| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
အသာဓာရဏာဒိဝဏ္ဏနာ
Asādhāraṇādivaṇṇanā
၃၃၈. ‘‘ဓောဝနဉ္စ ပဋိဂ္ဂဟော’’တိ ဂာထာ အဋ္ဌကထာစရိယာနံ။ တတ္ထ ဓောဝနဉ္စ ပဋိဂ္ဂဟောတိ အညာတိကာယ ဘိက္ခုနိယာ စီဝရဓောဝာပနံ စီဝရပဋိဂ္ဂဟဏဉ္စ။ ကောသေယ္ယ။ပေ.။ ဒ္ဝေ လောမာတိ ဧဠကလောမဝဂ္ဂေ အာဒိတော သတ္တ သိက္ခာပဒာနိ ဝုတ္တာနိ။ ဝသ္သိကာတိ ဝသ္သိကသာဋိကသိက္ခာပဒံ။ အာရညကေန စာတိ သာသင္ကသိက္ခာပဒံ ဝုတ္တံ။ ပဏီတန္တိ ပဏီတဘောဇနဝိညတ္တိ။ ဦနန္တိ ဦနဝီသတိဝသ္သသိက္ခာပဒံ။ နိသီဒနေ စ ယာ သိက္ခာ, ဝသ္သိကာ ယာ စ သာဋိကာတိ နိသီဒနဝသ္သိကသာဋိကာနံ ပမာဏာတိက္ကမော။
338. ‘‘Dhovanañca paṭiggaho’’ti gāthā aṭṭhakathācariyānaṃ. Tattha dhovanañca paṭiggahoti aññātikāya bhikkhuniyā cīvaradhovāpanaṃ cīvarapaṭiggahaṇañca. Koseyya…pe… dve lomāti eḷakalomavagge ādito satta sikkhāpadāni vuttāni. Vassikāti vassikasāṭikasikkhāpadaṃ. Āraññakena cāti sāsaṅkasikkhāpadaṃ vuttaṃ. Paṇītanti paṇītabhojanaviññatti. Ūnanti ūnavīsativassasikkhāpadaṃ. Nisīdane ca yā sikkhā, vassikā yā ca sāṭikāti nisīdanavassikasāṭikānaṃ pamāṇātikkamo.
အာပတ္တိက္ခန္ဓာ စေဝ ဥပောသထာဒီနိ စ ‘‘ပာရာဇိကသင္ဃာဒိသေသာ’’တိအာဒိနာ ဝိဘတ္တတ္တာ ‘‘ဝိဘတ္တိယော’’တိ ဝုတ္တာနိ။ တေဝီသတိ သင္ဃာဒိသေသာတိ ဘိက္ခုနီနံ အာဂတာနိ ဒသ, ဘိက္ခူနံ တေရသာတိ တေဝီသတိ။ ဒ္ဝေစတ္တာလီသ နိသ္သဂ္ဂိယာတိအာဒီသုပိ ဧသေဝ နယော။ ဒ္ဝီဟိ။ပေ.။ ကိစ္စံ ဧကေန သမ္မတီတိ ဒ္ဝီဟိ ဝိဝာဒာဓိကရဏံ, စတူဟိ အနုဝာဒာဓိကရဏံ, တီဟိ အာပတ္တာဓိကရဏံ, ဧကေန ကိစ္စာဓိကရဏံ သမ္မတီတိ အတ္ထော။
Āpattikkhandhā ceva uposathādīni ca ‘‘pārājikasaṅghādisesā’’tiādinā vibhattattā ‘‘vibhattiyo’’ti vuttāni. Tevīsati saṅghādisesāti bhikkhunīnaṃ āgatāni dasa, bhikkhūnaṃ terasāti tevīsati. Dvecattālīsa nissaggiyātiādīsupi eseva nayo. Dvīhi…pe… kiccaṃ ekena sammatīti dvīhi vivādādhikaraṇaṃ, catūhi anuvādādhikaraṇaṃ, tīhi āpattādhikaraṇaṃ, ekena kiccādhikaraṇaṃ sammatīti attho.
၃၃၉. နိရင္ကတောတိ သင္ဃမ္ဟာ အပသာရိတော။
339.Niraṅkatoti saṅghamhā apasārito.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ပရိဝာရပာဠိ • Parivārapāḷi
၄. အသာဓာရဏာဒိ • 4. Asādhāraṇādi
၅. ပာရာဇိကာဒိအာပတ္တိ • 5. Pārājikādiāpatti
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ပရိဝာရ-အဋ္ဌကထာ • Parivāra-aṭṭhakathā
အသာဓာရဏာဒိဝဏ္ဏနာ • Asādhāraṇādivaṇṇanā
ပာရာဇိကာဒိအာပတ္တိဝဏ္ဏနာ • Pārājikādiāpattivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā
အသာဓာရဏာဒိဝဏ္ဏနာ • Asādhāraṇādivaṇṇanā
ပာရာဇိကာဒိအာပတ္တိဝဏ္ဏနာ • Pārājikādiāpattivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā
သတ္တနဂရေသု ပညတ္တသိက္ခာပဒဝဏ္ဏနာ • Sattanagaresu paññattasikkhāpadavaṇṇanā
ပာရာဇိကာဒိအာပတ္တိဝဏ္ဏနာ • Pārājikādiāpattivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi
အသာဓာရဏာဒိဝဏ္ဏနာ • Asādhāraṇādivaṇṇanā
ပာရာဇိကာဒိအာပတ္တိဝဏ္ဏနာ • Pārājikādiāpattivaṇṇanā
