| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૭. અપ્પંસુપતિસુત્તં
7. Appaṃsupatisuttaṃ
૧૩૭. ‘‘પઞ્ચિમે , ભિક્ખવે, અપ્પં રત્તિયા સુપન્તિ, બહું જગ્ગન્તિ. કતમે પઞ્ચ? ઇત્થી, ભિક્ખવે, પુરિસાધિપ્પાયા અપ્પં રત્તિયા સુપતિ, બહું જગ્ગતિ. પુરિસો, ભિક્ખવે, ઇત્થાધિપ્પાયો અપ્પં રત્તિયા સુપતિ, બહું જગ્ગતિ. ચોરો, ભિક્ખવે, આદાનાધિપ્પાયો અપ્પં રત્તિયા સુપતિ, બહું જગ્ગતિ. રાજા 1, ભિક્ખવે, રાજકરણીયેસુ યુત્તો અપ્પં રત્તિયા સુપતિ, બહું જગ્ગતિ. ભિક્ખુ, ભિક્ખવે, વિસંયોગાધિપ્પાયો અપ્પં રત્તિયા સુપતિ, બહું જગ્ગતિ. ઇમે ખો, ભિક્ખવે, પઞ્ચ અપ્પં રત્તિયા સુપન્તિ, બહું જગ્ગન્તી’’તિ. સત્તમં.
137. ‘‘Pañcime , bhikkhave, appaṃ rattiyā supanti, bahuṃ jagganti. Katame pañca? Itthī, bhikkhave, purisādhippāyā appaṃ rattiyā supati, bahuṃ jaggati. Puriso, bhikkhave, itthādhippāyo appaṃ rattiyā supati, bahuṃ jaggati. Coro, bhikkhave, ādānādhippāyo appaṃ rattiyā supati, bahuṃ jaggati. Rājā 2, bhikkhave, rājakaraṇīyesu yutto appaṃ rattiyā supati, bahuṃ jaggati. Bhikkhu, bhikkhave, visaṃyogādhippāyo appaṃ rattiyā supati, bahuṃ jaggati. Ime kho, bhikkhave, pañca appaṃ rattiyā supanti, bahuṃ jaggantī’’ti. Sattamaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૭. અપ્પંસુપતિસુત્તવણ્ણના • 7. Appaṃsupatisuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૫-૯. પત્થનાસુત્તાદિવણ્ણના • 5-9. Patthanāsuttādivaṇṇanā
