| Library / Tipiṭaka / तिपिटक • Tipiṭaka / संयुत्तनिकाय • Saṃyuttanikāya |
११. अरणसुत्तं
11. Araṇasuttaṃ
८१.
81.
‘‘केसूध अरणा लोके, केसं वुसितं न नस्सति।
‘‘Kesūdha araṇā loke, kesaṃ vusitaṃ na nassati;
केध इच्छं परिजानन्ति, केसं भोजिस्सियं सदा॥
Kedha icchaṃ parijānanti, kesaṃ bhojissiyaṃ sadā.
‘‘किंसु माता पिता भाता, वन्दन्ति नं पतिट्ठितं।
‘‘Kiṃsu mātā pitā bhātā, vandanti naṃ patiṭṭhitaṃ;
किंसु इध जातिहीनं, अभिवादेन्ति खत्तिया’’ति॥
Kiṃsu idha jātihīnaṃ, abhivādenti khattiyā’’ti.
‘‘समणीध अरणा लोके, समणानं वुसितं न नस्सति।
‘‘Samaṇīdha araṇā loke, samaṇānaṃ vusitaṃ na nassati;
समणा इच्छं परिजानन्ति, समणानं भोजिस्सियं सदा॥
Samaṇā icchaṃ parijānanti, samaṇānaṃ bhojissiyaṃ sadā.
‘‘समणं माता पिता भाता, वन्दन्ति नं पतिट्ठितं।
‘‘Samaṇaṃ mātā pitā bhātā, vandanti naṃ patiṭṭhitaṃ;
समणीध जातिहीनं, अभिवादेन्ति खत्तिया’’ति॥
Samaṇīdha jātihīnaṃ, abhivādenti khattiyā’’ti.
छेत्वावग्गो अट्ठमो।
Chetvāvaggo aṭṭhamo.
तस्सुद्दानं –
Tassuddānaṃ –
छेत्वा रथञ्च चित्तञ्च, वुट्ठि भीता नजीरति।
Chetvā rathañca cittañca, vuṭṭhi bhītā najīrati;
इस्सरं कामं पाथेय्यं, पज्जोतो अरणेन चाति॥
Issaraṃ kāmaṃ pātheyyaṃ, pajjoto araṇena cāti.
देवतासंयुत्तं समत्तं।
Devatāsaṃyuttaṃ samattaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ११. अरणसुत्तवण्णना • 11. Araṇasuttavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ११. अरणसुत्तवण्णना • 11. Araṇasuttavaṇṇanā
