| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๑๐. อรญฺญสุตฺตํ
10. Araññasuttaṃ
๑๐. สาวตฺถินิทานํ ฯ เอกมนฺตํ ฐิตา โข สา เทวตา ภควนฺตํ คาถาย อชฺฌภาสิ –
10. Sāvatthinidānaṃ . Ekamantaṃ ṭhitā kho sā devatā bhagavantaṃ gāthāya ajjhabhāsi –
‘‘อรเญฺญ วิหรนฺตานํ, สนฺตานํ พฺรหฺมจารินํ;
‘‘Araññe viharantānaṃ, santānaṃ brahmacārinaṃ;
เอกภตฺตํ ภุญฺชมานานํ, เกน วโณฺณ ปสีทตี’’ติฯ
Ekabhattaṃ bhuñjamānānaṃ, kena vaṇṇo pasīdatī’’ti.
‘‘อตีตํ นานุโสจนฺติ, นปฺปชปฺปนฺติ นาคตํ;
‘‘Atītaṃ nānusocanti, nappajappanti nāgataṃ;
ปจฺจุปฺปเนฺนน ยาเปนฺติ, เตน วโณฺณ ปสีทติ’’ฯ
Paccuppannena yāpenti, tena vaṇṇo pasīdati’’.
‘‘อนาคตปฺปชปฺปาย, อตีตสฺสานุโสจนา;
‘‘Anāgatappajappāya, atītassānusocanā;
เอเตน พาลา สุสฺสนฺติ, นโฬว หริโต ลุโต’’ติฯ
Etena bālā sussanti, naḷova harito luto’’ti.
นฬวโคฺค ปฐโมฯ
Naḷavaggo paṭhamo.
ตสฺสุทฺทานํ –
Tassuddānaṃ –
โอฆํ นิโมกฺขํ อุปเนยฺยํ, อเจฺจนฺติ กติฉินฺทิ จ;
Oghaṃ nimokkhaṃ upaneyyaṃ, accenti katichindi ca;
ชาครํ อปฺปฎิวิทิตา, สุสมฺมุฎฺฐา มานกามินา;
Jāgaraṃ appaṭividitā, susammuṭṭhā mānakāminā;
อรเญฺญ ทสโม วุโตฺต, วโคฺค เตน ปวุจฺจติฯ
Araññe dasamo vutto, vaggo tena pavuccati.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑๐. อรญฺญสุตฺตวณฺณนา • 10. Araññasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๑๐. อรญฺญสุตฺตวณฺณนา • 10. Araññasuttavaṇṇanā
