| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
அஸாதா⁴ரணஸமுட்டா²னவண்ணனா
Asādhāraṇasamuṭṭhānavaṇṇanā
அசித்தகானீதி (ஸாரத்த²॰ டீ॰ பாசித்திய 3.1214) ‘‘நச்ச’’ந்திஆதி³னா அஜானித்வா த³ஸ்ஸனாதி³ங் கரொந்தியா ஆபத்திஸம்ப⁴வதோ வத்து²அஜானநசித்தேன அசித்தகானி. லோகவஜ்ஜானீதி ‘‘நச்ச’’ந்திஆதி³னா ஜானித்வா த³ஸ்ஸனாதி³ங் கரொந்தியா அகுஸலேனேவ ஆபஜ்ஜனதோ லோகவஜ்ஜானி. தேனாஹ ‘‘அயங் பனெத்த² அதி⁴ப்பாயோ’’திஆதி³ ஸசித்தகானீதி ‘‘சோரீ’’திஆதி³னா வத்து²ங் ஜானித்வா கரணேயேவ ஆபத்திஸம்ப⁴வதோ ஸசித்தகானி. உபஸம்பதா³தீ³னங் ஏகந்தாகுஸலசித்தேனேவ அகத்தப்³ப³த்தா பண்ணத்திவஜ்ஜானி. ‘‘இத⁴ ஸசித்தகாசித்தகதா பண்ணத்திஜானநாஜானநதாய அக்³க³ஹெட்டா² வத்து²ஜானநாஜானநதாய க³ஹேதப்³ப³’’ந்தி வத³ந்தி.
Acittakānīti (sārattha. ṭī. pācittiya 3.1214) ‘‘nacca’’ntiādinā ajānitvā dassanādiṃ karontiyā āpattisambhavato vatthuajānanacittena acittakāni. Lokavajjānīti ‘‘nacca’’ntiādinā jānitvā dassanādiṃ karontiyā akusaleneva āpajjanato lokavajjāni. Tenāha ‘‘ayaṃ panettha adhippāyo’’tiādi sacittakānīti ‘‘corī’’tiādinā vatthuṃ jānitvā karaṇeyeva āpattisambhavato sacittakāni. Upasampadādīnaṃ ekantākusalacitteneva akattabbattā paṇṇattivajjāni. ‘‘Idha sacittakācittakatā paṇṇattijānanājānanatāya aggaheṭṭhā vatthujānanājānanatāya gahetabba’’nti vadanti.
அஸாதா⁴ரணஸமுட்டா²னவண்ணனா நிட்டி²தா.
Asādhāraṇasamuṭṭhānavaṇṇanā niṭṭhitā.
