| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
(၁၉) ၄. အရညဝဂ္ဂော
(19) 4. Araññavaggo
၁. အာရညိကသုတ္တဝဏ္ဏနာ
1. Āraññikasuttavaṇṇanā
၁၈၁. စတုတ္ထသ္သ ပဌမေ အပ္ပီစ္ဆတံယေဝ နိသ္သာယာတိအာဒီသု ‘‘ဣတိ အပ္ပိစ္ဆော ဘဝိသ္သာမီ’’တိ ဣဒံ မေ အာရညိကင္ဂံ အပ္ပိစ္ဆတာယ သံဝတ္တိသ္သတိ, ‘‘ဣတိ သန္တုဋ္ဌော ဘဝိသ္သာမီ’’တိ ဣဒံ မေ အာရညိကင္ဂံ သန္တုဋ္ဌိယာ သံဝတ္တိသ္သတိ, ‘‘ဣတိ ကိလေသေ သလ္လိခိသ္သာမီ’’တိ ဣဒံ မေ အာရညိကင္ဂံ ကိလေသသလ္လိခနတ္ထာယ သံဝတ္တိသ္သတီတိ အာရညိကော ဟောတိ။ အဂ္ဂောတိ ဇေဋ္ဌကော။ သေသာနိ တသ္သေဝ ဝေဝစနာနိ။
181. Catutthassa paṭhame appīcchataṃyeva nissāyātiādīsu ‘‘iti appiccho bhavissāmī’’ti idaṃ me āraññikaṅgaṃ appicchatāya saṃvattissati, ‘‘iti santuṭṭho bhavissāmī’’ti idaṃ me āraññikaṅgaṃ santuṭṭhiyā saṃvattissati, ‘‘iti kilese sallikhissāmī’’ti idaṃ me āraññikaṅgaṃ kilesasallikhanatthāya saṃvattissatīti āraññiko hoti. Aggoti jeṭṭhako. Sesāni tasseva vevacanāni.
ဂဝာ ခီရန္တိ ဂာဝိတော ခီရံ နာမ ဟောတိ, န ဂာဝိယာ ဒဓိ။ ခီရမ္ဟာ ဒဓီတိအာဒီသုပိ ဧသေဝ နယော။ ဧဝမေဝန္တိ ယထာ ဧတေသု ပဉ္စသု ဂောရသေသု သပ္ပိမဏ္ဍော အဂ္ဂော, ဧဝမေဝံ ဣမေသု ပဉ္စသု အာရညိကေသု ယော အယံ အပ္ပိစ္ဆတာဒီနိ နိသ္သာယ အာရညိကော ဟောတိ, အယံ အဂ္ဂော စေဝ သေဋ္ဌော စ မောက္ခော စ ပဝရော စ။ ဣမေသု အာရညိကေသု ဇာတိအာရညိကာ ဝေဒိတဗ္ဗာ, န အာရညိကနာမမတ္တေန အာရညိကာတိ ဝေဒိတဗ္ဗာ။ ပံသုကူလိကာဒီသုပိ ဧသေဝ နယော။
Gavā khīranti gāvito khīraṃ nāma hoti, na gāviyā dadhi. Khīramhā dadhītiādīsupi eseva nayo. Evamevanti yathā etesu pañcasu gorasesu sappimaṇḍo aggo, evamevaṃ imesu pañcasu āraññikesu yo ayaṃ appicchatādīni nissāya āraññiko hoti, ayaṃ aggo ceva seṭṭho ca mokkho ca pavaro ca. Imesu āraññikesu jātiāraññikā veditabbā, na āraññikanāmamattena āraññikāti veditabbā. Paṃsukūlikādīsupi eseva nayo.
အာရညိကသုတ္တဝဏ္ဏနာ နိဋ္ဌိတာ။
Āraññikasuttavaṇṇanā niṭṭhitā.
အရညဝဂ္ဂဝဏ္ဏနာ နိဋ္ဌိတာ။
Araññavaggavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁. အာရညိကသုတ္တံ • 1. Āraññikasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၁. အာရညိကသုတ္တဝဏ္ဏနာ • 1. Āraññikasuttavaṇṇanā
