| Library / Tipiṭaka / තිපිටක • Tipiṭaka / අපදානපාළි • Apadānapāḷi |
32. ආරක්ඛදායකවග්ගො
32. Ārakkhadāyakavaggo
1. ආරක්ඛදායකත්ථෙරඅපදානං
1. Ārakkhadāyakattheraapadānaṃ
1.
1.
‘‘ධම්මදස්සිස්ස මුනිනො, වති කාරාපිතා මයා;
‘‘Dhammadassissa munino, vati kārāpitā mayā;
ආරක්ඛො ච මයා දින්නො, ද්විපදින්දස්ස තාදිනො.
Ārakkho ca mayā dinno, dvipadindassa tādino.
2.
2.
‘‘අට්ඨාරසෙ කප්පසතෙ, යං කම්මමකරිං තදා;
‘‘Aṭṭhārase kappasate, yaṃ kammamakariṃ tadā;
තෙන කම්මවිසෙසෙන, පත්තො මෙ ආසවක්ඛයො.
Tena kammavisesena, patto me āsavakkhayo.
3.
3.
‘‘පටිසම්භිදා චතස්සො, විමොක්ඛාපි ච අට්ඨිමෙ;
‘‘Paṭisambhidā catasso, vimokkhāpi ca aṭṭhime;
ඡළභිඤ්ඤා සච්ඡිකතා, කතං බුද්ධස්ස සාසනං’’.
Chaḷabhiññā sacchikatā, kataṃ buddhassa sāsanaṃ’’.
ඉත්ථං සුදං ආයස්මා ආරක්ඛදායකො ථෙරො ඉමා ගාථායො අභාසිත්ථාති.
Itthaṃ sudaṃ āyasmā ārakkhadāyako thero imā gāthāyo abhāsitthāti.
ආරක්ඛදායකත්ථෙරස්සාපදානං පඨමං.
Ārakkhadāyakattherassāpadānaṃ paṭhamaṃ.
