| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༧. ཨཔྤམཱདསུཏྟཝཎྞནཱ
7. Appamādasuttavaṇṇanā
༡༢༨. སཏྟམེ སམདྷིགྒཡ྄ཧཱཏི སམདྷིགྒཎྷིཏྭཱ, ཨཱདིཡིཏྭཱཏི ཨཏྠོ། ཨཔྤམཱདོཏི ཀཱརཱཔཀཨཔྤམཱདོ། སམོདྷཱནནྟི སམཝདྷཱནཾ ཨུཔཀྑེཔཾ། ཨེཝམེཝ ཁོཏི ཧཏྠིཔདཾ ཝིཡ ཧི ཀཱརཱཔཀཨཔྤམཱདོ, སེསཔདཛཱཏཱནི ཝིཡ ཨཝསེསཱ ཙཏུབྷཱུམཀཱ ཀུསལདྷམྨཱ། ཏེ ཧཏྠིཔདེ སེསཔདཱནི ཝིཡ ཨཔྤམཱདེ སམོདྷཱནཾ གཙྪནྟི, ཨཔྤམཱདསྶ ཨནྟོ པརིཝཏྟནྟི། ཡཐཱ ཙ ཧཏྠིཔདཾ སེསཔདཱནཾ ཨགྒཾ སེཊྛཾ, ཨེཝཾ ཨཔྤམཱདོ སེསདྷམྨཱནནྟི དསྶེཏི། མཧགྒཏལོཀུཏྟརདྷམྨཱནམྤི ཧེས པཊིལཱབྷཀཊྛེན ལོཀིཡོཔི སམཱནོ ཨགྒོཝ ཧོཏི།
128. Sattame samadhiggayhāti samadhiggaṇhitvā, ādiyitvāti attho. Appamādoti kārāpakaappamādo. Samodhānanti samavadhānaṃ upakkhepaṃ. Evameva khoti hatthipadaṃ viya hi kārāpakaappamādo, sesapadajātāni viya avasesā catubhūmakā kusaladhammā. Te hatthipade sesapadāni viya appamāde samodhānaṃ gacchanti, appamādassa anto parivattanti. Yathā ca hatthipadaṃ sesapadānaṃ aggaṃ seṭṭhaṃ, evaṃ appamādo sesadhammānanti dasseti. Mahaggatalokuttaradhammānampi hesa paṭilābhakaṭṭhena lokiyopi samāno aggova hoti.
ཨཔྤམཱདཾ པསཾསནྟཱིཏི ‘‘ཨེཏཱནི ཨཱཡུཨཱདཱིནི པཏྠཡནྟེན ཨཔྤམཱདོཝ ཀཱཏབྦོ’’ཏི ཨཔྤམཱདམེཝ པསཾསནྟི། ཡསྨཱ ཝཱ པུཉྙཀིརིཡཱསུ པཎྜིཏཱ ཨཔྤམཱདཾ པསཾསནྟི, ཏསྨཱ ཨཱཡུཨཱདཱིནི པཏྠཡནྟེན ཨཔྤམཱདོཝ ཀཱཏབྦོཏི ཨཏྠོ། ཨཏྠཱབྷིསམཡཱཏི ཨཏྠཔཊིལཱབྷཱ། སཏྟམཾ།
Appamādaṃ pasaṃsantīti ‘‘etāni āyuādīni patthayantena appamādova kātabbo’’ti appamādameva pasaṃsanti. Yasmā vā puññakiriyāsu paṇḍitā appamādaṃ pasaṃsanti, tasmā āyuādīni patthayantena appamādova kātabboti attho. Atthābhisamayāti atthapaṭilābhā. Sattamaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༧. ཨཔྤམཱདསུཏྟཾ • 7. Appamādasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༧. ཨཔྤམཱདསུཏྟཝཎྞནཱ • 7. Appamādasuttavaṇṇanā
