| Library / Tipiṭaka / ತಿಪಿಟಕ • Tipiṭaka / ಧಮ್ಮಪದಪಾಳಿ • Dhammapadapāḷi |
೭. ಅರಹನ್ತವಗ್ಗೋ
7. Arahantavaggo
೯೦.
90.
ಗತದ್ಧಿನೋ ವಿಸೋಕಸ್ಸ, ವಿಪ್ಪಮುತ್ತಸ್ಸ ಸಬ್ಬಧಿ।
Gataddhino visokassa, vippamuttassa sabbadhi;
ಸಬ್ಬಗನ್ಥಪ್ಪಹೀನಸ್ಸ, ಪರಿಳಾಹೋ ನ ವಿಜ್ಜತಿ॥
Sabbaganthappahīnassa, pariḷāho na vijjati.
೯೧.
91.
ಉಯ್ಯುಞ್ಜನ್ತಿ ಸತೀಮನ್ತೋ, ನ ನಿಕೇತೇ ರಮನ್ತಿ ತೇ।
Uyyuñjanti satīmanto, na nikete ramanti te;
ಹಂಸಾವ ಪಲ್ಲಲಂ ಹಿತ್ವಾ, ಓಕಮೋಕಂ ಜಹನ್ತಿ ತೇ॥
Haṃsāva pallalaṃ hitvā, okamokaṃ jahanti te.
೯೨.
92.
ಯೇಸಂ ಸನ್ನಿಚಯೋ ನತ್ಥಿ, ಯೇ ಪರಿಞ್ಞಾತಭೋಜನಾ।
Yesaṃ sannicayo natthi, ye pariññātabhojanā;
ಸುಞ್ಞತೋ ಅನಿಮಿತ್ತೋ ಚ, ವಿಮೋಕ್ಖೋ ಯೇಸಂ ಗೋಚರೋ।
Suññato animitto ca, vimokkho yesaṃ gocaro;
೯೩.
93.
ಯಸ್ಸಾಸವಾ ಪರಿಕ್ಖೀಣಾ, ಆಹಾರೇ ಚ ಅನಿಸ್ಸಿತೋ।
Yassāsavā parikkhīṇā, āhāre ca anissito;
ಸುಞ್ಞತೋ ಅನಿಮಿತ್ತೋ ಚ, ವಿಮೋಕ್ಖೋ ಯಸ್ಸ ಗೋಚರೋ।
Suññato animitto ca, vimokkho yassa gocaro;
ಆಕಾಸೇ ವ ಸಕುನ್ತಾನಂ, ಪದಂ ತಸ್ಸ ದುರನ್ನಯಂ॥
Ākāse va sakuntānaṃ, padaṃ tassa durannayaṃ.
೯೪.
94.
ಯಸ್ಸಿನ್ದ್ರಿಯಾನಿ ಸಮಥಙ್ಗತಾನಿ 3, ಅಸ್ಸಾ ಯಥಾ ಸಾರಥಿನಾ ಸುದನ್ತಾ।
Yassindriyāni samathaṅgatāni 4, assā yathā sārathinā sudantā;
ಪಹೀನಮಾನಸ್ಸ ಅನಾಸವಸ್ಸ, ದೇವಾಪಿ ತಸ್ಸ ಪಿಹಯನ್ತಿ ತಾದಿನೋ॥
Pahīnamānassa anāsavassa, devāpi tassa pihayanti tādino.
೯೫.
95.
ಪಥವಿಸಮೋ ನೋ ವಿರುಜ್ಝತಿ, ಇನ್ದಖಿಲುಪಮೋ 5 ತಾದಿ ಸುಬ್ಬತೋ।
Pathavisamo no virujjhati, indakhilupamo 6 tādi subbato;
ರಹದೋವ ಅಪೇತಕದ್ದಮೋ, ಸಂಸಾರಾ ನ ಭವನ್ತಿ ತಾದಿನೋ॥
Rahadova apetakaddamo, saṃsārā na bhavanti tādino.
೯೬.
96.
ಸನ್ತಂ ತಸ್ಸ ಮನಂ ಹೋತಿ, ಸನ್ತಾ ವಾಚಾ ಚ ಕಮ್ಮ ಚ।
Santaṃ tassa manaṃ hoti, santā vācā ca kamma ca;
ಸಮ್ಮದಞ್ಞಾ ವಿಮುತ್ತಸ್ಸ, ಉಪಸನ್ತಸ್ಸ ತಾದಿನೋ॥
Sammadaññā vimuttassa, upasantassa tādino.
೯೭.
97.
ಅಸ್ಸದ್ಧೋ ಅಕತಞ್ಞೂ ಚ, ಸನ್ಧಿಚ್ಛೇದೋ ಚ ಯೋ ನರೋ।
Assaddho akataññū ca, sandhicchedo ca yo naro;
ಹತಾವಕಾಸೋ ವನ್ತಾಸೋ, ಸ ವೇ ಉತ್ತಮಪೋರಿಸೋ॥
Hatāvakāso vantāso, sa ve uttamaporiso.
೯೮.
98.
ಗಾಮೇ ವಾ ಯದಿ ವಾರಞ್ಞೇ, ನಿನ್ನೇ ವಾ ಯದಿ ವಾ ಥಲೇ।
Gāme vā yadi vāraññe, ninne vā yadi vā thale;
ಯತ್ಥ ಅರಹನ್ತೋ ವಿಹರನ್ತಿ, ತಂ ಭೂಮಿರಾಮಣೇಯ್ಯಕಂ॥
Yattha arahanto viharanti, taṃ bhūmirāmaṇeyyakaṃ.
೯೯.
99.
ರಮಣೀಯಾನಿ ಅರಞ್ಞಾನಿ, ಯತ್ಥ ನ ರಮತೀ ಜನೋ।
Ramaṇīyāni araññāni, yattha na ramatī jano;
ವೀತರಾಗಾ ರಮಿಸ್ಸನ್ತಿ, ನ ತೇ ಕಾಮಗವೇಸಿನೋ॥
Vītarāgā ramissanti, na te kāmagavesino.
ಅರಹನ್ತವಗ್ಗೋ ಸತ್ತಮೋ ನಿಟ್ಠಿತೋ।
Arahantavaggo sattamo niṭṭhito.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಧಮ್ಮಪದ-ಅಟ್ಠಕಥಾ • Dhammapada-aṭṭhakathā / ೭. ಅರಹನ್ತವಗ್ಗೋ • 7. Arahantavaggo
