| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৯. অরঞ্ঞসুত্তং
9. Araññasuttaṃ
২৬২. ‘‘চতূহি , ভিক্খৰে, ধম্মেহি সমন্নাগতো ভিক্খু নালং অরঞ্ঞৰনপ্পত্থানি পন্তানি সেনাসনানি পটিসেৰিতুং। কতমেহি চতূহি? কামৰিতক্কেন, ব্যাপাদৰিতক্কেন, ৰিহিংসাৰিতক্কেন, দুপ্পঞ্ঞো হোতি জল়ো এলমূগো – ইমেহি খো, ভিক্খৰে, চতূহি ধম্মেহি সমন্নাগতো ভিক্খু নালং অরঞ্ঞৰনপ্পত্থানি পন্তানি সেনাসনানি পটিসেৰিতুং।
262. ‘‘Catūhi , bhikkhave, dhammehi samannāgato bhikkhu nālaṃ araññavanappatthāni pantāni senāsanāni paṭisevituṃ. Katamehi catūhi? Kāmavitakkena, byāpādavitakkena, vihiṃsāvitakkena, duppañño hoti jaḷo elamūgo – imehi kho, bhikkhave, catūhi dhammehi samannāgato bhikkhu nālaṃ araññavanappatthāni pantāni senāsanāni paṭisevituṃ.
‘‘চতূহি, ভিক্খৰে, ধম্মেহি সমন্নাগতো ভিক্খু অলং অরঞ্ঞৰনপ্পত্থানি পন্তানি সেনাসনানি পটিসেৰিতুং। কতমেহি চতূহি? নেক্খম্মৰিতক্কেন, অব্যাপাদৰিতক্কেন, অৰিহিংসাৰিতক্কেন , পঞ্ঞৰা হোতি অজল়ো অনেলমূগো – ইমেহি খো, ভিক্খৰে, চতূহি ধম্মেহি সমন্নাগতো ভিক্খু অলং অরঞ্ঞৰনপ্পত্থানি পন্তানি সেনাসনানি পটিসেৰিতু’’ন্তি। নৰমং।
‘‘Catūhi, bhikkhave, dhammehi samannāgato bhikkhu alaṃ araññavanappatthāni pantāni senāsanāni paṭisevituṃ. Katamehi catūhi? Nekkhammavitakkena, abyāpādavitakkena, avihiṃsāvitakkena , paññavā hoti ajaḷo anelamūgo – imehi kho, bhikkhave, catūhi dhammehi samannāgato bhikkhu alaṃ araññavanappatthāni pantāni senāsanāni paṭisevitu’’nti. Navamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৫-১০. কুলসুত্তাদিৰণ্ণনা • 5-10. Kulasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৪-১০. মালুক্যপুত্তসুত্তাদিৰণ্ণনা • 4-10. Mālukyaputtasuttādivaṇṇanā
