| Library / Tipiṭaka / තිපිටක • Tipiṭaka / සංයුත්තනිකාය • Saṃyuttanikāya |
10. අරඤ්ඤසුත්තං
10. Araññasuttaṃ
10. සාවත්ථිනිදානං . එකමන්තං ඨිතා ඛො සා දෙවතා භගවන්තං ගාථාය අජ්ඣභාසි –
10. Sāvatthinidānaṃ . Ekamantaṃ ṭhitā kho sā devatā bhagavantaṃ gāthāya ajjhabhāsi –
‘‘අරඤ්ඤෙ විහරන්තානං, සන්තානං බ්රහ්මචාරිනං;
‘‘Araññe viharantānaṃ, santānaṃ brahmacārinaṃ;
එකභත්තං භුඤ්ජමානානං, කෙන වණ්ණො පසීදතී’’ති.
Ekabhattaṃ bhuñjamānānaṃ, kena vaṇṇo pasīdatī’’ti.
‘‘අතීතං නානුසොචන්ති, නප්පජප්පන්ති නාගතං;
‘‘Atītaṃ nānusocanti, nappajappanti nāgataṃ;
පච්චුප්පන්නෙන යාපෙන්ති, තෙන වණ්ණො පසීදති’’.
Paccuppannena yāpenti, tena vaṇṇo pasīdati’’.
‘‘අනාගතප්පජප්පාය, අතීතස්සානුසොචනා;
‘‘Anāgatappajappāya, atītassānusocanā;
එතෙන බාලා සුස්සන්ති, නළොව හරිතො ලුතො’’ති.
Etena bālā sussanti, naḷova harito luto’’ti.
නළවග්ගො පඨමො.
Naḷavaggo paṭhamo.
තස්සුද්දානං –
Tassuddānaṃ –
ඔඝං නිමොක්ඛං උපනෙය්යං, අච්චෙන්ති කතිඡින්දි ච;
Oghaṃ nimokkhaṃ upaneyyaṃ, accenti katichindi ca;
ජාගරං අප්පටිවිදිතා, සුසම්මුට්ඨා මානකාමිනා;
Jāgaraṃ appaṭividitā, susammuṭṭhā mānakāminā;
අරඤ්ඤෙ දසමො වුත්තො, වග්ගො තෙන පවුච්චති.
Araññe dasamo vutto, vaggo tena pavuccati.
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / සංයුත්තනිකාය (අට්ඨකථා) • Saṃyuttanikāya (aṭṭhakathā) / 10. අරඤ්ඤසුත්තවණ්ණනා • 10. Araññasuttavaṇṇanā
ටීකා • Tīkā / සුත්තපිටක (ටීකා) • Suttapiṭaka (ṭīkā) / සංයුත්තනිකාය (ටීකා) • Saṃyuttanikāya (ṭīkā) / 10. අරඤ්ඤසුත්තවණ්ණනා • 10. Araññasuttavaṇṇanā
