| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༡༡. ཨཔྤམཱདསུཏྟཝཎྞནཱ
11. Appamādasuttavaṇṇanā
༥༣. ཨེཀཱདསམེ སམདྷིགྒཡ྄ཧཱཏི སུཊྛུ གཎྷིཏྭཱ། ཛངྒལཱནཾ པཱཎཱནནྟི པཐཝཱིཏལཙཱརཱིནཾ སཔཱདཀཔཱཎཱནཾ། པདཛཱཏཱནཱིཏི པདཱནི། སམོདྷཱནཾ གཙྪནྟཱིཏི ཨོདྷཱནཾ ཨུཔནིཀྑེཔཾ གཙྪནྟི། ཨགྒམཀྑཱཡཏཱིཏི སེཊྛཾ ཨཀྑཱཡཏི། པབྦཛལཱཡཀོཏི པབྦཛཏིཎཙྪེདཀོ། ཨོདྷུནཱཏཱིཏི ཧེཊྛཱ མུཁཾ དྷུནཱཏི། ནིདྷུནཱཏཱིཏི ཨུབྷོཧི པསྶེཧི དྷུནཱཏི། ནིཙྪཱདེཏཱིཏི བཱཧཱཡ ཝཱ པཧརཏི, རུཀྑེ ཝཱ པཧརཏི། ཨམྦཔིཎྜིཡཱཏི ཨམྦཕལཔིཎྜིཡཱ། ཝཎྚཱུཔནིབནྡྷནཱནཱིཏི ཝཎྚེ ཨུཔནིབནྡྷནཱནི , ཝཎྚེ ཝཱ པཏིཊྛིཏཱནི། ཏདནྭཡཱནི བྷཝནྟཱིཏི ཝཎྚཱནུཝཏྟཀཱནི བྷཝནྟི, ཨམྦཔིཎྜིདཎྜཀཱནུཝཏྟཀཱནི བྷཝནྟཱིཏིཔི ཨཏྠོ། ཁུདྡརཱཛཱནོཏི ཁུདྡཀརཱཛཱནོ, པཀཏིརཱཛཱནོ ཝཱ།
53. Ekādasame samadhiggayhāti suṭṭhu gaṇhitvā. Jaṅgalānaṃ pāṇānanti pathavītalacārīnaṃ sapādakapāṇānaṃ. Padajātānīti padāni. Samodhānaṃ gacchantīti odhānaṃ upanikkhepaṃ gacchanti. Aggamakkhāyatīti seṭṭhaṃ akkhāyati. Pabbajalāyakoti pabbajatiṇacchedako. Odhunātīti heṭṭhā mukhaṃ dhunāti. Nidhunātīti ubhohi passehi dhunāti. Nicchādetīti bāhāya vā paharati, rukkhe vā paharati. Ambapiṇḍiyāti ambaphalapiṇḍiyā. Vaṇṭūpanibandhanānīti vaṇṭe upanibandhanāni , vaṇṭe vā patiṭṭhitāni. Tadanvayāni bhavantīti vaṇṭānuvattakāni bhavanti, ambapiṇḍidaṇḍakānuvattakāni bhavantītipi attho. Khuddarājānoti khuddakarājāno, pakatirājāno vā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༡༡. ཨཔྤམཱདསུཏྟཾ • 11. Appamādasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡༡. ཨཔྤམཱདསུཏྟཝཎྞནཱ • 11. Appamādasuttavaṇṇanā
