| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৭. অপ্পংসুপতিসুত্তং
7. Appaṃsupatisuttaṃ
১৩৭. ‘‘পঞ্চিমে , ভিক্খৰে, অপ্পং রত্তিযা সুপন্তি, বহুং জগ্গন্তি। কতমে পঞ্চ? ইত্থী, ভিক্খৰে, পুরিসাধিপ্পাযা অপ্পং রত্তিযা সুপতি, বহুং জগ্গতি। পুরিসো, ভিক্খৰে, ইত্থাধিপ্পাযো অপ্পং রত্তিযা সুপতি, বহুং জগ্গতি। চোরো, ভিক্খৰে, আদানাধিপ্পাযো অপ্পং রত্তিযা সুপতি, বহুং জগ্গতি। রাজা 1, ভিক্খৰে, রাজকরণীযেসু যুত্তো অপ্পং রত্তিযা সুপতি, বহুং জগ্গতি। ভিক্খু, ভিক্খৰে, ৰিসংযোগাধিপ্পাযো অপ্পং রত্তিযা সুপতি, বহুং জগ্গতি। ইমে খো, ভিক্খৰে, পঞ্চ অপ্পং রত্তিযা সুপন্তি, বহুং জগ্গন্তী’’তি। সত্তমং।
137. ‘‘Pañcime , bhikkhave, appaṃ rattiyā supanti, bahuṃ jagganti. Katame pañca? Itthī, bhikkhave, purisādhippāyā appaṃ rattiyā supati, bahuṃ jaggati. Puriso, bhikkhave, itthādhippāyo appaṃ rattiyā supati, bahuṃ jaggati. Coro, bhikkhave, ādānādhippāyo appaṃ rattiyā supati, bahuṃ jaggati. Rājā 2, bhikkhave, rājakaraṇīyesu yutto appaṃ rattiyā supati, bahuṃ jaggati. Bhikkhu, bhikkhave, visaṃyogādhippāyo appaṃ rattiyā supati, bahuṃ jaggati. Ime kho, bhikkhave, pañca appaṃ rattiyā supanti, bahuṃ jaggantī’’ti. Sattamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৭. অপ্পংসুপতিসুত্তৰণ্ণনা • 7. Appaṃsupatisuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৫-৯. পত্থনাসুত্তাদিৰণ্ণনা • 5-9. Patthanāsuttādivaṇṇanā
