| Library / Tipiṭaka / തിപിടക • Tipiṭaka / മഹാവഗ്ഗപാളി • Mahāvaggapāḷi |
൫൨. അരഹന്തഘാതകവത്ഥു
52. Arahantaghātakavatthu
൧൧൪. തേന ഖോ പന സമയേന സമ്ബഹുലാ ഭിക്ഖൂ സാകേതാ സാവത്ഥിം അദ്ധാനമഗ്ഗപ്പടിപന്നാ ഹോന്തി. അന്തരാമഗ്ഗേ ചോരാ നിക്ഖമിത്വാ ഏകച്ചേ ഭിക്ഖൂ അച്ഛിന്ദിംസു, ഏകച്ചേ ഭിക്ഖൂ ഹനിംസു. സാവത്ഥിയാ രാജഭടാ നിക്ഖമിത്വാ ഏകച്ചേ ചോരേ അഗ്ഗഹേസും, ഏകച്ചേ ചോരാ പലായിംസു. യേ തേ പലായിംസു തേ ഭിക്ഖൂസു പബ്ബജിംസു, യേ തേ ഗഹിതാ തേ വധായ ഓനിയ്യന്തി . അദ്ദസംസു ഖോ തേ പലായിത്വാ പബ്ബജിതാ തേ ചോരേ വധായ ഓനിയ്യമാനേ, ദിസ്വാന ഏവമാഹംസു – ‘‘സാധു ഖോ മയം പലായിമ്ഹാ, സചാ ച 1 മയം ഗയ്ഹേയ്യാമ 2, മയമ്പി ഏവമേവ ഹഞ്ഞേയ്യാമാ’’തി . ഭിക്ഖൂ ഏവമാഹംസു – ‘‘കിം പന തുമ്ഹേ, ആവുസോ, അകത്ഥാ’’തി? അഥ ഖോ തേ പബ്ബജിതാ ഭിക്ഖൂനം ഏതമത്ഥം ആരോചേസും. ഭിക്ഖൂ ഭഗവതോ ഏതമത്ഥം ആരോചേസും. അരഹന്തോ ഏതേ, ഭിക്ഖവേ, ഭിക്ഖൂ. അരഹന്തഘാതകോ, ഭിക്ഖവേ, അനുപസമ്പന്നോ ന ഉപസമ്പാദേതബ്ബോ, ഉപസമ്പന്നോ നാസേതബ്ബോതി.
114. Tena kho pana samayena sambahulā bhikkhū sāketā sāvatthiṃ addhānamaggappaṭipannā honti. Antarāmagge corā nikkhamitvā ekacce bhikkhū acchindiṃsu, ekacce bhikkhū haniṃsu. Sāvatthiyā rājabhaṭā nikkhamitvā ekacce core aggahesuṃ, ekacce corā palāyiṃsu. Ye te palāyiṃsu te bhikkhūsu pabbajiṃsu, ye te gahitā te vadhāya oniyyanti . Addasaṃsu kho te palāyitvā pabbajitā te core vadhāya oniyyamāne, disvāna evamāhaṃsu – ‘‘sādhu kho mayaṃ palāyimhā, sacā ca 3 mayaṃ gayheyyāma 4, mayampi evameva haññeyyāmā’’ti . Bhikkhū evamāhaṃsu – ‘‘kiṃ pana tumhe, āvuso, akatthā’’ti? Atha kho te pabbajitā bhikkhūnaṃ etamatthaṃ ārocesuṃ. Bhikkhū bhagavato etamatthaṃ ārocesuṃ. Arahanto ete, bhikkhave, bhikkhū. Arahantaghātako, bhikkhave, anupasampanno na upasampādetabbo, upasampanno nāsetabboti.
Footnotes:
Related texts:
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / മഹാവഗ്ഗ-അട്ഠകഥാ • Mahāvagga-aṭṭhakathā / മാതുഘാതകാദിവത്ഥുകഥാ • Mātughātakādivatthukathā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / മാതുഘാതകാദിവത്ഥുകഥാവണ്ണനാ • Mātughātakādivatthukathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / മാതുഘാതകാദികഥാവണ്ണനാ • Mātughātakādikathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൫൦. മാതുഘാതകാദിവത്ഥുകഥാ • 50. Mātughātakādivatthukathā
