณฺณนา นิฎฺฐิตาฯ
Asādhāraṇasamuṭṭhānavaṇṇanā niṭṭhitā.
