| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
8. அரஹந்தஸுத்தங்
8. Arahantasuttaṃ
110. ஸாவத்தி²னிதா³னங். ‘‘பஞ்சிமே, பி⁴க்க²வே, உபாதா³னக்க²ந்தா⁴. கதமே பஞ்ச? ஸெய்யதி²த³ங் – ரூபுபாதா³னக்க²ந்தோ⁴…பே॰… விஞ்ஞாணுபாதா³னக்க²ந்தோ⁴. யதோ கோ², பி⁴க்க²வே, பி⁴க்கு² இமேஸங் பஞ்சன்னங் உபாதா³னக்க²ந்தா⁴னங் ஸமுத³யஞ்ச அத்த²ங்க³மஞ்ச அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச யதா²பூ⁴தங் விதி³த்வா அனுபாதா³விமுத்தோ ஹோதி. அயங் வுச்சதி, பி⁴க்க²வே, பி⁴க்கு² அரஹங் கீ²ணாஸவோ வுஸிதவா கதகரணீயோ ஓஹிதபா⁴ரோ அனுப்பத்தஸத³த்தோ² பரிக்கீ²ணப⁴வஸங்யோஜனோ ஸம்மத³ஞ்ஞாவிமுத்தோ’’தி. அட்ட²மங்.
110. Sāvatthinidānaṃ. ‘‘Pañcime, bhikkhave, upādānakkhandhā. Katame pañca? Seyyathidaṃ – rūpupādānakkhandho…pe… viññāṇupādānakkhandho. Yato kho, bhikkhave, bhikkhu imesaṃ pañcannaṃ upādānakkhandhānaṃ samudayañca atthaṅgamañca assādañca ādīnavañca nissaraṇañca yathābhūtaṃ viditvā anupādāvimutto hoti. Ayaṃ vuccati, bhikkhave, bhikkhu arahaṃ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṃyojano sammadaññāvimutto’’ti. Aṭṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 5-10. ஸமணஸுத்தாதி³வண்ணனா • 5-10. Samaṇasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 5-10. ஸமணஸுத்தாதி³வண்ணனா • 5-10. Samaṇasuttādivaṇṇanā
