| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੫. ਅਪ੍ਪਮਾਦਸੁਤ੍ਤવਣ੍ਣਨਾ
5. Appamādasuttavaṇṇanā
੧੫. ਪਞ੍ਚਮੇ ਏવਮੇવ ਖੋਤਿ ਯਥਾ ਸਬ੍ਬਸਤ੍ਤਾਨਂ ਸਮ੍ਮਾਸਮ੍ਬੁਦ੍ਧੋ ਅਗ੍ਗੋ, ਏવਂ ਸਬ੍ਬੇਸਂ ਕੁਸਲਧਮ੍ਮਾਨਂ ਕਾਰਾਪਕਅਪ੍ਪਮਾਦੋ ਅਗ੍ਗੋਤਿ ਦਟ੍ਠਬ੍ਬੋ। ਨਨੁ ਚੇਸ ਲੋਕਿਯੋવ, ਕੁਸਲਧਮ੍ਮਾ ਪਨ ਲੋਕੁਤ੍ਤਰਾਪਿ। ਅਯਞ੍ਚ ਕਾਮਾવਚਰੋવ, ਕੁਸਲਧਮ੍ਮਾ ਪਨ ਚਤੁਭੂਮਕਾ। ਕਥਮੇਸ ਤੇਸਂ ਅਗ੍ਗੋਤਿ? ਪਟਿਲਾਭਕਤ੍ਤੇਨ। ਅਪ੍ਪਮਾਦੇਨ ਹਿ ਤੇ ਪਟਿਲਭਨ੍ਤਿ, ਤਸ੍ਮਾ ਸੋ ਤੇਸਂ ਅਗ੍ਗੋ। ਤੇਨੇવ વੁਤ੍ਤਂ – ਸਬ੍ਬੇ ਤੇ ਅਪ੍ਪਮਾਦਮੂਲਕਾਤਿ।
15. Pañcame evameva khoti yathā sabbasattānaṃ sammāsambuddho aggo, evaṃ sabbesaṃ kusaladhammānaṃ kārāpakaappamādo aggoti daṭṭhabbo. Nanu cesa lokiyova, kusaladhammā pana lokuttarāpi. Ayañca kāmāvacarova, kusaladhammā pana catubhūmakā. Kathamesa tesaṃ aggoti? Paṭilābhakattena. Appamādena hi te paṭilabhanti, tasmā so tesaṃ aggo. Teneva vuttaṃ – sabbe te appamādamūlakāti.
ਜਙ੍ਗਲਾਨਨ੍ਤਿ ਪਥવਿਤਲਚਾਰੀਨਂ। ਪਾਣਾਨਨ੍ਤਿ ਸਪਾਦਕਪਾਣਾਨਂ। ਪਦਜਾਤਾਨੀਤਿ ਪਦਾਨਿ। ਸਮੋਧਾਨਂ ਗਚ੍ਛਨ੍ਤੀਤਿ ਓਧਾਨਂ ਪਕ੍ਖੇਪਂ ਗਚ੍ਛਨ੍ਤਿ। ਅਗ੍ਗਮਕ੍ਖਾਯਤੀਤਿ ਸੇਟ੍ਠਮਕ੍ਖਾਯਤਿ। ਯਦਿਦਂ ਮਹਨ੍ਤਤ੍ਤੇਨਾਤਿ ਮਹਨ੍ਤਭਾવੇਨ ਅਗ੍ਗਮਕ੍ਖਾਯਤਿ, ਨ ਗੁਣਗ੍ਗੇਨਾਤਿ ਅਤ੍ਥੋ। વਸ੍ਸਿਕਨ੍ਤਿ ਸੁਮਨਪੁਪ੍ਫਂ। ਇਦਂ ਕਿਰ ਸੁਤ੍ਤਂ ਸੁਤ੍વਾ ਭਾਤਿਯਮਹਾਰਾਜਾ વੀਮਂਸਿਤੁਕਾਮਤਾਯ ਏਕਸ੍ਮਿਂ ਗਬ੍ਭੇ ਚਤੁਜਾਤਿਗਨ੍ਧੇਹਿ ਪਰਿਭਣ੍ਡਂ ਕਤ੍વਾ ਸੁਗਨ੍ਧਪੁਪ੍ਫਾਨਿ ਆਹਰਾਪੇਤ੍વਾ ਏਕਸ੍ਸ ਸਮੁਗ੍ਗਸ੍ਸ ਮਜ੍ਝੇ ਸੁਮਨਪੁਪ੍ਫਮੁਟ੍ਠਿਂ ਠਪੇਤ੍વਾ ਸੇਸਾਨਿ ਤਸ੍ਸ ਸਮਨ੍ਤਤੋ ਮੁਟ੍ਠਿਂ ਕਤ੍વਾ ਠਪੇਤ੍વਾ ਦ੍વਾਰਂ ਪਿਧਾਯ ਬਹਿ ਨਿਕ੍ਖਨ੍ਤੋ। ਅਥਸ੍ਸ ਮੁਹੁਤ੍ਤਂ ਬਹਿ વੀਤਿਨਾਮੇਤ੍વਾ ਦ੍વਾਰਂ વਿવਰਿਤ੍વਾ ਪવਿਸਨ੍ਤਸ੍ਸ ਸਬ੍ਬਪਠਮਂ ਸੁਮਨਪੁਪ੍ਫਗਨ੍ਧੋ ਘਾਨਂ ਪਹਰਿ। ਸੋ ਮਹਾਤਲਸ੍ਮਿਂਯੇવ ਮਹਾਚੇਤਿਯਾਭਿਮੁਖੋ ਨਿਪਜ੍ਜਿਤ੍વਾ ‘‘વਸ੍ਸਿਕਂ ਤੇਸਂ ਅਗ੍ਗਨ੍ਤਿ ਕਥੇਨ੍ਤੇਨ ਸੁਕਥਿਤਂ ਸਮ੍ਮਾਸਮ੍ਬੁਦ੍ਧੇਨਾ’’ਤਿ ਚੇਤਿਯਂ વਨ੍ਦਿ। ਖੁਦ੍ਦਰਾਜਾਨੋਤਿ ਖੁਦ੍ਦਕਰਾਜਾਨੋ। ਕੂਟਰਾਜਾਨੋਤਿਪਿ ਪਾਠੋ।
Jaṅgalānanti pathavitalacārīnaṃ. Pāṇānanti sapādakapāṇānaṃ. Padajātānīti padāni. Samodhānaṃ gacchantīti odhānaṃ pakkhepaṃ gacchanti. Aggamakkhāyatīti seṭṭhamakkhāyati. Yadidaṃmahantattenāti mahantabhāvena aggamakkhāyati, na guṇaggenāti attho. Vassikanti sumanapupphaṃ. Idaṃ kira suttaṃ sutvā bhātiyamahārājā vīmaṃsitukāmatāya ekasmiṃ gabbhe catujātigandhehi paribhaṇḍaṃ katvā sugandhapupphāni āharāpetvā ekassa samuggassa majjhe sumanapupphamuṭṭhiṃ ṭhapetvā sesāni tassa samantato muṭṭhiṃ katvā ṭhapetvā dvāraṃ pidhāya bahi nikkhanto. Athassa muhuttaṃ bahi vītināmetvā dvāraṃ vivaritvā pavisantassa sabbapaṭhamaṃ sumanapupphagandho ghānaṃ pahari. So mahātalasmiṃyeva mahācetiyābhimukho nipajjitvā ‘‘vassikaṃ tesaṃ agganti kathentena sukathitaṃ sammāsambuddhenā’’ti cetiyaṃ vandi. Khuddarājānoti khuddakarājāno. Kūṭarājānotipi pāṭho.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੫. ਅਪ੍ਪਮਾਦਸੁਤ੍ਤਂ • 5. Appamādasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੫-੬. ਅਪ੍ਪਮਾਦਸੁਤ੍ਤਾਦਿવਣ੍ਣਨਾ • 5-6. Appamādasuttādivaṇṇanā
