| Library / Tipiṭaka / ತಿಪಿಟಕ • Tipiṭaka / ಮಹಾವಗ್ಗಪಾಳಿ • Mahāvaggapāḷi |
೨೪೮. ಅಪ್ಪಟಿನಿಸ್ಸಗ್ಗೇ ಉಕ್ಖೇಪನೀಯಕಮ್ಮಕಥಾ
248. Appaṭinissagge ukkhepanīyakammakathā
೪೧೭. ಇಧ ಪನ, ಭಿಕ್ಖವೇ, ಭಿಕ್ಖು ನ ಇಚ್ಛತಿ ಪಾಪಿಕಂ ದಿಟ್ಠಿಂ ಪಟಿನಿಸ್ಸಜ್ಜಿತುಂ। ತತ್ರ ಚೇ ಭಿಕ್ಖೂನಂ ಏವಂ ಹೋತಿ – ‘‘ಅಯಂ ಖೋ, ಆವುಸೋ, ಭಿಕ್ಖು ನ ಇಚ್ಛತಿ ಪಾಪಿಕಂ ದಿಟ್ಠಿಂ ಪಟಿನಿಸ್ಸಜ್ಜಿತುಂ। ಹನ್ದಸ್ಸ ಮಯಂ ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ ಉಕ್ಖೇಪನೀಯಕಮ್ಮಂ ಕರೋಮಾ’’ತಿ। ತೇ ತಸ್ಸ ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ ಉಕ್ಖೇಪನೀಯಕಮ್ಮಂ ಕರೋನ್ತಿ – ಅಧಮ್ಮೇನ ವಗ್ಗಾ। ಸೋ ತಮ್ಹಾ ಆವಾಸಾ ಅಞ್ಞಂ ಆವಾಸಂ ಗಚ್ಛತಿ। ತತ್ಥಪಿ ಭಿಕ್ಖೂನಂ ಏವಂ ಹೋತಿ – ‘‘ಅಯಂ ಖೋ, ಆವುಸೋ, ಭಿಕ್ಖು ಸಙ್ಘೇನ ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ ಉಕ್ಖೇಪನೀಯಕಮ್ಮಕತೋ ಅಧಮ್ಮೇನ ವಗ್ಗೇಹಿ। ಹನ್ದಸ್ಸ ಮಯಂ ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ ಉಕ್ಖೇಪನೀಯಕಮ್ಮಂ ಕರೋಮಾ’’ತಿ। ತೇ ತಸ್ಸ ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ ಉಕ್ಖೇಪನೀಯಕಮ್ಮಂ ಕರೋನ್ತಿ – ಅಧಮ್ಮೇನ ಸಮಗ್ಗಾ…ಪೇ॰… ಧಮ್ಮೇನ ವಗ್ಗಾ… ಧಮ್ಮಪತಿರೂಪಕೇನ ವಗ್ಗಾ… ಧಮ್ಮಪತಿರೂಪಕೇನ ಸಮಗ್ಗಾ…ಪೇ॰…।
417. Idha pana, bhikkhave, bhikkhu na icchati pāpikaṃ diṭṭhiṃ paṭinissajjituṃ. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu na icchati pāpikaṃ diṭṭhiṃ paṭinissajjituṃ. Handassa mayaṃ pāpikāya diṭṭhiyā appaṭinissagge ukkhepanīyakammaṃ karomā’’ti. Te tassa pāpikāya diṭṭhiyā appaṭinissagge ukkhepanīyakammaṃ karonti – adhammena vaggā. So tamhā āvāsā aññaṃ āvāsaṃ gacchati. Tatthapi bhikkhūnaṃ evaṃ hoti – ‘‘ayaṃ kho, āvuso, bhikkhu saṅghena pāpikāya diṭṭhiyā appaṭinissagge ukkhepanīyakammakato adhammena vaggehi. Handassa mayaṃ pāpikāya diṭṭhiyā appaṭinissagge ukkhepanīyakammaṃ karomā’’ti. Te tassa pāpikāya diṭṭhiyā appaṭinissagge ukkhepanīyakammaṃ karonti – adhammena samaggā…pe… dhammena vaggā… dhammapatirūpakena vaggā… dhammapatirūpakena samaggā…pe….
ಚಕ್ಕಂ ಕಾತಬ್ಬಂ।
Cakkaṃ kātabbaṃ.
ಅಪ್ಪಟಿನಿಸ್ಸಗ್ಗೇ ಉಕ್ಖೇಪನೀಯಕಮ್ಮಕಥಾ ನಿಟ್ಠಿತಾ।
Appaṭinissagge ukkhepanīyakammakathā niṭṭhitā.
