| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
৮. অট্ঠমৰগ্গো
8. Aṭṭhamavaggo
(৮০) ৮. অরূপে রূপকথা
(80) 8. Arūpe rūpakathā
৫২৪. অত্থি রূপং অরূপেসূতি? আমন্তা। রূপভৰো রূপগতি রূপসত্তাৰাসো রূপসংসারো রূপযোনি রূপত্তভাৰপটিলাভোতি? ন হেৰং ৰত্তব্বে…পে॰… ননু অরূপভৰো অরূপগতি অরূপসত্তাৰাসো অরূপসংসারো অরূপযোনি অরূপত্তভাৰপটিলাভোতি? আমন্তা। হঞ্চি অরূপভৰো…পে॰… অরূপত্তভাৰপটিলাভো, নো চ ৰত রে ৰত্তব্বে – ‘‘অত্থি রূপং অরূপেসূ’’তি।
524. Atthi rūpaṃ arūpesūti? Āmantā. Rūpabhavo rūpagati rūpasattāvāso rūpasaṃsāro rūpayoni rūpattabhāvapaṭilābhoti? Na hevaṃ vattabbe…pe… nanu arūpabhavo arūpagati arūpasattāvāso arūpasaṃsāro arūpayoni arūpattabhāvapaṭilābhoti? Āmantā. Hañci arūpabhavo…pe… arūpattabhāvapaṭilābho, no ca vata re vattabbe – ‘‘atthi rūpaṃ arūpesū’’ti.
অত্থি রূপং অরূপেসূতি? আমন্তা। পঞ্চৰোকারভৰো গতি সত্তাৰাসো সংসারো যোনি ৰিঞ্ঞাণট্ঠিতি অত্তভাৰপটিলাভোতি? ন হেৰং ৰত্তব্বে…পে॰… ননু চতুৰোকারভৰো…পে॰… অত্তভাৰপটিলাভোতি? আমন্তা। হঞ্চি চতুৰোকারভৰো গতি…পে॰… অত্তভাৰপটিলাভো, নো চ ৰত রে ৰত্তব্বে – ‘‘অত্থি রূপং অরূপেসূ’’তি।
Atthi rūpaṃ arūpesūti? Āmantā. Pañcavokārabhavo gati sattāvāso saṃsāro yoni viññāṇaṭṭhiti attabhāvapaṭilābhoti? Na hevaṃ vattabbe…pe… nanu catuvokārabhavo…pe… attabhāvapaṭilābhoti? Āmantā. Hañci catuvokārabhavo gati…pe… attabhāvapaṭilābho, no ca vata re vattabbe – ‘‘atthi rūpaṃ arūpesū’’ti.
৫২৫. অত্থি রূপং রূপধাতুযা, সো চ রূপভৰো রূপগতি রূপসত্তাৰাসো রূপসংসারো রূপযোনি রূপত্তভাৰপটিলাভোতি? আমন্তা। অত্থি রূপং অরূপেসু, সো চ রূপভৰো রূপগতি…পে॰… রূপত্তভাৰপটিলাভোতি? ন হেৰং ৰত্তব্বে…পে॰… অত্থি রূপং রূপধাতুযা, সো চ পঞ্চৰোকারভৰো গতি…পে॰… অত্তভাৰপটিলাভোতি? আমন্তা । অত্থি রূপং অরূপেসু, সো চ পঞ্চৰোকারভৰো গতি…পে॰… অত্তভাৰপটিলাভোতি? ন হেৰং ৰত্তব্বে…পে॰…। অত্থি রূপং অরূপেসু, সো চ অরূপভৰো অরূপগতি অরূপসত্তাৰাসো অরূপসংসারো অরূপযোনি অরূপত্তভাৰপটিলাভোতি? আমন্তা। অত্থি রূপং রূপধাতুযা 1, সো চ অরূপভৰো অরূপগতি…পে॰… অরূপত্তভাৰপটিলাভোতি? ন হেৰং ৰত্তব্বে…পে॰… অত্থি রূপং অরূপেসু, সো চ চতুৰোকারভৰো গতি…পে॰… অত্তভাৰপটিলাভোতি? আমন্তা। অত্থি রূপং রূপধাতুযা 2, সো চ চতুৰোকারভৰো গতি…পে॰… অত্তভাৰপটিলাভোতি? ন হেৰং ৰত্তব্বে…পে॰…।
525. Atthi rūpaṃ rūpadhātuyā, so ca rūpabhavo rūpagati rūpasattāvāso rūpasaṃsāro rūpayoni rūpattabhāvapaṭilābhoti? Āmantā. Atthi rūpaṃ arūpesu, so ca rūpabhavo rūpagati…pe… rūpattabhāvapaṭilābhoti? Na hevaṃ vattabbe…pe… atthi rūpaṃ rūpadhātuyā, so ca pañcavokārabhavo gati…pe… attabhāvapaṭilābhoti? Āmantā . Atthi rūpaṃ arūpesu, so ca pañcavokārabhavo gati…pe… attabhāvapaṭilābhoti? Na hevaṃ vattabbe…pe…. Atthi rūpaṃ arūpesu, so ca arūpabhavo arūpagati arūpasattāvāso arūpasaṃsāro arūpayoni arūpattabhāvapaṭilābhoti? Āmantā. Atthi rūpaṃ rūpadhātuyā 3, so ca arūpabhavo arūpagati…pe… arūpattabhāvapaṭilābhoti? Na hevaṃ vattabbe…pe… atthi rūpaṃ arūpesu, so ca catuvokārabhavo gati…pe… attabhāvapaṭilābhoti? Āmantā. Atthi rūpaṃ rūpadhātuyā 4, so ca catuvokārabhavo gati…pe… attabhāvapaṭilābhoti? Na hevaṃ vattabbe…pe….
রূপানং নিস্সরণং অরূপং ৰুত্তং ভগৰতা, অত্থি রূপং অরূপেসূতি? আমন্তা । কামানং নিস্সরণং নেক্খম্মং ৰুত্তং ভগৰতা, অত্থি নেক্খম্মেসু কামা, অত্থি অনাসৰেসু আসৰা, অত্থি অপরিযাপন্নেসু পরিযাপন্নাতি? ন হেৰং ৰত্তব্বে…পে॰…।
Rūpānaṃ nissaraṇaṃ arūpaṃ vuttaṃ bhagavatā, atthi rūpaṃ arūpesūti? Āmantā . Kāmānaṃ nissaraṇaṃ nekkhammaṃ vuttaṃ bhagavatā, atthi nekkhammesu kāmā, atthi anāsavesu āsavā, atthi apariyāpannesu pariyāpannāti? Na hevaṃ vattabbe…pe….
অরূপে রূপকথা নিট্ঠিতা।
Arūpe rūpakathā niṭṭhitā.
Footnotes:
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৮. অরূপে রূপকথাৰণ্ণনা • 8. Arūpe rūpakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৮. অরূপেরূপকথাৰণ্ণনা • 8. Arūperūpakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৮. অরূপেরূপকথাৰণ্ণনা • 8. Arūperūpakathāvaṇṇanā
