| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൯. അരഞ്ഞായതനഇസിസുത്തവണ്ണനാ
9. Araññāyatanaisisuttavaṇṇanā
൨൫൫. ജാമാതികാ വുച്ചതി ധീതുപതി, സസുരോ ഭരിയായ പിതാ, തസ്മാ ഇമേ അന്തരവത്തിനോ ദ്വേ ജനാ സക്കവേപചിത്തിനോ സുജായ വസേന ജാമാതികസസുരാ. ‘‘ചിരദിക്ഖിതാന’’ന്തി ദിക്ഖിത്വാ പബ്ബജിത്വാ ചിരകാലാനം വതസമാദാനവസേന ഇതോ ബാഹിരകാനം പബ്ബജിതാനന്തി ആഹ ‘‘ചിരസമാദിന്നവതാന’’ന്തി. ഇതോ പടിക്കമാതി ഇതോ യഥാഠിതട്ഠാനതോ അപേഹി അപക്കമ. ന പടിക്കൂലസഞ്ഞിനോ ഗുണേ ഗാരവയോഗതോ. ദേവാ ഹി യേഭുയ്യേന ‘‘മയം പുബ്ബേ ഗുണവന്തേ പയിരുപാസിത്വാ തേസം ഓവാദേ ഠത്വാ പുഞ്ഞാനി ഉപചിനിത്വാ ഇധൂപപന്നാ’’തി ഗുണവന്തേസു ആദരഭാവം ഉപട്ഠപേന്തി.
255. Jāmātikā vuccati dhītupati, sasuro bhariyāya pitā, tasmā ime antaravattino dve janā sakkavepacittino sujāya vasena jāmātikasasurā. ‘‘Ciradikkhitāna’’nti dikkhitvā pabbajitvā cirakālānaṃ vatasamādānavasena ito bāhirakānaṃ pabbajitānanti āha ‘‘cirasamādinnavatāna’’nti. Ito paṭikkamāti ito yathāṭhitaṭṭhānato apehi apakkama. Na paṭikkūlasaññino guṇe gāravayogato. Devā hi yebhuyyena ‘‘mayaṃ pubbe guṇavante payirupāsitvā tesaṃ ovāde ṭhatvā puññāni upacinitvā idhūpapannā’’ti guṇavantesu ādarabhāvaṃ upaṭṭhapenti.
അരഞ്ഞായതനഇസിസുത്തവണ്ണനാ നിട്ഠിതാ.
Araññāyatanaisisuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൯. അരഞ്ഞായതനഇസിസുത്തം • 9. Araññāyatanaisisuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൯. അരഞ്ഞായതനഇസിസുത്തവണ്ണനാ • 9. Araññāyatanaisisuttavaṇṇanā
