| Library / Tipiṭaka / д̇ибидага • Tipiṭaka / д̇хаммабад̣̇абаал̣и • Dhammapadapāḷi |
7. араханд̇аваг̇г̇о
7. Arahantavaggo
90.
90.
г̇ад̇ад̣̇д̇хино висогасса, виббамуд̇д̇асса саб̣б̣ад̇хи;
Gataddhino visokassa, vippamuttassa sabbadhi;
саб̣б̣аг̇ант̇аббахийнасса, барил̣аахо на виж̇ж̇ад̇и.
Sabbaganthappahīnassa, pariḷāho na vijjati.
91.
91.
уяяун̃ж̇анд̇и сад̇ийманд̇о, на нигзд̇з раманд̇и д̇з;
Uyyuñjanti satīmanto, na nikete ramanti te;
хам̣саава баллалам̣ хид̇ваа, огамогам̣ ж̇аханд̇и д̇з.
Haṃsāva pallalaṃ hitvā, okamokaṃ jahanti te.
92.
92.
язсам̣ саннижаяо над̇т̇и, яз барин̃н̃аад̇абхож̇анаа;
Yesaṃ sannicayo natthi, ye pariññātabhojanā;
сун̃н̃ад̇о анимид̇д̇о жа, вимогко язсам̣ г̇ожаро;
Suññato animitto ca, vimokkho yesaṃ gocaro;
аагаасз ва сагунд̇аанам̣ 1, г̇ад̇и д̇зсам̣ д̣̇ураннаяаа.
Ākāse va sakuntānaṃ 2, gati tesaṃ durannayā.
93.
93.
яассаасаваа баригкийн̣аа, аахаарз жа аниссид̇о;
Yassāsavā parikkhīṇā, āhāre ca anissito;
сун̃н̃ад̇о анимид̇д̇о жа, вимогко яасса г̇ожаро;
Suññato animitto ca, vimokkho yassa gocaro;
аагаасз ва сагунд̇аанам̣, бад̣̇ам̣ д̇асса д̣̇ураннаяам̣.
Ākāse va sakuntānaṃ, padaṃ tassa durannayaṃ.
94.
94.
яассинд̣̇рияаани самат̇ан̇г̇ад̇аани 3, ассаа яат̇аа саарат̇инаа суд̣̇анд̇аа;
Yassindriyāni samathaṅgatāni 4, assā yathā sārathinā sudantā;
бахийнамаанасса анаасавасса, д̣̇звааби д̇асса бихаяанд̇и д̇аад̣̇ино.
Pahīnamānassa anāsavassa, devāpi tassa pihayanti tādino.
95.
95.
бат̇ависамо но вируж̇жхад̇и, инд̣̇акилубамо 5 д̇аад̣̇и суб̣б̣ад̇о;
Pathavisamo no virujjhati, indakhilupamo 6 tādi subbato;
рахад̣̇ова абзд̇агад̣̇д̣̇амо, сам̣саараа на бхаванд̇и д̇аад̣̇ино.
Rahadova apetakaddamo, saṃsārā na bhavanti tādino.
96.
96.
санд̇ам̣ д̇асса манам̣ ход̇и, санд̇аа ваажаа жа гамма жа;
Santaṃ tassa manaṃ hoti, santā vācā ca kamma ca;
саммад̣̇ан̃н̃аа вимуд̇д̇асса, убасанд̇асса д̇аад̣̇ино.
Sammadaññā vimuttassa, upasantassa tādino.
97.
97.
ассад̣̇д̇хо агад̇ан̃н̃уу жа, санд̇хижчзд̣̇о жа яо наро;
Assaddho akataññū ca, sandhicchedo ca yo naro;
хад̇аавагаасо ванд̇аасо, са вз уд̇д̇амаборисо.
Hatāvakāso vantāso, sa ve uttamaporiso.
98.
98.
г̇аамз ваа яад̣̇и вааран̃н̃з, ниннз ваа яад̣̇и ваа т̇алз;
Gāme vā yadi vāraññe, ninne vā yadi vā thale;
яад̇т̇а араханд̇о вихаранд̇и, д̇ам̣ бхуумирааман̣зяяагам̣.
Yattha arahanto viharanti, taṃ bhūmirāmaṇeyyakaṃ.
99.
99.
раман̣ийяаани аран̃н̃аани, яад̇т̇а на рамад̇ий ж̇ано;
Ramaṇīyāni araññāni, yattha na ramatī jano;
вийд̇арааг̇аа рамиссанд̇и, на д̇з гаамаг̇авзсино.
Vītarāgā ramissanti, na te kāmagavesino.
араханд̇аваг̇г̇о сад̇д̇амо нидтид̇о.
Arahantavaggo sattamo niṭṭhito.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / д̇хаммабад̣̇а-адтагат̇аа • Dhammapada-aṭṭhakathā / 7. араханд̇аваг̇г̇о • 7. Arahantavaggo
