| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౩. అప్పమేయ్యసుత్తవణ్ణనా
3. Appameyyasuttavaṇṇanā
౧౧౬. తతియే సుఖేన మేతబ్బోతి సుప్పమేయ్యో. దుక్ఖేన మేతబ్బోతి దుప్పమేయ్యో. పమేతుం న సక్కోతీతి అప్పమేయ్యో. ఉన్నళోతి ఉగ్గతనళో, తుచ్ఛమానం ఉక్ఖిపిత్వా ఠితోతి అత్థో. చపలోతి పత్తమణ్డనాదినా చాపల్లేన సమన్నాగతో. ముఖరోతి ముఖఖరో. వికిణ్ణవాచోతి అసఞ్ఞతవచనో. అసమాహితోతి చిత్తేకగ్గతారహితో. విబ్భన్తచిత్తోతి భన్తచిత్తో భన్తగావిభన్తమిగసప్పటిభాగో. పాకతిన్ద్రియోతి వివటిన్ద్రియో. సేసమేత్థ ఉత్తానమేవాతి.
116. Tatiye sukhena metabboti suppameyyo. Dukkhena metabboti duppameyyo. Pametuṃ na sakkotīti appameyyo. Unnaḷoti uggatanaḷo, tucchamānaṃ ukkhipitvā ṭhitoti attho. Capaloti pattamaṇḍanādinā cāpallena samannāgato. Mukharoti mukhakharo. Vikiṇṇavācoti asaññatavacano. Asamāhitoti cittekaggatārahito. Vibbhantacittoti bhantacitto bhantagāvibhantamigasappaṭibhāgo. Pākatindriyoti vivaṭindriyo. Sesamettha uttānamevāti.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౩. అప్పమేయ్యసుత్తం • 3. Appameyyasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౩. అప్పమేయ్యసుత్తవణ్ణనా • 3. Appameyyasuttavaṇṇanā
