| Library / Tipiṭaka / ತಿಪಿಟಕ • Tipiṭaka / ಕಥಾವತ್ಥುಪಾಳಿ • Kathāvatthupāḷi |
೮. ಅಟ್ಠಮವಗ್ಗೋ
8. Aṭṭhamavaggo
(೮೦) ೮. ಅರೂಪೇ ರೂಪಕಥಾ
(80) 8. Arūpe rūpakathā
೫೨೪. ಅತ್ಥಿ ರೂಪಂ ಅರೂಪೇಸೂತಿ? ಆಮನ್ತಾ। ರೂಪಭವೋ ರೂಪಗತಿ ರೂಪಸತ್ತಾವಾಸೋ ರೂಪಸಂಸಾರೋ ರೂಪಯೋನಿ ರೂಪತ್ತಭಾವಪಟಿಲಾಭೋತಿ? ನ ಹೇವಂ ವತ್ತಬ್ಬೇ…ಪೇ॰… ನನು ಅರೂಪಭವೋ ಅರೂಪಗತಿ ಅರೂಪಸತ್ತಾವಾಸೋ ಅರೂಪಸಂಸಾರೋ ಅರೂಪಯೋನಿ ಅರೂಪತ್ತಭಾವಪಟಿಲಾಭೋತಿ? ಆಮನ್ತಾ। ಹಞ್ಚಿ ಅರೂಪಭವೋ…ಪೇ॰… ಅರೂಪತ್ತಭಾವಪಟಿಲಾಭೋ, ನೋ ಚ ವತ ರೇ ವತ್ತಬ್ಬೇ – ‘‘ಅತ್ಥಿ ರೂಪಂ ಅರೂಪೇಸೂ’’ತಿ।
524. Atthi rūpaṃ arūpesūti? Āmantā. Rūpabhavo rūpagati rūpasattāvāso rūpasaṃsāro rūpayoni rūpattabhāvapaṭilābhoti? Na hevaṃ vattabbe…pe… nanu arūpabhavo arūpagati arūpasattāvāso arūpasaṃsāro arūpayoni arūpattabhāvapaṭilābhoti? Āmantā. Hañci arūpabhavo…pe… arūpattabhāvapaṭilābho, no ca vata re vattabbe – ‘‘atthi rūpaṃ arūpesū’’ti.
ಅತ್ಥಿ ರೂಪಂ ಅರೂಪೇಸೂತಿ? ಆಮನ್ತಾ। ಪಞ್ಚವೋಕಾರಭವೋ ಗತಿ ಸತ್ತಾವಾಸೋ ಸಂಸಾರೋ ಯೋನಿ ವಿಞ್ಞಾಣಟ್ಠಿತಿ ಅತ್ತಭಾವಪಟಿಲಾಭೋತಿ? ನ ಹೇವಂ ವತ್ತಬ್ಬೇ…ಪೇ॰… ನನು ಚತುವೋಕಾರಭವೋ…ಪೇ॰… ಅತ್ತಭಾವಪಟಿಲಾಭೋತಿ? ಆಮನ್ತಾ। ಹಞ್ಚಿ ಚತುವೋಕಾರಭವೋ ಗತಿ…ಪೇ॰… ಅತ್ತಭಾವಪಟಿಲಾಭೋ, ನೋ ಚ ವತ ರೇ ವತ್ತಬ್ಬೇ – ‘‘ಅತ್ಥಿ ರೂಪಂ ಅರೂಪೇಸೂ’’ತಿ।
Atthi rūpaṃ arūpesūti? Āmantā. Pañcavokārabhavo gati sattāvāso saṃsāro yoni viññāṇaṭṭhiti attabhāvapaṭilābhoti? Na hevaṃ vattabbe…pe… nanu catuvokārabhavo…pe… attabhāvapaṭilābhoti? Āmantā. Hañci catuvokārabhavo gati…pe… attabhāvapaṭilābho, no ca vata re vattabbe – ‘‘atthi rūpaṃ arūpesū’’ti.
೫೨೫. ಅತ್ಥಿ ರೂಪಂ ರೂಪಧಾತುಯಾ, ಸೋ ಚ ರೂಪಭವೋ ರೂಪಗತಿ ರೂಪಸತ್ತಾವಾಸೋ ರೂಪಸಂಸಾರೋ ರೂಪಯೋನಿ ರೂಪತ್ತಭಾವಪಟಿಲಾಭೋತಿ? ಆಮನ್ತಾ। ಅತ್ಥಿ ರೂಪಂ ಅರೂಪೇಸು, ಸೋ ಚ ರೂಪಭವೋ ರೂಪಗತಿ…ಪೇ॰… ರೂಪತ್ತಭಾವಪಟಿಲಾಭೋತಿ? ನ ಹೇವಂ ವತ್ತಬ್ಬೇ…ಪೇ॰… ಅತ್ಥಿ ರೂಪಂ ರೂಪಧಾತುಯಾ, ಸೋ ಚ ಪಞ್ಚವೋಕಾರಭವೋ ಗತಿ…ಪೇ॰… ಅತ್ತಭಾವಪಟಿಲಾಭೋತಿ? ಆಮನ್ತಾ । ಅತ್ಥಿ ರೂಪಂ ಅರೂಪೇಸು, ಸೋ ಚ ಪಞ್ಚವೋಕಾರಭವೋ ಗತಿ…ಪೇ॰… ಅತ್ತಭಾವಪಟಿಲಾಭೋತಿ? ನ ಹೇವಂ ವತ್ತಬ್ಬೇ…ಪೇ॰…। ಅತ್ಥಿ ರೂಪಂ ಅರೂಪೇಸು, ಸೋ ಚ ಅರೂಪಭವೋ ಅರೂಪಗತಿ ಅರೂಪಸತ್ತಾವಾಸೋ ಅರೂಪಸಂಸಾರೋ ಅರೂಪಯೋನಿ ಅರೂಪತ್ತಭಾವಪಟಿಲಾಭೋತಿ? ಆಮನ್ತಾ। ಅತ್ಥಿ ರೂಪಂ ರೂಪಧಾತುಯಾ 1, ಸೋ ಚ ಅರೂಪಭವೋ ಅರೂಪಗತಿ…ಪೇ॰… ಅರೂಪತ್ತಭಾವಪಟಿಲಾಭೋತಿ? ನ ಹೇವಂ ವತ್ತಬ್ಬೇ…ಪೇ॰… ಅತ್ಥಿ ರೂಪಂ ಅರೂಪೇಸು, ಸೋ ಚ ಚತುವೋಕಾರಭವೋ ಗತಿ…ಪೇ॰… ಅತ್ತಭಾವಪಟಿಲಾಭೋತಿ? ಆಮನ್ತಾ। ಅತ್ಥಿ ರೂಪಂ ರೂಪಧಾತುಯಾ 2, ಸೋ ಚ ಚತುವೋಕಾರಭವೋ ಗತಿ…ಪೇ॰… ಅತ್ತಭಾವಪಟಿಲಾಭೋತಿ? ನ ಹೇವಂ ವತ್ತಬ್ಬೇ…ಪೇ॰…।
525. Atthi rūpaṃ rūpadhātuyā, so ca rūpabhavo rūpagati rūpasattāvāso rūpasaṃsāro rūpayoni rūpattabhāvapaṭilābhoti? Āmantā. Atthi rūpaṃ arūpesu, so ca rūpabhavo rūpagati…pe… rūpattabhāvapaṭilābhoti? Na hevaṃ vattabbe…pe… atthi rūpaṃ rūpadhātuyā, so ca pañcavokārabhavo gati…pe… attabhāvapaṭilābhoti? Āmantā . Atthi rūpaṃ arūpesu, so ca pañcavokārabhavo gati…pe… attabhāvapaṭilābhoti? Na hevaṃ vattabbe…pe…. Atthi rūpaṃ arūpesu, so ca arūpabhavo arūpagati arūpasattāvāso arūpasaṃsāro arūpayoni arūpattabhāvapaṭilābhoti? Āmantā. Atthi rūpaṃ rūpadhātuyā 3, so ca arūpabhavo arūpagati…pe… arūpattabhāvapaṭilābhoti? Na hevaṃ vattabbe…pe… atthi rūpaṃ arūpesu, so ca catuvokārabhavo gati…pe… attabhāvapaṭilābhoti? Āmantā. Atthi rūpaṃ rūpadhātuyā 4, so ca catuvokārabhavo gati…pe… attabhāvapaṭilābhoti? Na hevaṃ vattabbe…pe….
ರೂಪಾನಂ ನಿಸ್ಸರಣಂ ಅರೂಪಂ ವುತ್ತಂ ಭಗವತಾ, ಅತ್ಥಿ ರೂಪಂ ಅರೂಪೇಸೂತಿ? ಆಮನ್ತಾ । ಕಾಮಾನಂ ನಿಸ್ಸರಣಂ ನೇಕ್ಖಮ್ಮಂ ವುತ್ತಂ ಭಗವತಾ, ಅತ್ಥಿ ನೇಕ್ಖಮ್ಮೇಸು ಕಾಮಾ, ಅತ್ಥಿ ಅನಾಸವೇಸು ಆಸವಾ, ಅತ್ಥಿ ಅಪರಿಯಾಪನ್ನೇಸು ಪರಿಯಾಪನ್ನಾತಿ? ನ ಹೇವಂ ವತ್ತಬ್ಬೇ…ಪೇ॰…।
Rūpānaṃ nissaraṇaṃ arūpaṃ vuttaṃ bhagavatā, atthi rūpaṃ arūpesūti? Āmantā . Kāmānaṃ nissaraṇaṃ nekkhammaṃ vuttaṃ bhagavatā, atthi nekkhammesu kāmā, atthi anāsavesu āsavā, atthi apariyāpannesu pariyāpannāti? Na hevaṃ vattabbe…pe….
ಅರೂಪೇ ರೂಪಕಥಾ ನಿಟ್ಠಿತಾ।
Arūpe rūpakathā niṭṭhitā.
Footnotes:
Related texts:
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೮. ಅರೂಪೇ ರೂಪಕಥಾವಣ್ಣನಾ • 8. Arūpe rūpakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೮. ಅರೂಪೇರೂಪಕಥಾವಣ್ಣನಾ • 8. Arūperūpakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೮. ಅರೂಪೇರೂಪಕಥಾವಣ್ಣನಾ • 8. Arūperūpakathāvaṇṇanā
