| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੨੪੮. ਅਪ੍ਪਟਿਨਿਸ੍ਸਗ੍ਗੇ ਉਕ੍ਖੇਪਨੀਯਕਮ੍ਮਕਥਾ
248. Appaṭinissagge ukkhepanīyakammakathā
੪੧੭. ਇਧ ਪਨ, ਭਿਕ੍ਖવੇ, ਭਿਕ੍ਖੁ ਨ ਇਚ੍ਛਤਿ ਪਾਪਿਕਂ ਦਿਟ੍ਠਿਂ ਪਟਿਨਿਸ੍ਸਜ੍ਜਿਤੁਂ। ਤਤ੍ਰ ਚੇ ਭਿਕ੍ਖੂਨਂ ਏવਂ ਹੋਤਿ – ‘‘ਅਯਂ ਖੋ, ਆવੁਸੋ, ਭਿਕ੍ਖੁ ਨ ਇਚ੍ਛਤਿ ਪਾਪਿਕਂ ਦਿਟ੍ਠਿਂ ਪਟਿਨਿਸ੍ਸਜ੍ਜਿਤੁਂ। ਹਨ੍ਦਸ੍ਸ ਮਯਂ ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ ਉਕ੍ਖੇਪਨੀਯਕਮ੍ਮਂ ਕਰੋਮਾ’’ਤਿ। ਤੇ ਤਸ੍ਸ ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ ਉਕ੍ਖੇਪਨੀਯਕਮ੍ਮਂ ਕਰੋਨ੍ਤਿ – ਅਧਮ੍ਮੇਨ વਗ੍ਗਾ। ਸੋ ਤਮ੍ਹਾ ਆવਾਸਾ ਅਞ੍ਞਂ ਆવਾਸਂ ਗਚ੍ਛਤਿ। ਤਤ੍ਥਪਿ ਭਿਕ੍ਖੂਨਂ ਏવਂ ਹੋਤਿ – ‘‘ਅਯਂ ਖੋ, ਆવੁਸੋ, ਭਿਕ੍ਖੁ ਸਙ੍ਘੇਨ ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ ਉਕ੍ਖੇਪਨੀਯਕਮ੍ਮਕਤੋ ਅਧਮ੍ਮੇਨ વਗ੍ਗੇਹਿ। ਹਨ੍ਦਸ੍ਸ ਮਯਂ ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ ਉਕ੍ਖੇਪਨੀਯਕਮ੍ਮਂ ਕਰੋਮਾ’’ਤਿ। ਤੇ ਤਸ੍ਸ ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ ਉਕ੍ਖੇਪਨੀਯਕਮ੍ਮਂ ਕਰੋਨ੍ਤਿ – ਅਧਮ੍ਮੇਨ ਸਮਗ੍ਗਾ…ਪੇ॰… ਧਮ੍ਮੇਨ વਗ੍ਗਾ… ਧਮ੍ਮਪਤਿਰੂਪਕੇਨ વਗ੍ਗਾ… ਧਮ੍ਮਪਤਿਰੂਪਕੇਨ ਸਮਗ੍ਗਾ…ਪੇ॰…।
417. Idha pana, bhikkhave, bhikkhu na icchati pāpikaṃ diṭṭhiṃ paṭinissajjituṃ. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu na icchati pāpikaṃ diṭṭhiṃ paṭinissajjituṃ. Handassa mayaṃ pāpikāya diṭṭhiyā appaṭinissagge ukkhepanīyakammaṃ karomā’’ti. Te tassa pāpikāya diṭṭhiyā appaṭinissagge ukkhepanīyakammaṃ karonti – adhammena vaggā. So tamhā āvāsā aññaṃ āvāsaṃ gacchati. Tatthapi bhikkhūnaṃ evaṃ hoti – ‘‘ayaṃ kho, āvuso, bhikkhu saṅghena pāpikāya diṭṭhiyā appaṭinissagge ukkhepanīyakammakato adhammena vaggehi. Handassa mayaṃ pāpikāya diṭṭhiyā appaṭinissagge ukkhepanīyakammaṃ karomā’’ti. Te tassa pāpikāya diṭṭhiyā appaṭinissagge ukkhepanīyakammaṃ karonti – adhammena samaggā…pe… dhammena vaggā… dhammapatirūpakena vaggā… dhammapatirūpakena samaggā…pe….
ਚਕ੍ਕਂ ਕਾਤਬ੍ਬਂ।
Cakkaṃ kātabbaṃ.
ਅਪ੍ਪਟਿਨਿਸ੍ਸਗ੍ਗੇ ਉਕ੍ਖੇਪਨੀਯਕਮ੍ਮਕਥਾ ਨਿਟ੍ਠਿਤਾ।
Appaṭinissagge ukkhepanīyakammakathā niṭṭhitā.
