| Library / Tipiṭaka / තිපිටක • Tipiṭaka / කථාවත්ථුපාළි • Kathāvatthupāḷi |
14. චුද්දසමවග්ගො
14. Cuddasamavaggo
(139) 4. අරියරූපකථා
(139) 4. Ariyarūpakathā
698. අරියරූපං මහාභූතානං උපාදායාති? ආමන්තා. අරියරූපං කුසලන්ති? ආමන්තා. මහාභූතා කුසලාති? න හෙවං වත්තබ්බෙ …පෙ.… මහාභූතා අබ්යාකතාති? ආමන්තා. අරියරූපං අබ්යාකතන්ති? න හෙවං වත්තබ්බෙ…පෙ.… අරියරූපං මහාභූතානං උපාදායාති? ආමන්තා. අරියරූපං අනාසවං අසංයොජනියං අගන්ථනියං අනොඝනියං අයොගනියං අනීවරණියං අපරාමට්ඨං අනුපාදානියං අසංකිලෙසියන්ති? ආමන්තා. මහාභූතා අනාසවා…පෙ.… අසංකිලෙසියාති? න හෙවං වත්තබ්බෙ…පෙ.… මහාභූතා සාසවා සංයොජනියා…පෙ.… සංකිලෙසියාති? ආමන්තා. අරියරූපං සාසවං සංයොජනියං…පෙ.… සංකිලෙසියන්ති? න හෙවං වත්තබ්බෙ…පෙ.….
698. Ariyarūpaṃ mahābhūtānaṃ upādāyāti? Āmantā. Ariyarūpaṃ kusalanti? Āmantā. Mahābhūtā kusalāti? Na hevaṃ vattabbe …pe… mahābhūtā abyākatāti? Āmantā. Ariyarūpaṃ abyākatanti? Na hevaṃ vattabbe…pe… ariyarūpaṃ mahābhūtānaṃ upādāyāti? Āmantā. Ariyarūpaṃ anāsavaṃ asaṃyojaniyaṃ aganthaniyaṃ anoghaniyaṃ ayoganiyaṃ anīvaraṇiyaṃ aparāmaṭṭhaṃ anupādāniyaṃ asaṃkilesiyanti? Āmantā. Mahābhūtā anāsavā…pe… asaṃkilesiyāti? Na hevaṃ vattabbe…pe… mahābhūtā sāsavā saṃyojaniyā…pe… saṃkilesiyāti? Āmantā. Ariyarūpaṃ sāsavaṃ saṃyojaniyaṃ…pe… saṃkilesiyanti? Na hevaṃ vattabbe…pe….
699. න වත්තබ්බං – ‘‘අරියරූපං මහාභූතානං උපාදායා’’ති? ආමන්තා. නනු වුත්තං භගවතා – ‘‘යං කිඤ්චි, භික්ඛවෙ, රූපං චත්තාරි මහාභූතානි චතුන්නඤ්ච මහාභූතානං උපාදායරූප’’න්ති 1! අත්ථෙව සුත්තන්තොති? ආමන්තා. තෙන හි අරියරූපං මහාභූතානං උපාදායාති.
699. Na vattabbaṃ – ‘‘ariyarūpaṃ mahābhūtānaṃ upādāyā’’ti? Āmantā. Nanu vuttaṃ bhagavatā – ‘‘yaṃ kiñci, bhikkhave, rūpaṃ cattāri mahābhūtāni catunnañca mahābhūtānaṃ upādāyarūpa’’nti 2! Attheva suttantoti? Āmantā. Tena hi ariyarūpaṃ mahābhūtānaṃ upādāyāti.
අරියරූපකථා නිට්ඨිතා.
Ariyarūpakathā niṭṭhitā.
Footnotes:
Related texts:
අට්ඨකථා • Aṭṭhakathā / අභිධම්මපිටක (අට්ඨකථා) • Abhidhammapiṭaka (aṭṭhakathā) / පඤ්චපකරණ-අට්ඨකථා • Pañcapakaraṇa-aṭṭhakathā / 4. අරියරූපකථාවණ්ණනා • 4. Ariyarūpakathāvaṇṇanā
ටීකා • Tīkā / අභිධම්මපිටක (ටීකා) • Abhidhammapiṭaka (ṭīkā) / පඤ්චපකරණ-මූලටීකා • Pañcapakaraṇa-mūlaṭīkā / 4. අරියරූපකථාවණ්ණනා • 4. Ariyarūpakathāvaṇṇanā
ටීකා • Tīkā / අභිධම්මපිටක (ටීකා) • Abhidhammapiṭaka (ṭīkā) / පඤ්චපකරණ-අනුටීකා • Pañcapakaraṇa-anuṭīkā / 4. අරියරූපකථාවණ්ණනා • 4. Ariyarūpakathāvaṇṇanā
