| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৯. অরঞ্ঞাযতনইসিসুত্তৰণ্ণনা
9. Araññāyatanaisisuttavaṇṇanā
২৫৫. জামাতিকা ৰুচ্চতি ধীতুপতি, সসুরো ভরিযায পিতা, তস্মা ইমে অন্তরৰত্তিনো দ্ৰে জনা সক্কৰেপচিত্তিনো সুজায ৰসেন জামাতিকসসুরা। ‘‘চিরদিক্খিতান’’ন্তি দিক্খিত্ৰা পব্বজিত্ৰা চিরকালানং ৰতসমাদানৰসেন ইতো বাহিরকানং পব্বজিতানন্তি আহ ‘‘চিরসমাদিন্নৰতান’’ন্তি। ইতো পটিক্কমাতি ইতো যথাঠিতট্ঠানতো অপেহি অপক্কম। ন পটিক্কূলসঞ্ঞিনো গুণে গারৰযোগতো। দেৰা হি যেভুয্যেন ‘‘মযং পুব্বে গুণৰন্তে পযিরুপাসিত্ৰা তেসং ওৰাদে ঠত্ৰা পুঞ্ঞানি উপচিনিত্ৰা ইধূপপন্না’’তি গুণৰন্তেসু আদরভাৰং উপট্ঠপেন্তি।
255. Jāmātikā vuccati dhītupati, sasuro bhariyāya pitā, tasmā ime antaravattino dve janā sakkavepacittino sujāya vasena jāmātikasasurā. ‘‘Ciradikkhitāna’’nti dikkhitvā pabbajitvā cirakālānaṃ vatasamādānavasena ito bāhirakānaṃ pabbajitānanti āha ‘‘cirasamādinnavatāna’’nti. Ito paṭikkamāti ito yathāṭhitaṭṭhānato apehi apakkama. Na paṭikkūlasaññino guṇe gāravayogato. Devā hi yebhuyyena ‘‘mayaṃ pubbe guṇavante payirupāsitvā tesaṃ ovāde ṭhatvā puññāni upacinitvā idhūpapannā’’ti guṇavantesu ādarabhāvaṃ upaṭṭhapenti.
অরঞ্ঞাযতনইসিসুত্তৰণ্ণনা নিট্ঠিতা।
Araññāyatanaisisuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৯. অরঞ্ঞাযতনইসিসুত্তং • 9. Araññāyatanaisisuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৯. অরঞ্ঞাযতনইসিসুত্তৰণ্ণনা • 9. Araññāyatanaisisuttavaṇṇanā
