| Library / Tipiṭaka / तिपिटक • Tipiṭaka / संयुत्तनिकाय • Saṃyuttanikāya |
१०. अरञ्ञसुत्तं
10. Araññasuttaṃ
१०. सावत्थिनिदानं । एकमन्तं ठिता खो सा देवता भगवन्तं गाथाय अज्झभासि –
10. Sāvatthinidānaṃ . Ekamantaṃ ṭhitā kho sā devatā bhagavantaṃ gāthāya ajjhabhāsi –
‘‘अरञ्ञे विहरन्तानं, सन्तानं ब्रह्मचारिनं।
‘‘Araññe viharantānaṃ, santānaṃ brahmacārinaṃ;
एकभत्तं भुञ्जमानानं, केन वण्णो पसीदती’’ति॥
Ekabhattaṃ bhuñjamānānaṃ, kena vaṇṇo pasīdatī’’ti.
‘‘अतीतं नानुसोचन्ति, नप्पजप्पन्ति नागतं।
‘‘Atītaṃ nānusocanti, nappajappanti nāgataṃ;
पच्चुप्पन्नेन यापेन्ति, तेन वण्णो पसीदति’’॥
Paccuppannena yāpenti, tena vaṇṇo pasīdati’’.
‘‘अनागतप्पजप्पाय, अतीतस्सानुसोचना।
‘‘Anāgatappajappāya, atītassānusocanā;
एतेन बाला सुस्सन्ति, नळोव हरितो लुतो’’ति॥
Etena bālā sussanti, naḷova harito luto’’ti.
नळवग्गो पठमो।
Naḷavaggo paṭhamo.
तस्सुद्दानं –
Tassuddānaṃ –
ओघं निमोक्खं उपनेय्यं, अच्चेन्ति कतिछिन्दि च।
Oghaṃ nimokkhaṃ upaneyyaṃ, accenti katichindi ca;
जागरं अप्पटिविदिता, सुसम्मुट्ठा मानकामिना।
Jāgaraṃ appaṭividitā, susammuṭṭhā mānakāminā;
अरञ्ञे दसमो वुत्तो, वग्गो तेन पवुच्चति॥
Araññe dasamo vutto, vaggo tena pavuccati.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / १०. अरञ्ञसुत्तवण्णना • 10. Araññasuttavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / १०. अरञ्ञसुत्तवण्णना • 10. Araññasuttavaṇṇanā
