| Library / Tipiṭaka / តិបិដក • Tipiṭaka / ឧទានបាឡិ • Udānapāḷi |
២. អប្បាយុកសុត្តំ
2. Appāyukasuttaṃ
៤២. ឯវំ មេ សុតំ – ឯកំ សមយំ ភគវា សាវត្ថិយំ វិហរតិ ជេតវនេ អនាថបិណ្ឌិកស្ស អារាមេ។ អថ ខោ អាយស្មា អានន្ទោ សាយន្ហសមយំ បដិសល្លានា 1 វុដ្ឋិតោ យេន ភគវា តេនុបសង្កមិ; ឧបសង្កមិត្វា ភគវន្តំ អភិវាទេត្វា ឯកមន្តំ និសីទិ។ ឯកមន្តំ និសិន្នោ ខោ អាយស្មា អានន្ទោ ភគវន្តំ ឯតទវោច – ‘‘អច្ឆរិយំ, ភន្តេ, អព្ភុតំ, ភន្តេ! យាវ អប្បាយុកា ហិ, ភន្តេ, ភគវតោ មាតា អហោសិ, សត្តាហជាតេ ភគវតិ ភគវតោ មាតា កាលមកាសិ, តុសិតំ កាយំ ឧបបជ្ជី’’តិ។
42. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho āyasmā ānando sāyanhasamayaṃ paṭisallānā 2 vuṭṭhito yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘acchariyaṃ, bhante, abbhutaṃ, bhante! Yāva appāyukā hi, bhante, bhagavato mātā ahosi, sattāhajāte bhagavati bhagavato mātā kālamakāsi, tusitaṃ kāyaṃ upapajjī’’ti.
‘‘ឯវមេតំ, អានន្ទ 3, អប្បាយុកា ហិ, អានន្ទ, ពោធិសត្តមាតរោ ហោន្តិ។ សត្តាហជាតេសុ ពោធិសត្តេសុ ពោធិសត្តមាតរោ កាលំ ករោន្តិ, តុសិតំ កាយំ ឧបបជ្ជន្តី’’តិ។
‘‘Evametaṃ, ānanda 4, appāyukā hi, ānanda, bodhisattamātaro honti. Sattāhajātesu bodhisattesu bodhisattamātaro kālaṃ karonti, tusitaṃ kāyaṃ upapajjantī’’ti.
អថ ខោ ភគវា ឯតមត្ថំ វិទិត្វា តាយំ វេលាយំ ឥមំ ឧទានំ ឧទានេសិ –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘យេ កេចិ ភូតា ភវិស្សន្តិ យេ វាបិ,
‘‘Ye keci bhūtā bhavissanti ye vāpi,
សព្ពេ គមិស្សន្តិ បហាយ ទេហំ;
Sabbe gamissanti pahāya dehaṃ;
តំ សព្ពជានិំ កុសលោ វិទិត្វា,
Taṃ sabbajāniṃ kusalo viditvā,
អាតាបិយោ ព្រហ្មចរិយំ ចរេយ្យា’’តិ។ ទុតិយំ;
Ātāpiyo brahmacariyaṃ careyyā’’ti. dutiyaṃ;
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ឧទាន-អដ្ឋកថា • Udāna-aṭṭhakathā / ២. អប្បាយុកសុត្តវណ្ណនា • 2. Appāyukasuttavaṇṇanā
