| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
аарамман̣ажад̇уггам̣
Ārammaṇacatukkaṃ
181. ид̣̇аани яасмаа зд̇ам̣ жхаанам̣ наама яат̇аа бадибад̣̇аабхзд̣̇зна звам̣ аарамман̣абхзд̣̇знааби жад̇уб̣б̣ид̇хам̣ ход̇и. д̇асмаасса д̇ам̣ бабхзд̣̇ам̣ д̣̇ассзд̇ум̣ буна гад̇амз д̇хаммаа гусалаад̇иаад̣̇и аарад̣̇д̇хам̣. д̇ад̇т̇а барид̇д̇ам̣ барид̇д̇аарамман̣анд̇иаад̣̇ийсу яам̣ аббаг̇ун̣ам̣ ход̇и, убариж̇жхаанасса бажжаяо бхавид̇ум̣ на саггод̇и, ид̣̇ам̣ барид̇д̇ам̣ наама. яам̣ бана авад̣дхид̇з суббамад̇д̇з ваа сараавамад̇д̇з ваа аарамман̣з бавад̇д̇ам̣, д̇ам̣ барид̇д̇ам̣ аарамман̣ам̣ ассаад̇и барид̇д̇аарамман̣ам̣. яам̣ баг̇ун̣ам̣ субхаавид̇ам̣ убариж̇жхаанасса бажжаяо бхавид̇ум̣ саггод̇и, ид̣̇ам̣ аббамаан̣ам̣ наама. яам̣ вибулз аарамман̣з бавад̇д̇ам̣ д̇ам̣ вуд̣дхиббамаан̣ад̇д̇аа аббамаан̣ам̣ аарамман̣ам̣ ассаад̇и аббамаан̣аарамман̣ам̣. вуд̇д̇алагкан̣авомиссагад̇ааяа бана вомиссаганаяо взд̣̇ид̇аб̣б̣о. ид̇и аарамман̣авасзнаби жад̇д̇ааро навагаа вуд̇д̇аа хонд̇и. жид̇д̇аг̇ан̣анаабзд̇т̇а буримасад̣̇исаа зваад̇и.
181. Idāni yasmā etaṃ jhānaṃ nāma yathā paṭipadābhedena evaṃ ārammaṇabhedenāpi catubbidhaṃ hoti. Tasmāssa taṃ pabhedaṃ dassetuṃ puna katame dhammā kusalātiādi āraddhaṃ. Tattha parittaṃ parittārammaṇantiādīsu yaṃ appaguṇaṃ hoti, uparijjhānassa paccayo bhavituṃ na sakkoti, idaṃ parittaṃ nāma. Yaṃ pana avaḍḍhite suppamatte vā sarāvamatte vā ārammaṇe pavattaṃ, taṃ parittaṃ ārammaṇaṃ assāti parittārammaṇaṃ. Yaṃ paguṇaṃ subhāvitaṃ uparijjhānassa paccayo bhavituṃ sakkoti, idaṃ appamāṇaṃ nāma. Yaṃ vipule ārammaṇe pavattaṃ taṃ vuḍḍhippamāṇattā appamāṇaṃ ārammaṇaṃ assāti appamāṇārammaṇaṃ. Vuttalakkhaṇavomissakatāya pana vomissakanayo veditabbo. Iti ārammaṇavasenapi cattāro navakā vuttā honti. Cittagaṇanāpettha purimasadisā evāti.
аарамман̣ажад̇уггам̣.
Ārammaṇacatukkaṃ.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / руубааважарагусалам̣ • Rūpāvacarakusalaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / аарамман̣ажад̇уггаван̣н̣анаа • Ārammaṇacatukkavaṇṇanā
