| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၇. အပ္ပံသုပတိသုတ္တံ
7. Appaṃsupatisuttaṃ
၁၃၇. ‘‘ပဉ္စိမေ , ဘိက္ခဝေ, အပ္ပံ ရတ္တိယာ သုပန္တိ, ဗဟုံ ဇဂ္ဂန္တိ။ ကတမေ ပဉ္စ? ဣတ္ထီ, ဘိက္ခဝေ, ပုရိသာဓိပ္ပာယာ အပ္ပံ ရတ္တိယာ သုပတိ, ဗဟုံ ဇဂ္ဂတိ။ ပုရိသော, ဘိက္ခဝေ, ဣတ္ထာဓိပ္ပာယော အပ္ပံ ရတ္တိယာ သုပတိ, ဗဟုံ ဇဂ္ဂတိ။ စောရော, ဘိက္ခဝေ, အာဒာနာဓိပ္ပာယော အပ္ပံ ရတ္တိယာ သုပတိ, ဗဟုံ ဇဂ္ဂတိ။ ရာဇာ 1, ဘိက္ခဝေ, ရာဇကရဏီယေသု ယုတ္တော အပ္ပံ ရတ္တိယာ သုပတိ, ဗဟုံ ဇဂ္ဂတိ။ ဘိက္ခု, ဘိက္ခဝေ, ဝိသံယောဂာဓိပ္ပာယော အပ္ပံ ရတ္တိယာ သုပတိ, ဗဟုံ ဇဂ္ဂတိ။ ဣမေ ခော, ဘိက္ခဝေ, ပဉ္စ အပ္ပံ ရတ္တိယာ သုပန္တိ, ဗဟုံ ဇဂ္ဂန္တီ’’တိ။ သတ္တမံ။
137. ‘‘Pañcime , bhikkhave, appaṃ rattiyā supanti, bahuṃ jagganti. Katame pañca? Itthī, bhikkhave, purisādhippāyā appaṃ rattiyā supati, bahuṃ jaggati. Puriso, bhikkhave, itthādhippāyo appaṃ rattiyā supati, bahuṃ jaggati. Coro, bhikkhave, ādānādhippāyo appaṃ rattiyā supati, bahuṃ jaggati. Rājā 2, bhikkhave, rājakaraṇīyesu yutto appaṃ rattiyā supati, bahuṃ jaggati. Bhikkhu, bhikkhave, visaṃyogādhippāyo appaṃ rattiyā supati, bahuṃ jaggati. Ime kho, bhikkhave, pañca appaṃ rattiyā supanti, bahuṃ jaggantī’’ti. Sattamaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၇. အပ္ပံသုပတိသုတ္တဝဏ္ဏနာ • 7. Appaṃsupatisuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၅-၉. ပတ္ထနာသုတ္တာဒိဝဏ္ဏနာ • 5-9. Patthanāsuttādivaṇṇanā
